(بعد 3 شهور)
قمت الصبح و كله كتب على كرفايتي قمت تجهزت حق المدرسه اليوم يوم الخميس اخر يوم من الاسبوع الميت قبل الفاينلز مال ترم 3 و الكتب الي على كرفايتي كتبي لاني كنت ادرس من الويكند تكشخت و نزلت تحت اتريا الباص كل حد كان راقد تميت اتريا لين ما يا الباص دخلت و يلست عند وبيعتي ظبيه
انا: هلا والله ظبوييي
ظبيه: هلا عواشييي
انا: شو فيج مودج مب عايبني اليوم
ظبيه: ما فيني شي
انا: فيج شي قولي
ظبيه: امي شلت الستريتنر ما سويت شعرييي
انا: هههههه اونههه
ظبيه: والله تعبت
انا: عادي اربطي شعرج
ظبيه: هيه هالي بسوي
تمينا نسولف لين ما وصلنا المدرسه ظبيه صف حدعش ف مب ويا بعض دخلت الصف و العنود كانت تفصخ عباتها
العنود: ليش تاخرتي اليوم
انا: مب متاخره انتي يايه من وقت
العنود: بسالج شوو ستوا وياج انتي و حمد
انا: امممم والله مدري ما شفته من 3 شهور ما قام ايي بيت يدوه عقب ما ابوي رفضه
العنود: والله حرام ترا الولد يباج ليش ابوج رفضه
انا: اذا على ابوي عادي عنده كله من اخواني ما يبون شوو اسوي
العنود: يعني عادي عندج خلاص
انا: لا شو تبيني اسوي خلاص تعبت و انا احاول اقنعهم
العنود: يمه شوو فيج بتصيحين
انا: عنود خلنا نروح الحمام مابا حد يجرفني
سرنا الحمام و يلسنا عالارض
انا: عنود والله صدق تعبت يعني ما اعرف حمود وين و شو مستويله ولا شو يسوي من 3 شهور ما جفته تتخيلين ثلاث شهور والله ما اعرف كيف اشرح شو احس في الحين ما اعرف كيف اشرحلج ودي اقولج بس ما اقدر
العنود: خلاص هاي فتره و بتعدي عواش
انا: تتخيلين شكثر كنت ابا اكلمه بس امسك عمري يعني حتى تويتر ما قام يكتب اشياء يعني ما اعرف عنه ولا شي حتى امه ما تتكلم عنه قدامي يعني تتخيلين كيف شخص تكلمينه كل يوم تعرفين كل تفاصيل يومه و في يوم و ليله علومه تنقطع حتى يدوه ما قالتلي شي
العنود: عواش تبين اغير مودج
انا: هيه تكفيننن فيني صيحه
العنود: شرايج نشرد
انا: من المدرسه!!!!
العنود: لا يالغبيه بس من الحصص
انا: وين نروح يعني
العنود: نتم فالحمام
انا: اوكي بس شنطنا داخل الصف
العنود: محد بيعرف خلينا نروح صف مس الارت لانها ما تيي الصبح
انا: يلا
سرنا مناك و تمينا نسولف و شردنا طول اليوم لين ما دق الجرس عشان نروح البيت دخلنا الصف و مس العربي يا عندنا
مس العربي: وين كنتو
انا: كنا عند الاخصائيه
مس العربي: ليش ما ستاذنتو
العنود: لاننا كنا مناك من قبل حصتح
مس العربي: انزين يلا روحو
شلينا شنطنا و لبسنا عبينا و سرت الباص و فالباص كنت اسولف ويا ظبيه لين ما وصلت البيت اول ما دخلت شفتهم يتغدون
انا: بديتو تاكلون قبل ما ايي
سالم: انتي عاد تردين البيت ثلاث و شي ما نقدر نترياج ميتين يوع
انا: همممم اوكييي بالعافيه
امي: عواش حبيبي تعالي كلي
انا: بسبح و بتغدا
ابوي: اوه لين ما تخلصين نحن راقدين تعالي كلي
انا: اوكي
يلست عدال عبدالله و اتميت اكل وا سولف وياهم
سالم: امي عواش حاطه مكياج
انا: هاههه لا وين مب حاطه
سالم: حاطه روج
انا: والله مب روج ماماه ها المرطب الي توني مشترتنه
امي: سلوم و انته شوو يخصك
انا: جفتي ماما يبا يوهقني
سالم: المره اليايه ما عليج
انا: خيرررر
سالم: ههههههه
تغديتا و سرت غرفتي و تسبحت و لبست هودي و سترج و شليت كتبي و نزلت المطبخ
انا: ميري سوي جاي و يبي فواكه يبي الحوش
ميري: اوكي مدام
سرت الحوش و يابتلي ميري جاي و فواكه و درست حق الفاينلز و دشيت كول ويا بنات صفي عشان نراجع حد دق الباب و طلعت ميري و فجت الباب تحسبتا هزاع بس دخل حمد و عمي راشد
ابو خالد: وين بابا
ميري: داخل مجلس
توهقت ما عرفت وين اروح جافني حمد و ويها انقلب و نزل راسه خالد و فهد دخلو
حمد: احمممحمم
عرفت انه قصده اغطي شعري و غطيته بالهودي
ابو خالد: هلا عواشي
انا: اهلين عمي
ابو خالد: هاه تدرسين
انا: هيه وراي فاينلز
ابو خالد: بالتوفيق و شدي حيلج عشان ترفعين روسنا
انا: من عيونيي
و حبيته على راسه و دخلتهم الميلس و سرت الحوش كملت ادرس لين ما اقراني امي سرت المطبخ
امي شهقت: ليش جيه لابسه ليكون جافوج جيه
انا: ماما انا شدراني انهم بييون كنت برع ادرس و دخلو
امي: سيري بدلي اتوقع ياين عشان يكلمون ابوج عشان يخطبونج مره ثانيه
انا: اونه
سرت و لبست مخور احمر على وردي و حطيت ميكب خفيف و شيله و نزلت هالمره ما كنت احس بشي احس ابوي بيرفض مره ثانيه نزلت عند امي فالصاله و اسمع ابوي و عمي يصارخون
انا: يا الله يارب ما تستوي مشاكل بينهم من سبتي
امي: لا تخافين انشالله ما بيستوي شي
