" فارس انا هروح معاها وانت متسبش أنس لوحده "
هز رأسه بالإيجاب وذهبت الفتاتان معا لمنزل تارا
" تمارا انا بحبه اوي والله العظيم ما كنت اقصد انا نسيت امسح الحاجات دي والله والله بقيت بحبه يا تمارا " تحدثت بنحيب
نظرت اليها تمارا بقلة حيلة " انا نفسي اساعدك بس مفيش في ايدي حاجة الي حصل مش قليل يا تارا..حاولي تتعودي على غيابه "
" مش هقدر ده اجمل حاجة في حياتي!!..انا هموتني واموت ابنه معايا انا لما صدقت الدنيا ضحكتلي!! "
صرخت تمارا بوجهها " انتِ هبلة!!..فوقي لنفسك! " ثم اردفت " الي بتعمليه ده مش هيحل اي حاجة "
" اومال اعمل ايه يا تمارا انا مش متخيلة حياتي من غيره والله العظيم حبيته بعد شهرين من الجواز واحنا دلوقتي بقالنا تسعة متجوزين والله والله بحبه "
" خلاص يا تارا..حاولي تتعايشي مع الوضع والي ربنا كاتبه هيكون ادعي ربنا وان شاء الله يستجيب "
على الصعيد الآخر جلس الاخوان سويا ونظر اليه فارس
" حاسس بأيه دلوقتي؟ "
" حاسس اني مصدوم ومش حاسس بنفسي اصلا تعبان اوي ابشع حاجة ممكن اي راجل يحس بيها " تحدث بألم
" طب يا حبيبي اهدى كدة وصفي دماغك الي حصل حصل ان شاء الله ربنا يكتبلك الخير مع واحدة تانية اشغل نفسك بالشغل كدة وانا معاك ومش هسيبك غير لما اتطمن عليك والدنيا هتبقى تمام "
" الشغل!؟..الشغل الي هى قدامي فيه ليل ونهار!؟..الي حبتها بسببه! " تحدث بحزن ونوع من السخرية
صمت فارس قليلا ثم نظر اليه " لازم تفصل بين حياتك الشخصية وشغلك..وعلى فكرة اسماء بتحبك ومقالتش لحد غيري بس انت كنت بتحب تارا بس انا عرفتها انك بتحب تارا واكيد لما تطلقوا هتبقى عايزاك فا ابقى شوفها كدة هى بنت كويسة ومحترمة وبتحبك "
كان يتحدث هكذا ليرى ردة فعل اخيه
" فارس مش بالسهولة دي انا لسة بحب تارا!..مش هقدر انساها مع واحدة تانية كدة هظلم نفسي وهظلمها!..لما افوق لنفسي ابقى اشوف الموضوع ده "
" تمام " ربت على كتفه فتحدث أنس " بقولك ايه انا اصلا اتقفلت من الجواز بلا قرف..انا داخل اتخمد "
باليوم التالي ذهبوا اربعتهم للعمل دلفت تمارا للمكتب وجدته وحيدا فعانقته
" وحشتني "
" وانتِ كمان البيت وهو فاضي منك كدة رخم اوي " قبل رأسها وابتسم
" عملت ايه مع أنس؟ "
" حاولت استفزه كدة انه يعرف بنت تانية مثلا عشان اشوف رد فعله وهل فيه امل يرجعلها ولا لا لقيته طبعا لسة بيحبها طبيعي يعني وهياخد وقت عشان ينساها ده لو نسيها اصلا ولو عرف ينساها مش هينسى الجرح الي عملته فيه وكره فكرة الجواز كلها "
