عمي طالع من الميلس
عمي: بنت ما بتحصل احسن عن ولدي اصلا!!!
البوي: اطلع اطلع بسسس ولدك ما يستاهلها اصلا
عمي: هيه كيف بتتزوج اذا الناس عرفو انها تحب ولد عمها
ابوي: اطلع
حمد: ابوي عمي مب جيه
فهد: اذكرو الله السالفه ما تستاهل كل هالمشاكل
رحت عندهم
انا: ابوي شو مستوي
ابوي: عواش روحي ما يخصج
انا: مبله يخصني اذا انتو تتضاربون بسبتي ما بسكت
ابوي: هيه نحنا متضاربين بسبتج و بسبت افعالج الخايسه
عيني بدت تدمع
انا: انا ما سويت شي عرفت غلطتي و انته وعدتني انك ما بنتكلم و بتنسى الموضوع
ابوي: مستحيل انسى يا****
عمي: لا تقول على بنتك هالكلام هاذي بنتك مهما كان
ابوي: ما يخصك فلي اقوله عن بنتي
عمي: يخصني انته اخوي و هاي بنتك لا تقول هالكلام عن بنتك ما تستحي هاي بنتك تربيتك
ابوي: اذا هاي تربيتي يعني انا الي ما ربيتها عدل سودت ويهي
حمد: ليش حاطين اللوم كله على عايشه اذا انا بعد السبب ترا هي كانت دايما تبلكني بس انا كنت اخليها تكلمني
ابوي: اهااا!!! سمعت ولدك شو يقول يا راشد
عمي: هيه سمعت و عادي غلطه و استوت و تفاهمنا انته ليش بعدك تتكلم عن الموضوع
ابوي: انته ما تعرف انا شو احس انته ولدك الي يكلم انا بنتي اذا بناتك كلمو مستحيل تنسى
عمي: ادري انه مب نفس الشي بس مستحيل انادي بنتي **** لو شو ما صار و قدامي و قدام عيالي تقولها هالكلام
ابوي : خلاص اطلعو
عمي: مستحيل اطلع لين ما اراضيك ما اقدر اسويها مره ثانيه
رحت غرفتي و تميت اصيححح كيف ابوي يقول عني هالكلام و قدام عمي و قدام حمد كيف انا شو سويت ف حياتي عشان جيه يصيرلييي شو سويت يا الله
قمت الصبح و شفت عمري بعدني لابسه المخور و الشيله و ما مسحت المكياج كيف رقدت بدون ما احس قمت و بدلت و تسبحت و شليت فوني جفت الساعه 1 الضهر حصلت مكالمات من رقم غريب و من شيخه و الرقم الغريب ادق من قبل 10 دقايق انا حاسه انه حمد برد بعد ربع ساعه دق الرقم الغريب
انا: الو
حمد: عواشش
انا: ام هلا
حمد: عواش ما توقعتج تردين
انا: ولا انا توقعت اني ارد
حمد: انتي بخير بعد الي استوا
انا: لا
حمد:...
انا:....
حمد: عواش والله حاولت ابوج رضى و خلاص اعتذر من ابوي و ابوي تم يكلمه طول الليل يقنعا يعتذرلج و قنعا يفكر عن الخطبه و دق عليه اليوم الصبح و قال انه موافق
انا: هاه
حمد: هيه قال انه موافق
انا: قول والله
حمد: والله
انا:....
حمد: و انا سلوم تسامحنا
الباب يدق سكرت التلفون
انا: ادخل
سالم: هلا عواش
انا: اهلين
سالم: بقولج شي
انا: قول
سالم: شسمه اااا ما اعرف شو اقولج
انا: مسامحتنك
سالم: هاه
انا: هيه مسامحتنك
