قمت الساعه 8 الصبح سويتلي ريوق طلعت الحوش و تريقت برع يوني اخواني كلهم برع يتريقون وياي تمينا نسولف
سالم: باجر انا و عواش سايرين ليوا
عبدالله: كيف توديها كلهم شباب تستهبل
سالم: لا شي بنات سرت انا و تقولي ربيعاتها بعد سارو
عبدالله: هيه بس ما اطلع من السياره
انا:مابا اطلع اصلا
هزاع: انا بيي وياكم
سالم: لا ما نباك
انا: حرام عليككك ما سار
هزاع: انا اصلا بسير غصبن عنكم ويا ربيعي
انا: هاهااا اتحدا امي تخليك
هزاع: ليش ما تخليني ترا عادي
انا: لا امي اعرف ربعك شو بيسون في ليوا مستحيل تخليك ماما وايد تخاف تعال ويانا
هزاع: شو ابا فيكم
انا: خلاص عيل خلك فالبيت و لا اروح ليوا هالسنه و بصورلك و نحن مستانسين
هزاع: يابوي انقلعي بسير وياكم خلاص
انا: منو ينقلع نعم اخوي
سرت صوبه وسويت عمري بنط شعره
هزاع: انا انا انقلع
انا: هيه اتحرا
تمينا نسولف يو كلهم كلمتني حمده سناب
حمده: عواش تعالي كلمت امي
انا: اونههه يلا يايه
سرت فوق عند حمده ركض دخلت غرفتها و شفتها على السرير منسدحه على فونها قامت و يلسنا على الكراسي
انا: قاعده تواريني تكلمييي قولي كل شي بالتفصيل
حمده: اوكي اسمعي اول شي سرت عند ماماه و جفت ابوي وياها ما قدرت اقولها ماما تعالي ف قررت اني اقولهم الاثنين
انا: انزين شو قلتي
حمده: قلتلهم اسمعو ودوم قالتلي انه حمد يحب عواش و انه يبا يخطبها و جي بس ما يدري اذا انتو بتوافقون و انتو تعرفون انهم يحبون بعض و يعني عراش بعدها ثنويه و قال انه بس بيخطبها و بيعرسون عقب المدرسه لانه سمع انه انتو ما تبون حد ياخذ عواش الى اذا خلصت اول سنه جامعه و ودوم قالت انه هوه ما يقدر يتريه و جيه
انا: اف يلا خلصي شو قالوو
حمده: ابوي قال ما يدري بيفكر و قال قولي حق ودوم انه هوه يبا يكلم حمد عن السالفه و جيه و امي ما تكلمت بس
انا: انزين تحسين امي بتوافق
حمده: امي كانت فرحانه طلعت وراي و قالت هيه موافقه بس ما تبا تقول قدام ابوي
انا: هيه اوكي
ما كنت ابا ارويها كيف فرحانه فهالشي رحت غرفتي على طول و دقيت على حمد
حمد: الوووو نعم
انا: نايم
حمد: هاه لا منو قال
انا: شفيك ههههه
حمد: هلا عواش
انا: حمود عندي لك خبر حلوووو
و بابي انفتح بقوه و يا سالم شل تلفوني و جاف مكتوب حمد حط التلفون سبيكر و سووه ميوت
سالم: تكلمي
شل الميوت
حمد: عواش حبيبي شو فيج
