بما لا تشتهي السفن

الفصل الثالث عشر ...هل ستوافق؟

- اللهُمَّ يا مقلب القلوب والأبصار ثَبِّتْ قلوبَنا على دينِكَ واصرف أبصارنا إلى طاعتك.

ـــــــــــــــــــ 🍃🌹🍃 ــــــــــــــــــ

كانوا جميعا فى قلق بينما خرج براء لهم فهرول له الجميع بزعر ليردف عمر بتساؤل : بابا حصله حاجه يا براء طمنى الله يباركلك

براء بابتسامه هادئه : اطمن عمو محمد فاق الحمدلله تقدروا تخشوا ليه

صباح بعدم تصديق : بتتكلم بجد؟

لينا بفرحه لعمر : بابا فاق يا عمر بابا فاق انا مش مصدقه

عمر بسعاده عارمه وهو يحتضنها : اه يا لينا صحى ومسبناش فضل معانا

دلف عمر إلى أحضان براء وبراء يربت عليه بمحبه أخويه أردف براء : يلا خش شوفه هو مستنيك وحمدلله على سلامته

دلفوا جميعا إلى الغرفه وارتموا بأحضانه وعينيهم تذرف الدموع لينا : حمدلله على سلامتك يا حبيبى

صباح : كان اصعب اسبوع عدى علينا يا محمد

عمر وهو. يقبل يده : وحشتنى أوى يا حبيبى

محمد بمشاكسه لينتشلهم من ذكريات ذلك الاسبوع : ايه يا عيال فى ايه مكنش اسبوع يعنى الواحد كان بيختبر مقدار غلاوته ولا انتوا فاكرينى همشى كده ده انا قاعد على قلبكم

لينا بضحك : احلى قعده خليك دايما معانا بس

عمر بغمزه : بس مقولكش بقى يا ميدو صباح عملت شغل جامد عياط بقى وحاجات فظيعه غلاوتك كانت باينه جامد يعنى

محمد بحزن : يعنى يا صباح انا مش بحب اشوف دمعتك ولما تعيطى تكون بسببى كمان

صباح : مكنتش قادره يا محمد مجرد فكرة انك متبقاش معانا كانت صعبه اوى عليا

محمد بحب وهو يربت على يدها : ربنا يباركلى فيكِ يا صباح وتفضلى سر سعادتي

لينا : احم احم نحن هنا

عمر بمشاكسه : أنا من رأيى نمشى احنا بقى ملناش لازمه هنا

محمد بحنق : اسكت يالا

تعال رنين هاتف عمر فأردف محمد : روح يا اخويا روح الله يسهلك

عمر بسخرية : محسسنى بكلم بنات معرفهاش مش مراتى

لينا : ملاحظه ان الكلمه عجباك اوى عمال تقولها كتير

عمر بفخر : علشان مراتى

صباح بحنق : رد على التليفون البت خللت

ضحك عمر عليها وخرج ليجيب على الهاتف

علا بتذمر : بقالى تلات ساعات برن مبتردش ليه

عمر : معلش كنت عند بابا جوا بابا فاق

علا بفرحه : اه عرفت براء قالى حمد لله على سلامته مش قولتلك أنه هيفوق وهيبقى كويس

عمر : قولت يا حلو قولت وعندى ليكى خروجه بمناسبة الخبر القمر ده