الماء والنار

البارت الرابع عشر

بعد مرور أسبوع

شيرين: بعد عقد المحكمه بدينه نجهز ملابس وغراض تعبت كلش كل يوميه نروح نسوك ودراستي والدوام كوه الحك

ام شيرين: شيرين
شيرين: ها ماما
ام شيرين: سند جوه يريدج
شيرين: اوك جايه استغربت اول مره يجي بدون ميكول نزلت
ها سند
سند : تعالي شبيج مصدومه
شيرين: لا بس اول مره تجي بدون متكول
سند : اجيت علمود العرس دا اتفق ويه ابوج عله المكان ماعرف هنا لو بسليمانيه
شيرين: لا عفيه سند خلي هنا صديقاتي كلهن هنا
سند : والكرايب شلون
شيرين: مادري
سند : شنو رأيج نسوي عرس هنا وعرس هناك
شيرين: لا ماكو داعي عرس واحد كافي
سند : هاهيه لتضوجين نسوي هنا مالنه شغله بساره وسعد همه وحد واحنه وحد
شيرين: اي
سند: تعالي نختار الغرفه صورت أكثر من وحده
شيرين: راواني صور غرف هواي كعدنه نختار اتفقنه عله وحده كلش حلوه سوده وذهبي يصير بيها كنتور داخلي ومنزع ضخمه واتفقنه صبغ الغرفه  لون فاتح حته يكسر واختارينه باقي الأثاث
سند : هاهيه ثبتت الحجز كم يوم ويكملوها بين منخلص صبغ اني راح اخابر مهيمن يجيب عمال يبلشون بالصبغ وراح اخلي يصور  الالوان ونختار
شيرين: تمام
سند : اليوم ترحين للسوك
شيرين: لا مابيه حيل
سند: انتي خلصتي الغراض
شيرين: تقريباً خلصت بقت كم شغله
سند : نشالله هالسبوعين كلشي يكمل يبقه عدنه بس نحدد اليوم ونختار القاعه
شيرين: اي

تسريع الأحداث
بعد مرور ١٥ يوم

سند : كملنه كلشي و الغرفه جهزت وحددنه موعد العرس صادف يوم ٢/٧ يعني بعد ٤ ايام  حجزنه قاعه وبلشنه نسوي بطاقات للمعازيم
شيرين: قرب العرس وكلش خايفه ومتوتره بعد يومين الحنه ردت الحنه وره يومين العرس لأن يوم وره يوم اتعب يعني بعد يومين للحنه و٤ ايام للعرس
حجزت يم مركز تجميل للمكياج والتسريحه وحجزت بدلات ٢ للحنه و وحده للعرس اجني البنات يمي رتبت غراضي بالجنط حته يودوهن لبيت سند شعوري مختلط خوف وحزن وتوتر

تسريع الأحداث
يوم الحنه
شيرين : كعدت ساعه ٨ الصبح تريكت اني وامي وهاله  واجه سند هوه وأمه وساره وقمر وامها  ورحنه للصالون واتفقت ويه البنات نتلاكه بالصالون 
وصلنه للصالون وشفت البنات بدو اول شي بيه بعدين البنات خلولي مكياج نود لأن بدلاتي ذهبي وسمائي وتسريحه نازله لبست اول شي البدله لذهبي اجه مهيمن اخذني للبيت وامي والباقين ضلوا  بالصالون وصلت للبيت هوسه ديرتبون الكوشه والكراسي وصينيه الحنه وره تقريباً ساعتين اجوي امي وهاله والباقين  وبدت تجي المعازيم
قمر : اكلكم تره جعت
فجران: حته اني ميته جوع
نيران: والله كلنه جوعانين
مهره : امشوا يم شيرين خطيه هسه هيه هم جوعانه
قمر : عيني جنتنه جوعانه
شيرين: ايي والله
مهره : كلنه جوعانين
شيرين: اي انتن شكو عليجن تكدرن تاكلن بس اني العالم تباوع عليه
فجران: لا حبي احنه منستحي هسه نكعد ناكل سوه وانتي ويانه لتخافين
شيرين: راح ابجي والله
نيران: شتاكلون
مهره : دزي بيتزا احسن
فجران: خاف متكفي
قمر : لا يمه شعدنه كافيه دزي عائلي
نيران: اوك
شيرين: حموت استحي اكل كدام العالم
نيران: دنجبي بله
قمر : زين منو راح يطلعله واحنه كلنه لابخات يخترع الرجال
فجران: معليكم اني اطلعله
مهره : منا العالم تخبلتي
قمر : عززاا يمهه مو صاحيات مخابيل مخابيل مو صاحيات والنبي
نيران: امشوا خل نركص شويه بين ميجي المندوب
قمر : لا يمه عزا استحي
مهره : حته اني ما اركص 
فجران: امشي اني وياج نركص
شيرين: بصوت عالي لااااا
البنات : شبيج شكو
شيرين: اوكفوا شنو تركصون وحدكم اني وياكم
مهره  بضحك : كبر عبالنه بيج شي
قمر : امداج خبله
شيرين: يله امشن ويايه
قمر : لا عفيه نستحي
نيران: دمشي لج يله انتي الثانيه
شيرين: اني بالنص وهنه داير مدايري وبلشنه نركص
هاله : هاي شنو وخروا سولي مجال
شيرين: تعالي حياتي
وره ربع ساعه
نيران : اجهه اجه
قمر : منو يمه شكو
نيران: ابو التوصيل ديدك
شيرين: يله امشوا نكعد
قمر : منو يطلع يستلم
هاله : اكعدن اخلي احمد رجلي يستلم
مهره : يي عفيه
فجران: خرب أنه ليش مطلعتوني
شيرين: اكعدي عاد
فجران: نجبي انتي شكو عليج ازوجتي ورجلج يخبل
شيرين: كدامج حبيبي
فجران : لا حياتي
هاله : هاجن هاي الاكل
نيران: شكراً
هاله : تدللين
نيران: يله أكلوا
مهره : باع العروس خزتنه شلون تاكل
شيرين: اووي شبيكم جوعانه
قمر: عوفوها معليكم
فجران: محد ديباع معليكم
مهره: عززززا براسكم خزيتونه
هاله: أكلوا بساع يلا العالم بدت تجي
اكلنا كلنا بس منكدر نغسل بسبب الميكاج فجبنه ويبس من جنطة مهرة لان سوبر ماركت مو جنطه 🤣😂
اجت خاله ام مهيمن وكالت يبنات البسن حجابات لان حيدخل سند يحني العروس
نيران: خلي يفوت عادي شواربنه اثخن منه 🤣🤣
شيرين: اباوع عليها مدري ارزلها لو اضحك
قمر: خزيتينه اسكتي ليسمعوج
نيران: ديلا عيني هو منو هو سند
مهره: لج كافي عيب
فات سند ومهيمن وكلهن لبسن حجابات عدا نيران ملبست
فجران: الله يصخم وجهج خزيتينه
نيران: وخروا ولكم معليجن رحت وكفت ورى شيرين واصفك واتمايل وهم يباوعن ويخنزرن عليه واني مو يمي دخلوا وطلعوا ثنين مو واحد ضرب شيرين ع راسها لج ياهو رجلج
شيرين: ايي شبيج هذا اللابس اسود
نيران : امداج ليش ما اخذتي الثاني احلا
شيرين: يلا هسة ابدل 🤣
ضحكنا كلنا ع حجي نيران عبالك لعبه وتبدل
وصلوا يم العروس واحنه وخرنا كلنا بقت بس نيران يم شيرين مجلبة متقبل توخر
مهيمن: طبيت ويه سند والهوسة مال بنات والركص راحت عيني ع وحده واكفه ورى شيرين شعرها اسود مثل الليل وتتمايل شافتني وخزرتني بس شكلها حيل محبوب مو مال عصبيه
نيران: اباوع الولد الي ويه سند يخبل سحلني سحل بس مبينت اله باوع عليه جنت صافنه عليه اول مندار خزرته ودرت وجهي شاورت شيرين لج حضروا غرفه ثانيه راح اصير مرت حماج
شيرين: الله يعينه المكرود سوده عليه حمايه
صارت الدخوليه واجه سند حناني وحنيته وباسني بكصتي وكعد شوية شاورته كتله
شيرين: لتطلع راح اروح ابدل البدله
سند: ماشي بس لتتاخرين
شيرين: ماشي
رحت ويه البنات للغرفه حتى ابدل البدله ولبسن البنات بدلات نفس لون بدلتي
نيران: لج قمر لتوكفين يم هذا الثاني خيشوفني بس اني
قمر: انجبي لج هو ابن خالتي
نيران: راح يصير رجلي
مهره: عززا بعينج خطبج ولج
شيرين: لا هي خطبته
فجران: ضحكت بصوت عالي والكل ضحك ع ضحكتي 
مهره: كافي لكم العالم تنتضر عيب
شيرين: يا رجلي نسيته كال لتتاخرين
قمر: بصوت عالي هنياليييييييي
رتبنه وكفتنا حتى نطلع ورا شيرين
شيرين: التضحك واضحكني اخبزها والنبي وخصوصا فجران
نيران: لكم اطلعوا عاد ليروح الحلوو
قمر: يابه كطعت نفسها ع ابن خالتي
طلعنا سوينه دخوليه حلوة

ملاحظه: جانت الحنه بحديقه والتبديل للبنات صار بمنزع مثل الكرفان وحنه الزلم حديقه منفصله عن البنات
نيران: لكم عززا نسيت تلفوني بالمنزع حروح اجيبه
مهره: يي طبعا مو ملتهية بالحلو
نيران: انجبي معليج انتي
شيرين: دروحي بساع يلا
مهره: رحت اجيب الفون من المنزع وضليت ادور عليه بين الملابس لان صارت هوسة من الفساتين الذبيناهن
مهيمن: جنت واكف ع صفحه وشفتها للحلوة راحت باتجاه المنزع ومحد وياها من البنات ما ادري منين اجتني الجراة ورحت وراها جان الباب مردود وهي ملتهية تكلب بالملابس مدري شسوي فتت وسديت الباب
نيران: ملتهية ادور ع التلفون واغلط عليهن لان هيج مسووين هوسة بالملابس والتلفون مدا الكا حسيت خطوات ورايه عبالي وحده منهن صحت بصوت عالي تعاي لج حيوانه تلفوني ماهو اليوم اخزيكم وانداريت بسرعه دا اضربها اجت ايدي بشي قوي ومشفت بس سواد كبالي رفعت راسي وشفت الحلو واكف ورايه انصدمت حسيت مي بارد وكع ع راسي ما اعرف شسوي او شنو احجي عيوني دمعت
مهيمن: جانت تدردم بينها وبين نفسها ومن فتت غلطت عليه عبالها وحده من البنات واندارت وضربتني اجت الضربه بصدري رفعت راسها انصدمت من شافتني وضلت مصطكه
نيران: شسوي هنااا
مهيمن: ايدها بعدها ع صدري وتحجي كتلها اسف ما ادري بيج هنا
نيران: وهسة دريت يلا اطلع
مهيمن: لزمت ايدها شنو اسمج
نيران: مثل اسم امك
مهيمن: ضحكت عليها ممبينه هيج لسان أتقدمت خطوات ناحيتها
نيران: لزم ايدي وصار يتقرب
مهيمن: شوفي يابت الناس اني مو مثل البالج شفتج وعجبتيني واريد اعرفج زين نيتي وياج شي ثاني
نيران: هيييي بصوت عالي شو رحت زايد وخر يلا دفعته ودا اطلع جلب قيطان الفستان بشي ماعرف شنو انفتح وطلع ضهري حسيت روحي صخنت استحيت كلش عزا شراح اسوي بعياط دير وجهك
مهيمن: دتطلع وانفتح فستانها وكامت تعيط وطلع ظهرها ابيض وشعرها نازل عليه جريتها اوكفي وين رايحه تطلعين هيج
نيران: انجب انته معليك ضل لازم ايدي قوي
مهيمن: سحبتها عليه وكتلها علميني واشده الج
نيران: لا اطلع وصيح وحده من البنات
مهيمن: واني وين اعرفهن
نيران: وبت خالتك متعرفها وجنتكم هم متعرفها
مهيمن : عليمن بابا يفتهمونه غلط تعال علميني واني اسوي الج سحبي شعرج يلا
نيران: سكتت ما عندي غير حل سحبت شعري وكتله جر القيطان حيل
مهيمن: سحبت شعرها وريحته صارت بوجهي دوختني وسويت مثل مكالت من جريت القيطان انسحبت ويا وصار عليه صارت ريحتها اقوى متحملت وبست ركبتها........
يتبععععععع...........