بعد اسبوعين ردينا بوظبي و بنبدا المدارس و ما كلمت حمد ولا فتحت تويتر عشان ما اجوف شو كاتب و عشان ما اتذكره لانه هالاسبوعين كانو اصعب اسابيع مريت فيها كنت وايد افكر ف حمد و كنت صدق تعبانه لدرجه انه امي لاحضت علي كيف صرت وايد مودي مب حلو.
دخل ابوي غرفتي
ابوي: عواش حبيبي يلا بنسير نشتري اغراض المدرسه
انا: اوكي بابا
طلع ابوي بدلت لبست و تكشخت صدققق لانه مودي كان خايس و قلت ليش ما اغير جو و اتكشخ نزلت تحت
عبدالله: رايحه عرس ولا مدرسه
انا: عبود ما يخصك اف
عبدالله: ترا والله امزح شو فيج هاليومين مودج خايس
انا: ما فيني شي خلاص
عبدالله: انزين ابوي قالي اقولج انه هوه يترياج فالسياره
انا: اوكي
رحت السياره و حطيت اغاني و ابوي كان يكلمني و انا كنت افكر ف حمد و كل الش استوا و صلنا ياس مول
ابوي: عواش حبيبي ادخلي انا بروح عندي مشوار و بييج
انا: تمام مع السلامه
دخلت المول و تميت اتشرا يتني وحده
شيخه: عواششش
انا: اوه شواخ هلااا
شيخه: هلا بالقاطعه
انا: لا ويننن انتي الي ما تكلميني و شو تسوين مني
شيخه: يايه اخذ اغراض المدرسه و غصبت حمود يوديني
انا: هيه
يا حمد و طالعني و نزل راسه
حمد: السلام عليكم بنت عمي
انا: و عليكم السلام
حمد: اخبارج
انا: الحمدلله
حمد: دوم
شيخه: شرايكم نتشرا ويا بعض
انا: ام اوكي
دق علي ابوي
انا: الو هلا
ابوي: عواش حبيبي انا بتاخر
انا: عادي انا الحين ويا شواخ و حمد
ابوي: هيهه الحمدلله زين وياج حد
انا: هيه ما عليك
البوي: انتبهي على حموج
انا: انشالله يلا باي حبيبي
سكرت و حمد كان يطالعني و معصبه يستهبل هاه يتحراني اكلم شباب يتحراني مثله اف يقهر عنده انفصام شخصيه ولا شو حمد حط السماعه يوم حد دق عليه و راح بعيد و كان يضحك و يبتسم و هو يكلم هالشخص انا حاسه انه يكلم بنت بس ما اقدر اسوي شي و كنت مقهورههه انا و شيخه اشترينا اغراض المدرسه و حمد كان في كوفي و خلانه نشتري برحنه و اكيد الشباب الي في ياس مول يطالعون تعبت خذيت كل شي و رحنا الكوفي و يلسنا نسولف انا و شيخه حمد هد تلفونه و بس كان يسمع سوالفنا
انا: تتخيلين انه هاي اخر ترم و بتخرج من المدرسه خلاص
شيخه: الايام تمر بسرعه
انا: هيهه
شيخه: اي جامعه تبين
انا: والله ودي اروح جامعة الامارات
حمد: لا وين وايد بعيد
انا: عادي شي باصات
حمد: يعني تردين كل ويكند بس
انا: هيه
حمد:وايد بعيد لا
انا: انا الي بروح الجامعه ولا انته
شيخه: هي شو فيكم اول شي حمد انته ما يخصك ثاني شي مدري شفيكم شوي و بتتضاربون
