الماء والنار

البارت الثالث

سند : رجعت للأستقبال وصوره شيرين مطبوعه براسي كعدت يم ابوها وبدينه نحجي بل شغل اشويه واندكت الباب
شيرين : بابا الجاي
ابو شيرين: اي بنتي كوم سعد اخذ الجاي من اختك
سعد : صار يابه
يله جيبي الجاي وروحي بسرعه لتفترين بالبيت ضلي بغرفتج
شيرين: اروح اساعد امي بل مطبخ
سعد : يله روحي بس مثل مكتلج ماريدج تتمشين بالبيت
شيرين: اوك اوك بس روح
سعد : تفضل سند تفضل يابه
سند وأبو شيرين : يزيد فضلك
سند : سمعت صوتها من كالت الجاي وصورتها أبالي هاي اول مره ابنيه تلفت نضري وتشدني الها قاطعني ابو شيرين وهوه يكول
ابو شيرين: وليدي سند اشرب جايك وارتاح جاي من طريق طويل وبعدين اطلع كمل شغلك
سند : تسلم عمي متقصر اني مستعجل وماريد اتأخر بس اسلم على ام سعد واروح
ابو شيرين: لا والله ازعل منك متطلع منا وام سعد هسه اصيحلكياها وسلم عليها
سند : هاهيه عمي مثل متأمر
ابو شيرين : سعد بويه كوم صيح امك تسلم عله سند
سعد : صار يابه
يمه وينج يمه
ام شيرين: ها ولك ها شبيك
سعد : سند جوه يريد يسلم عليج
ام شيرين: ليش راح يروح
سعد : لا بس راد يسلم عليج
ام شيرين: اي خوش البس عباتي واجي
سعد : يمه بروح جدي فتحي ويا موضوعي الله يخليج ما دام هوه اجانه
أم شيرين: يا يمه عيب لازم احنه نروحلهم ونطلب منهم بيتهم مو بيتنه
سعد : يمه عفيه الله يخليج احنه اهل ومابينه هل سوالف احجي ويا بداعتي
ام شيرين: اويلي عليك شكد مستعجل هسه أحاجي ولو هيه عيب ومتصير بس ميخالف
سند : اي عفيه يمه الله يخليج هوه يعزج عله معزة ابو
ام شيرين: البس عباتي واجي
سعد : ماشي منتضرج
شيرين : اسمعهم يتهامسون ماعرف عله شنو وصار عندي فضول شلون اعرف يله بعد شويه الكل يعرف
ام شيرين: شيرين راح افوت اسلم عله الولد واجي
شيرين: ماشي ماما
يعني هاذا الهمس كله علمود سلام والله يالله واني عبالي موضوع مهم
سعد : يمه مثل موصيتج
ام شيرين: يمه قابل اني بكيفي غير اسئل ابوك بالاول يا ابني
سعد : يمه كلت الابويه وهوه موافق
ام شيرين: لعد خل هوه يحاجي
سعد : لا يمه بداعتي انتي حاجي هوه يعتبرج عمته ومن ريحه ابو الله يخليج يمه لا ترديني بغلاتي عندج بروح الحجي
ام شيرين: هاهيه يمه امري لله
دخلنه للأستقبال
ام شيرين: السلام عليكم شلونك يمه سند الأهل شلونهم الحجيه شلونها شخباركم
سند : هله وعليكم السلام شلونج عمه شلون صحتج الكل زينين والحمدلله والوالده تسلم عليج
ام شيرين: الله يسلمها انته شلونك يمه خوما تعبان من الطريق
سند : لا متعودين
ام شيرين: الله يساعدك يا يمه
وليدي اني عندي طلب يمك واتمنى متفشلني ولو المفروض احنه نجيكم
سعد : لا كولي انتي بمقام الوالده واحنه أهل ما بينه فرق ونشالله ميردج الا لسانج
ام شيرين: تسلم يمه متقصر والله احنه ناوين نخطب ساره ل سعد وسعد خوش سعد وهوه مثل اخوك وانته تعرفه
سند : صدمني طلبهم ساره صغيره بس ما اكدر اردهم لأن اعزهم حيل من ريحه الوالد وبنفس الوقت هسه اكو طرف ثاني  وهوه شيرين
والله ونعم بيكم وبسعد واني من ناحيتي ما عندي اي اعتراض لأن منلكه مثل سعد انأمن يمه اختنه بس ميصير اطيكم جواب من كيفي لازم ارجع للبنيه و لمهيمن هوه لجبير
ام شيرين وأبو شيرين: ونعم منك واحنه منتضرين ردكم اخذو راحتكم وفكرو واحنه منتضرين شوكت متردونه نجيكم
سند : تشرفونه بأي وقت ونشالله ما اتأخر عليكم
يله اني اترخص
ام شيرين: وين يمه بعدك توك اجيت
ابو شيرين: اكعد اوليدي ارتاح شويه وين رايح انته راجع من طريق طويل
سند : تسلمون ومتقصرون بس والله مستعجل عندي شغل ولازم اليوم اخلصه وارجع للبيت
اسالمنه وطلعت بصراحه صدموني من خطبو ساره و ماعرف ليش مرفضت يله هسه ارجع للبيت وأشوف امي ومهيمن شيكولون والله كريم رحت خلصت شغلي عندي اوراق ومعاملات ابغداد خلصتهم ورجعت لسليمانيه
شيرين: سمعت الباب نفتحت عرفت سند راح وكلت ايي همزين طلع هسه اخذ راحتي بالبيت شويه واجتي امي وكالت
ام شيرين: خطبنه ساره ل اخوج
شيرين: يا يمه صدك خطيه بعدها صغيره
ام شيرين: يمه شسوي اخوج كاتل روحه
شيرين : الله يكون بعونها المسكينه متعرف شنو منتضرها
يعني هاذا الموضوع الي جانو يتهامسون بي يم الباب ديلا هسه اني شعليه نارهم تاكل حطبهم خل اصعد اخابر البنات اخذ الواجبات واسولفلهم
صعدت دكيت عله صديقاتي مكالمه جماعيه وسولفتلهن
نيران صديقة شيرين : اوي هاذا اخوج الغثيث خطيه شلون راح تتحمله
مهره صديقه شيرين: عيب ولج لتحجين هيج
قمر صديقه شيرين : ايي عفيه خل يزوج اخلصي منه
شيرين: ايي والله بس خطيه مقهوره عله هاي المسكينه
اكلجن راح أسده عود دزولي الواجبات
قمر : تمام عيني
مهره : اني تعبانه اروح انام
نيران : واني هم يله باي
البنات : باي
شيرين : سديته من البنات وخابرت اختي هاله
هاله : لك ها حب شلونج
شيرين: الحمدلله وانتي
هاله : بخير شكو ماكو
شيرين : اكوو هوايي اخوج الاجلح خطبوله مره
هاله : لا بربج تشاقين
شيرين : ايي والله شبيج
هاله : ويا مكروده هاي
شيرين : ساره بت عمو ابو مهيمن الله يرحمه
هاله : يا خطيه زغيره
اكلج عوفينه منهم اني اليوم جايبه احمد وجايتكم
شيرين: صدك يله منتضرتج بس مو مثل كل مره تكعدون تتغزلون وتتمايعون كبالي
هاله : وانتي شكو لج هوه رجلي ويحبني انتي تغارين
شيرين: اوي عيني اوي قيس وليلى دروحي بابه روحي خل انزل اشوف شكو ماكو مو تتأخرين
هاله : لا ما اتأخر
شيرين: ماشي انتضرج
هاله : ماشي باي
شيرين : باي

 
البارت الجاي نعرفكم عله صديقات شيرين انتضرونا❤️