عاد من منزله واغلق الباب بعنف ووضع المفاتيح وتنقل على السجاد بحذاءه
" ايه الاعصار الي داخل علينا ده!.. وبعدين انا مش قولت ميت مرة متمشيش على السجاد بالجزمة انا لسة غاسلة! " تحدثت صافي بعصبية
" بقولك ايه يا صافي انا العفاريت كلها بتتنطط في وشي اسكتي بدل ما اسمعك كلمتين مش هيعجبوكي اللهي الارض تبلعك مطرح ما انتِ واقفة وريحني منك يا شيخة " تحدث قاسم بصراخ
" والله؟..يعني انت بتطين المكان وكمان مش عاجبك!؟..طب طلقني يا قاسم ووريني كدة هتعيش من غيري يوم واحد ازاي! " تحدثت بصوت جهوري
" طب انتِ.." قاطعته تارا ابنتهما بصراخ هستيري وبكاء
" كفاية بقى!!..انتوا ايه مبتزهقوش حرام عليكوا الدمار النفسي الي عملتوه فيا انا واختي حرام!..ارحمونا يرحمكوا ربنا!..انا اختي قربت تبقى مريضة اكتئاب وانا خلاص قربت يجيلي انهيار عصبي انتوا ايه مبتحسوش!!..خلفتونا عشان تموتونا بالبطيء كل يوم خناق وقرف حرام عليكوا الضغط النفسي ده مفيش يوم غير لما يكون فيه خناق وشتايم وقرف انا واختي خلاص قربنا يجيلنا انهيار واكتئاب!! "
" مش كفاية خلفناكي وشلنا الطين فوق دماغنا عشان نربيكي يا تربية قذرة وصرفنا عليكي من دم قلبنا وفي الآخر تتكلمي معانا كدة!..احمدي ربنا بدل ما انتِ عالة علينا انتِ واختك! " تحدث قاسم
" للدرجادي احنا تقال عليكوا كدة؟..طب خلفتونا ليه؟..محدش اجبركوا على ده..لما انتوا معندكوش الأهلية انكوا تربوا بتخلفوا ليه!!..عشان تطلعوا ناس مشوهة نفسيا!.. احنا ربنا رابط على عقلنا بمعجزة وإلا كان زمانا بقينا مرضى نفسيين بسببكوا!..هو محدش قالكوا ان الي بيخلف لازم يكون مؤهل للتربية!..محدش قالكوا انكوا نفسكوا لازم تكونوا ناس سوية عشان تخلفوا!..ولا هو كل من هب ودب يخلف احنا ذنبنا ايه نستحمل القرف ده..على فكرة ربنا هيحاسبكوا انكوا خلفتونا وانتوا مينفعش اصلا تتحملوا مسؤوليتنا " تحدثت بعنف وهى تبكي صفعها والدها صفعة مدوية
" انا فعلا معرفتش اربي يا شيخة ياريتني كنت مت ومخلفتكيش ينعل دي تربية زبالة..شوفي ياختي تربيتك شوفي.. "
" لا واشوف ليه احنا هنخلص منكوا ونرميكوا لأي كلب يتجوزكوا اهو يكون ليكوا فايدة وتشيلوا من علينا عبئ مصاريفكوا وقرفكوا كله كان يوم اسود يوم ما عرفت اني حامل في توأم "
" حسبي الله ونعم الوكيل فيكوا!..ارتاحوا احنا هنريحكوا مننا خالص وهنصرف على نفسنا بنفسنا ولو هنموت عمرنا ما هنتحوج ليكوا طلامة احنا تقال اوي كدة بس تعرفوا لو ربنا كان خيرني ابقى بنتكوا مستحيل كنت اختاركوا عشان انتوا ناس بشعة على طول محسسنا اننا عبئ عليكوا حرام بقى كفاية!..اعتبرونا ميتين بقى من هنا ورايح! " تحدثت تمارا بصراخ وامسكت باختها وذهبوا خارج المنزل بسرعة
