الماء والنار

البارت السابع

صباح اليوم الثاني ساعه ٥
إم شيرين : ابو سعد عيني ام قمر وبتها اخت ام مهيمن جايين ويانه واهلي بس بيت اختي دموع وبناتها ثنين جايات
ابو شيرين: هله بيهم واني خابرت اخواني هم كلهم جايين و ولد عمي وشيخنه ورجل مها
ام شيرين: زين اني اروح اكعد البنات سعد وينه
ابو شيرين: سعد كاعد من وكت ديحضر روحه
ام شيرين: ماشي اني صاعده اكعد الباقين
شيرين شيرين يله كومي وخابري قمر تحضر روحها هيه وامها
شيرين: يله كايمه
ام شيرين: كعدي هاله وأحمد
شيرين: يمه كعديهم انتي
ام شيرين: رايحه اكعد اخوانج
شيرين: اي مري عليها بدربج
ام شيرين: ذوله بالكوه يكعدون روحيلها انتي
شيرين: اهوو يله ماشي
نزلت غسلت وجهي وفرشت اسناني وصعدت اكعد هاله
من ورا الباب هاله هاله يمعودا يله دنروح
هاله : منو
شيرين: وضربه اني شيرين
هاله : اوكي هسه كايمين
شيرين : ماشي
هاله : احمد حبيبي احمد كوم
احمد : هممم شكو
هاله : يله كوم نحضر نفسنه دنروح لبيت ساره
احمد : ماشي حبيبتي كايم
هاله : يله اني نازله اغسل لتتأخر
احمد : جاي وراج
شيرين: دكيت عله قمر
قمر : الو
شيرين: ها عيني صباح الخير كومي يله حضروا نفسكم
قمر : صباح النور يله اوك كايمه
شيرين: ماشي حبي باي
قمر : باي
نزلت لأمي ماما شيرين خابرت تكول حضروا نفسكم
ام قمر: يمه خاف عيب رايحين وياهم
قمر : لا يمه قابل شكو
شيرين: نزلت تريكنه وكمنه بسرعه غسلنه المواعين وكلمن صعد يحضر روحه
ابو شيرين: ام سعد ترا اني متفق ويه الجماعة ب٧ نطلع اتأكدي من بيت اختج وبيت ام قمر
ام شيرين: صار عيوني
صعدت لشيرين
شيرين خابري قمر كوليلها ترا ب٧ نطلع
شيرين: ماشي ماما
ام شيرين: خابرت عله اختي دموع
الو ها عيني صباح الخير
دموع: صباح النور
ام شيرين: حضروا نفسكم ب٧ نطلع كون قبل ٧ انتو يمنه
دموع: ماشي عيني احنه ماعدنا شي
ام شيرين: ماشي عيني مع السلامه
دموع: الله وياج
يبنات كملتن بعدجن
مي وميس : ها ماما شويه ونخلص
دموع: يلا ب٧ يردونه يمهم
مي : اي ماما نلحك
اكلج هسه هاي شيرين شراح تلبس
ميس : والله مادري طلعي احلى شي عدنه ومكياج قوي حته نطلع احلى منها
مي : يي جيبي الكاويه هم حته ننزع الحجاب
ميس : اوكي
شيرين: خابرت قمر
الو ها قمور شدسوين ترا ب٧ نطلع يعني كون قبل ٧ انتو يمنه
قمر: ماشي حبي شويه ونجي
شيرين: تمام عيني
سديت الخط و بدلت لبيت سيت بنطرون وستره سمائي فاتح و شال ابيض خليت مكياج بسيط عله البيجي وجنطه وحذاء ابيض ونزلت
ساعه ب٦:٤٥ الكل وصل ورا ١٠ دقائق طلعنه
جايبين كوسترات ٢ وحده لكرايب بابا و وحده النه صعدنه اني وقمر وامها ليوره وامي كعدت يم خالتي بنات خالتي اجني يمي جان اكو مكان وهاله ورجلها وحد والباقين كلمن بمكان
مي : شيرو شلونج
شيرين: الحمدلله بخير
ميس : تعالي نطك صور
شيرين: لا حبي شكراً
ميس : براحتج
قمر : شيرين ذني ابد ممرتاحه الهن
شيرين: عوفيهن خيولن
قمر : شوفيهن شلون يباعن
شيرين: يمعودا دعوفيهن تعالي نام بين منوصل ترا طريق طويل
قمر : ايي والله اني بعدني نعسانه
شيرين: ديلا لعد خل انام
قمر : اوك
نمنه وكعدنه ساعه ب ١١ شيرين هاي احنه وين
شيرين: والله مادري
قمر : بعد شكد و نوصل
شيرين: يكولون مضل شي عفيه اني جعت مجايبه اكل
قمر : ايي جبت تعالي ناكل
شيرين: يله
اكلنه وخابرنه لبنات وفتحنه وياهم كامره وضلينه نشاقه ونضحك ورا ساعه ونص تقريباً وصلنه
نزلنه بيت جبير وكلش حلو لج قمر هاذا بيت خالتج يخبل جايته قبل
قمر : ايي يمكن مرتين أو ٣
دخلنه وسلمنه عله الكل ورتاحينه شويه وجابو الغده للزلم برا واحنه جوا بعدين صبوا الجاي للنسوان والزلم و بدوا يحجون بموضوع الخطبه وساره ستحت وكامت جانت لابسه فستان وردي فاتح وفاتحها شعرها يم خصرها ومكياج خفيف طالعه تخبل ماشالله عليها
شيرين: قمر
قمر : ها عيني
شيرين: داحس نفسي مخنوكه خل نطلع شويه برا
قمر : وين يمعودا دكعدي ليشوفنه احد
شيرين: اهوو
شيخ عشيره ابو شيرين: عيني نبدي بموضوعنه احنه جايين على المحروسه بتكم
مهيمن: البنيه بتكم بس عدنه شروط بسيطه
ابو شيرين: تفضل كول هاذا من حقكم وحق البنيه
مهيمن : اول شرط يخليها تكمل دراستها
ابو شيرين: طبعاً هذا حقها واحنه مو ضد هاذا الشي
مهيمن: والشي الثاني أنريد بتكم شيرين لأخويه سند
ابو شيرين: بس احنه مماخذين رأي لبنيه منكدر نطيكم كلمه
مهيمن: عله راحتكم ممستعجلين
ابو شيرين: يصير خير
مهيمن : نشالله خير
سعد : يأبه اطيها سند مابي عيب
ابو شيرين: لازم اخذ رأي اختك
سعد : شنو يعني اذا رفضت متطيها وتخرب خطوبتي بسببها
ابو شيرين: أسكت كافي ليسمعوك شيكولون علينه
الشيخ : احنه نترخص
عم مهيمن : شيخنه ضلو عله العشه
الشيخ: تسلم متقصرون بس عدنه كعده باجر وهم يالله نلحك نوصل يله مع السلامه
مهيمن: أهلاً وسهلاً شرفتونا
شيرين : كاعدين وصاحو علينه طلعنه وكالو نروح لبيت جدي أهل امي يصير من منطقه قريبه من بيت سند
رحنه وكعدو يسولفون وفتحو الموضوع
ام شيرين: ها ابو سعد شتفقتو
ابو شيرين: شرطو نطيهم شيرين لسند
شيرين: وجهي كام يطي الوان خفت وضجت حيلل بسرعه كلت لا ماريد
سعد : وهيه بكيفج تقبلين وغصباً ما عليج خطوبتي تخرب علمودج
ابو شيرين: بصوت عالي سعد احترم نفسك هيه ممجبوره توافق علمودك
سعد : يابه شنو هالحجي ليش مطيها مجال
ابو شيرين: هاي حياتها وماجبرها عله شي بتي فكري زين الولد مابي عيب ودراستج تكمليها أخذي وقتج
شيرين: استهضمت حيل من أسلوب سعد كمت والدمعه بعيني رحت للمطبخ بجيت و اجتي هاله ورجعنه للصاله
ام شيرين: ابو سعد خابرهم حاول وياهم بلكي يغيرون رأيهم
ابو شيرين: هوه هيج
اتصلت عله مهيمن
مهيمن : الو هله عمي
ابو شيرين: هله بيك وليدي بويه خابرتك علمود موضوعنه ليش نربط ناس بناس خل نكمل شغلة سعد وساره وسند وشيرين الله كريم
مهيمن: عمي انته عزيز عليه ومقامك من مقام الوالد الله يرحمه بس تعذرني هاذا الشي مو بيدي ولا رايدها الي وهاذا شرطنا
ابو شيرين: يصير خير نشالله
مهيمن : نشالله هله بيك عمي
ام شيرين: ها شكال
ابو شيرين: يكولون هاذا شرطهم
ام شيرين: يمه شيرين حبيبتي فكري بعد
شيرين: ماريد دا اكلكم ماريد
سعد : اني ما اخرب شغلتي علمودج ومستعد هسه اروح اكلهم موافق غصباً ما عليج
ابو شيرين: اشو انته متعرف تحجي شنو غصباً عليج شنو اروح اطي اني شنو هنا شو مخالي قيمه
سعد : لا يابه مو هيج بس اني البنيه اريدها
شيرين: طلعت للحديقه كعدت افكر خابرت عله قمر مجاوب
ام شيرين: ها شدسوين
شيرين: كاعده
ام شيرين: فكرتي
شيرين: يمه ماريد اتزوج
ام شيرين: يمه لخاطري فكري تره الولد مينعاب واخوج خطيه
شيرين: يمه الله يخليج لدكولين اخوج خطيه شفتي حجيه واسلوبه روحي كوليله اله اختك خطيه
اني مو خطيه انغصب مو خطيه اخسر مستقبلي واتبهذل ؟ لو كل همج اخويه
ام شيرين: اخر مره اكلج فكري ولسانج لطولي لتخليني أمد أيدي عليج
شيرين : يمه عوفيني وحدي شويه
ام شيرين: لتتأخرين
شيرين: اوك فكرت هواي وتعبت وموصلت لنتيجه وقمر ماكو رحت صليت صلاة استخارة ونمت

برأيكم شنو جواب شيرين اترقبوا البارت الجاي ❤️❤️.