كان المكان بعيد
انا: باباه متى نوصل مليت
ابوي: شوي و نوصل
انا: اوهووو اوكي
تميت اسولف ويا حمده لانه شكلها تعبانه
انا: حمودي شو فيج
حمده: مدري احس بتعب مب طبيعي
انا: حبيبي ما تشوفين شر
انا: ماما الجاي حار ولا برد
امي: بعده حار
انا: صبيلي
صبتلي و عطيته حمده
انا: اشربي حار يمكن بترتاحين
حمده: اوكي
شربته حمده و حطت راسها على كتفي شكلها صدق تعبانه حمده من هي صغيره تتعب بسرعه مسكينه و يوم تتعب تتعب صدق حسيت حمده نايمه صدق و حسيت يبهتها و كانت حاره
انا: امي حمدوه مسخنه و صدق تعبانه
امي: قوميها يبتلها دواها
انا: حمده قومي
حمده: شووووو
انا: خذي دواج
حمده، مابا ماقدر احس بلوعه
انا: حمدوه اذا تبين تستمتعين بالطلعه خذي الدوه
حمده: اف اوكي
خذت دواها و ردت نامت انا و هزاع كنا نسولف و تتضارب لين ما وصلنا قومت حمده و فصخت عباتي بس خليت الشيله جفت خيمه و يلسه يوم طلعت من السياره و جفت حمدان يا صوبنا و. سلم على ابوي و امي و يا صوبي
حمدان: عواششش اخبارج
انا: الحمدلله زينه انته علومك
حمدان: والله بخير دامج بخير
انا: دوم
وراح حط الاكل عند اليلسا رحت و سلمت على عمتي ام حمدان
ام حمدان: هلا بعواش كبرتي غديتي عروسه
انا: هههههههه هيه كبرت
ام حمدان: و محلوه بعد
انا: عيونج الحلوه تجوف كل شي حلو
سلمت على يدوه و عمتي ام خالد و عمي ابو خالد و قمت يلست عدال يدوه و حطيت راسي على كتفها و تميت افكر وين حمد و اخوانه
انا: عمي راشد وين شواخ
ابو خالد: شواخ يايه ويا اخوانها كلهم يايين بسيارتهم و يايبين الدبابات (quad bike مدري شو اسمه بالعربي😭)
انا: اللههه من زمان ما ركبت الدراجات
ابو خالد: هيه و يايبيين كيرم و ورقه
انا: اوكي بس هم وين
ابو خالد: هيه ذكرتيني ادق على حمود اجوف وينه
انا ابتسمت يوم سمعت اسم حمد و جافين حمدان ابتسم و حسيته اتضايق
ام حمدان: هيه نسيت اقولكم سيف و غانم بييون
|| سيف هو عمي الكبير و عنده 3 اولاد و بنتين (صالح عمره 25، خليفه عمره 23، زايد عمره 19 روضه عمرها 18، مهره عمرها 15)
غانم هو عمي الي اصغر عنه و عنده ولدين و بنت ( مايد عمره 23, سعيد عمره 20, علي عمره 18، ميثه عمرها 17) ||
