بما لا تشتهي السفن

الفصل الحادي عشر ...إغماء

‏﴿‏ وياقوم استغفروا رَبَّكُمْ ثُمَّ توبوا إِلَيْهِ يُرْسِلِ السمآء عَلَيْكُمْ مِّدْرَاراً ‏﴾
‏إذا لم تكن من الذين يقومون الليل
فكن من المستغفرين بالاسحار.
أستغفر الله العظيم واتوب اليه عدد خلقه ورضا نفسه وزنه عرشة ومداد كلماته🦋.

****************************

بعد فترة صمت أردفت مروه بتشوش : مش عارفه أنا أكيد عايزه مصلحته بس يعنى مش قصدى حاجه

لينا بصياح : يا جماعه التوم مش راضى يتقشر

لم تشعر سوى بيد تهوى على مؤخرة رأسها من علا : الناس فى وادى وانتى فى وادى

لينا بتذمر : اعمل ايه يعنى مش راضى يتقشر

تجاهلتها ندى وأردفت لمروه لتطمئنها : مصلحته هتبقى مع واحده مرتحلها وبرضاكى يا طنط ها ايه رأيك

انصدموا جميعا عندما استمعوا إلى صوت ارتطام شئ بالأرض ولم يكن سوى لينا هرولت الفتيات لها بفزع وأردفت مروه بفزع وهى تربت على وجنتيها : لينا فوقى يا لينا فى ايه

علا بخوف : هاتوا مايه بسرعه

أعطتها ندى الماء بيد مرتعشه وهى تدعى الله أن تفوق صديقتها

أمانى : ابعدوا بس يا جماعه علشان تعرف تتنفس ..أمسكت بقدمها لترفعها لأعلى وهى تضع رأسها على الأرضيه

أمانى : هاتوا برفان بسرعه

مروه : روحى يا علا هاتى البرفان من اوضة عادل بسرعه

لم تبدى علا ردة فعل فكانت تنظر إلى صديقتها فى رعب وهى متسمره فى مكانها بصدمه

صاحت مروه : علا مش وقت صدمه روحى هاتى البرفان من اوضه عادل بسرعه

ذهبت علا لتأتى بالعطر أخذت أمانى القليل لتستنشقه لينا التى بدأت فى فتح عينيها ببطء وهى ترى بتشوش

لينا بتعب : اه يا دماغى ... هو ايه اللي حصل

هرولت علا وأمسكت بيدها : لينا حاسه بإيه

ندى : مالك يا حبيبتى

لينا : مش عارفه دماغى وجعانى اوى

مروه : أكيد علشان مبتأكليش وكمان من التليفون اللى ماسكينه طول النهار ده

نظرت لها أمانى بصدمه : ايه علاقة التليفون دلوقتى طيب

مروه بانفعال : ما هو أساس فساد الجيل بتاعكم ده

ندى بضحك : طب ليه الانفعال طيب ...البت كانت هتموت بسبب التليفون طبعا مش بسبب حاجه تانيه

علا بصياح : بس كفايه راعوا البت المرميه على الأرض

لينا بمشاكسه : أخيرا خدتوا بالكم منى ... وبعدين يا رورو يعنى كنت هفرفر وبرضه مقولتيش رأيك ما تجوزى الواد بقى وتخلصينا