عادوا للجريدة فالتف الجميع حولهم
" انتوا كويسين!؟ " تحدث أنس
" احنا كويسين..هو خلاص في السجن" تحدث فارس
" ايوا ده احنا بايتين هنا من امبارح حرفيا بنتفرج على الفضيحة" تحدثت اسماء
أما تارا فكانت تعانق تمارا بقوة وتملس على شعرها
" خوفت عليكي اوي " تحدثت بحزن
" يا توتا انا زي الفل " ابتسمت ونظرت للجميع
" انا عايزة اقولكوا على خبر "
" ايه؟ " نظروا اليها باهتمام
" انا حامل " تحدثت بسعادة وامسكت بيد فارس
صرخت تارا ووضعت يدها على فمها من فرط الصدمة وضحكت " انا هبقى خالة!! " عانقتها بقوة " يا حياتي انتِ الف مبروك!! " ثم نظرت لفارس" الف مبروك يا فارس! "
احتفلوا بهما جميعا وذهبوا لشراء كعكة من اجل الإحتفال كان يوم لطيف مميز للجميع
مرت الأيام وتقرر تارا الزواج من انس بعدما انتهى رصيدها في البنك بسبب اقامتها بالفندق
" كل حاجة جاهزة في البيت يا تارا مش ناقص غيرك انتِ عارفة ده كويس " تحدث أنس
" يعني انت عايز نتجوز امتى يا حبيبي..نفسي اكون معاك اوي " كانت تتحدث من وراء قلبها
ابتسم " النهاردة..دلوقتي "
ابتسمت ونظرت اليه " وانا موافقة يا حبيبي "
" هتعرفي اهلك؟ "
" لا طبعا! "
" طب يلا بينا هنعزم كل زمايلنا ونعمل حفلة صغيرة كدة" تحدث بشغف فابتسمت وجسدها يرتجف من التوتر لا تريد العيش معه تحت سقفا واحد
بارك لهما الجميع كان حفل لطيف استمتعوا به جميعا اشتعلت الموسيقى الهادئة في المكان امسك فارس بتمارا وذهبا ليرقصا معا وضع يده على خصرها ووضعت يدها على كتفه ونظرا لأعين بعضيهما بحب وابتسما وبدأوا في الرقص نظرت اليهما تارا وحاولت تزييف مشاعرها بصعوبة كان قلبها يدق بعنف وجاء ليضع يده على خصرها ولكنها ارتجفت وابتعدت خطوة للوراء فنظر اليها بتعجب فاقتربت منه هى لكي لا يشعر بشيء رغما عنها ووضعت يدها على كتفه فابتسم ووضع يده على خصرها
" يلهوي!..انا مش طايقة لمسته!..هعيش معاه ازاي في بيت واحد!..لما يحاول يجي جمبي هعمل ايه!..انا هاين عليا اعيط ماسكة دموعي بالعافية " اخذت نفسا عميقا ثم حدثت نفسها مجددا " أنس بيحبك يا تارا وهو شخص طيب ومحترم..ليه مش قادرة تحبيه ليه..استحملي طيب واتعايشي معاه هو بيحبك وحنين وعايز يعوضك خير " حاولت مواساة قلبها حتى انتهى الحفل وعادوا لمنزلهما
نظرت اليه وابتسمت وضع يده على وجهها ونظر اليها بحب
" نورتي بيتك يا حبيبتي "
" وانت نورت حياتي كلها " ابتسمت
اقترب بهدوء ليقبلها كان يتمنى فعل ذلك منذ زمن ويعتقد انها تحبه فستتقبل ذلك ويعتقد انها تريد هذا مثله ارتجفت هى وابعدت عنه
