الماء والنار

البارت السادس عشر

اليوم الثاني

سند: كلبت الدنيه مخليت مكان مدورت بي احس نفسي ضايع ماكو شي اسوي بس افتر بالشوارع ادور واسئل اتصلت على المركز ماكو اي خبر مجاي يلكوهم رجعت لبيت عمي ادور عله سعد
ابو شيرين: ها يابه سند بشر
سند: ماكو شي جديد سعد مرجع
ابو شيرين: لا والله يا ابني ماهوا النذل
سند: اله احرك الدنيه عليه بس خل الزمه
ابو شيرين: هسه المهم شيرين ترجع
سند: هيه بس ترجع عيوني الهه والله اكلب الدنيه واوصل الها
ابو شيرين: هاي بتي قطعه من روحي كلبي راح يطك عليها
سند: اتصلت عليهم حركت التليفون ميجاوبون اخر شي غلقوا الجهاز تخبلت شيردون ذوله ركعت التليفون بالكاع ليش هيج ديسوون شيردون لكم شتردون منها جلاب اخذوا وردتي والله احرك الدنيا عليهم بس خل الزمهم
ابو شيرين: امشي نروح للمركز
سند: يله طلعنه للمركز
ابو شيرين: السلام عليكم
الضابط حسين: عليكم السلام تفضلوا
سند: حسين شسويتوا البارحه ملكيتك جان غير ضابط
حسين: جنت بالموصل خابرني مهيمن ورجعت
اخذت التسجيلات وعممت رقم السياره بكل الصيطرات ودنراقب تليفونهم وسعد وصل مطار اربيل وخليتهم يحجزوا وباجر يدزوا لهنا
سند: هسه اريده خل يجيبوا الساقط
حسين: اهدئ سند وراح يجي مهيمن وباجر نروح نحقق بالمدرسه و البنات الي جانوا وياها يمشون جيبوهن هسه نحقق وياهم بين ميجي مهيمن
سند: ماشي اتصلت عله قمر
قمر: ها سند
سند: قمر خابري صديقاتج يجون للمركز يستفسرون منكم اجي اخذكم
قمر: هسه اخابرهم واكلك
سند: انتضرج لتتأخرين
قمر: ماشي
اتصلت عله البنات واتفقنه يجون لبيتنه ونروح رديت خبر ل سند حته يجي ياخذنه شويه واجه اخذنه
سند:اذكروا كلشي ابسط شي تحجوا لتنسون شي اله يخليكم
قمر: ماشي
سند: اتصل عليه مهيمن
ها مهيمن
مهيمن: اني بالمركز انتضرك
سند: دقايق واني يمك
مهيمن: ماشي انتضرك
نيران: اكلكم مهيمن منو نفسه هاذا الحيوان
قمر: اي
نيران: والله لو ما شيرين اله اركعهم بالنعال
مهره: سدي حلكج مو وقتها
نيران: اي
نيران:وصلنه ونزلنه مهيمن جان واكف ولابس زي عسكري طلع ضابط
مهره: نيران معليج بي اذا حاجاج لجاوبين احنه بالمركز
نيران: يابه شعليه بي قندره عليه
مهره: تقدمنه اتجاهه وجان واكف ضابط بصفه طويل حيل وضخم حنطي على سمار بس شعره بي شكار جان حواجبه معقوجه شكله حيل حلو بس بنفس الوقت خفت من شفته
تقدم مهيمن اتجاه سند
مهيمن:ها حبيبي شلونك
سند: والله يا خويه تعبان
مهيمن: لتشيل هم والله لو بسابع ارض اجيبها الك
يله امشوا جوه
مهره: دخلنه جوه اول مره نفوت هيج مكان ضلينه مصطكات بمكانه وحده تباوع بوجه الثانيه
حسين: يله نبدي بالتحقيق
مهيمن: اني راح اخذ بت خالتي و وحده ثانيه وانته اخذ ثنين
حسين: يله تفضلوا بهاذا الاتجاه
مهره: رحت ورا واخذت فجران ويايه بسرعه
نيران: اوكفوا لتعوفوني لمهيمن مسمعني عافني وراحن ضليت افشر عليهم بكلبي بهمس هسه راح اكابل هاذا الخايس
قمر: لج سكتي ليسمع شيخلصنه
نيران: ديلا فد قندرا هوا
قمر: عمي مو قندرا نعال بس اسكتي الله يخليج
مهيمن: اشوفها ادردم عرفت عليه بس جنت دايخ بسالفه شيرين مدرت بال
يلا امشوا منا نفوت لغرفه التحقيق
قمر: مشينه ورا وكوه نيران تسكت
نيران: والله لو ما شيرين اله اطيح حضه
قمر: دخلنه غرفه التحقيق
مهيمن: نبدي بقمر احجيلي شنو صار بالضبط
قمر: حجيتله كلشي صار بالتفصيل
مهيمن: هذا كلشي تعرفي
قمر: اي
مهيمن : متأكده مناسيه شي
قمر: اي
مهيمن: تمام اطلعي ارتاحي بره
قمر: تمام
نيران: اوكفي وين رايحه ضلي يمي
مهيمن: عزيزتي احقق وياج واطلعين خليها تطلع ترتاح
نيران: بهمس اويي شكد حباب
مهيمن: شنو كلتي
نيران: سلامتك
مهيمن: سحبت الكرسي وكعدت كبالها يلا احجيلي شنو تعرفين شصار وياكم بالضبط
نيران : الغرفه شكبرها وخر شويه شكو مكابلني
مهيمن : اني دااسوي شغلي احجي التعرفي
نيران : مااعرف شي غير الكالته قمر بس هيج صار
مهيمن : ميخالف احجي اريد اسمع منج جوز قمر نست تفصيل بسيط
نيران : عدتله كل شي صار اني احجي وهو صافن بعيوني خلصت
مهيمن : لا رد
نيران : هيو وين صافن
مهيمن : ها شكلتي
نيران : لك انت شنو مو مرة اخوك المخطوفه ادورة فوكاها يكله لاخو لا تدير بال اني اجيبها من سابع كاع حجيتها بااستهزاء
مهيمن : لسانج طويل
نيران : لا الله عليك
مهيمن : تادبي شويه
نيران : تعال ادبني
مهيمن : بغضب وعصبيه وهو صاك ع سنونه دااكلج احجي عدل طلعي برا
نيران : واخيرا خلصت من وجهك الجايف رفعت ايدي كاعد ادفعه واطلع
مهيمن : لويت ايدها عيدي شكلتي لزمها من فكها بقوى
نيران : عصر فكي حسيت فكي انكسر وخر مني شدسوي
مهيمن : انتبهت عليها تاذت ابتعدت عنها بسرعه.. اذيتج
نيران : مكدرت احجي فكي حيل ياذيني احسه انكسر عفته وطلعت