الماء والنار

البارت الحادي عشر

اليوم الثاني :

شيرين : كعدت من النوم جسمي كله يوجعني حيل تعبانه من البارحه فتحت تليفوني شفت قمر داكه عليه هواي دزيتلها رساله حته من تكعد تخابرني ونزلت جوه اهلي وبيت جدي كاعدين
هاله : صباح الخير عروستنه الحلوه تعالي تريكي
شيرين: صباح النور
سعد : اليوم اروح لبيت ساره
ابو شيرين: شعندك رايح
سعد : يابه ما اخذت رقم لبنيه ولا كعدنه حجينه راح نرجع لبغداد واحنه لا حاجين ولا كاعدين سوه
ابو شيرين: اذا على الرقم خواتك يجيبوا الك عيب رايح لبيت العالم
سعد : يابه هيه مرتي اريد اكعد وياها اسألها كم سؤال اتفاهم وياها عله كم شغله
ابو شيرين: روح بس لتتأخر يم العالم عيب
شيرين: احنه شوكت نرجع لبغداد
ابو شيرين: انشالله اليوم لو باجر وانتي هم خطيبج اذا يريد يجي يحاجيج خل يجي
شيرين: اني أصلاً بعدني ممحاجيته ومماخذه رقمه وعادي ماريد شي منه مو اله اشوفه
ابو شيرين: ميصير هاذا الحجي مادام سعد راح يروح لساره منكدر نكله لتجي
شيرين: ماعرف بكيفكم يريد يجي هله بي ميريد براحته بس عفيه خل نرجع من وكت تأخرنه وامتحاناتي راح تبلش
ابو شيرين: ادللي
هاله : شيرين يمكن تليفونج فوك جاي يدك
سعد : اكعدي انتي هاله جيبي وتعالي
شيرين: وانته شكو
سعد : اسكتي ولتحجين كلمه زايده
ابو شيرين: شهل حجي انته مجوز من سوالفك هسه هيه عله ذمة رجال وانته ممسؤل منها ويجوز هوه داك عليها انته شعليك
هاله : كايمه اجيبه يمعودين
صعدت جبته واجيت هاج هاي قمر
سعد : فتحي سبيكر
شيرين: دمعت عيني فتحت سبيكر حته اكسر عينه
قمر : الو صباح الخير
شيرين: صباح النور
قمر : اكلج البارحه سند راد رقمج حته يحاجيج دكيت عليج جنتي نايمه اطيهيا لو لا
شيرين: اي اطيهيا
قمر : اوك حبي يله باي
شيرين: باي
عفتهم وكمت مجنت اريد احاجي سند بس عناد بسعد
ابو شيرين: شيرين بابه تعالي كملي اكلج
شيرين: ماريد بابا شبعت أكلوا انتوا
الجد : شيرين تعالي
شيرين: ها جدو
الجد : تعالي يمي
شيرين: رحت بصف جدي ها جدو
الجد : شوف لك سعد تحترم نفسك تحترمها متحترم نفسك حضك اطيحه وحته خطوبتك افصخها واكول للعالم ابنه مابي خير وعقله زغيره مو كد المسؤوليه واختك بعد حجايه متحجي وياها صارت عله ذمة رجال وهوه يحاسبها مالك حق تحجي كلمه وحده مثل ما هاله احمد مسؤول عليها شيرين سند صار مسؤول عليها وهوه يحاسبها وحجي الشوارع مالتك متجي اطبقه اهنا بالبيت تره اسوي بيك سوايه محد مسويها
سعد : جدو بس هيه بعدها يمنه من تروح لبيت رجلها يكون هوه مسؤول عليها
الجد : انجب ولتلاسن ومتحجي حجايه وحده شيرين تربيتنه ونعرفها شنو الله الساتر منك انته تربيه الشوارع الصوج مو منك صوج امك طلعت عينك وشيرين بعد اذا حجه وياج حجايه وحده متسكتيله تكوليله اني عندي رجال وهوه يحاسبني انته معليك وإذا حجه كلمه زايده بس كوليلي وشوفي شسوي بي
شيرين: صار جدو
دك تليفوني رقم غريب عرفته سند فتحت خط
سند : الو صباح الخير
شيرين: صباح النور سند مو
سند : اي شلونج شخبارج
شيرين: كمت من يم اهلي ورحت للمطبخ الحمدلله تمام وانته
سند : الحمدلله
شيرين: دومك
سند : يدومج خاف كعدتج
شيرين: لا اني كاعده صار هواي
سند : اي زين شوكت ترجعون لبغداد
شيرين: لو اليوم لو باجر
سند : اريد اجي اشوفج
شيرين: اي تعال هله بيك
سند : بس ترخصيلي من اهلج
شيرين: لا عادي ابويه اليوم هوه كال خل يجي سند لأن سعد هم يريد يجي عله ساره
سند : ماشي لعد العصر اني يمكم
شيرين: هله بيك
سند : تردين شي اجيبلج ويايه
شيرين: لا سلامتك
سند : الله يسلمج يله أخذي راحتج
شيرين: تمام مع السلامه
سند : باي
شيرين: باي
رجعت للصاله وكتلهم سند اليوم العصر يريد يجي
الجد : اي خل يجي هله بي
هاله : يله روحي حضري نفسج
شيرين: لا بعد وكت
هاله : ميخالف اسبحي سوي شعرج شوفي شتلبسين خلي شويه مكياج معليج بشي
شيرين: اوكي لعد راح انام شويه
هاله : ماشي حياتي
شيرين: صعدت خابرت البنات
مهره : هلاوو عيني
شيرين: هلاو شلونكم
نيران : الحمدلله انتوا شلونكم
فجران: الحمدلله مشتاقيلكم والله
قمر : شكو ماكو
شيرين: اليوم يجي سند عليه
نيران: صدك شوكت
شيرين: العصر
فجران: وكاعده دكومي حضري نفسج
شيرين: يمعودا شعندي بعد وكت
مهره: وشوكت ترجعن
قمر : اي صدك شوكت نرجع
شيرين: لو اليوم لو باجر
قمر : صدك لعد خل اكول الأمي
شيرين: ايي
نيران: ايي وبعد شكو ماكو
شيرين: نفس الشي
مهره: شو صوتج مو عله بعضه شبيج
شيرين: ماكو شي سعد وسوالفه متعرفوا
نيران: شبي هاذا الع*ار مو كافي انخطبتي بعد شيريد منج
شيرين : نفس سوالفه بس جدي وابويه لعبوا بي طوبه وجدي كلي بعد من يحجي وياج كوليله معليك عندي رجال
مهره : ايي عفيه احسن لزمي حده
فجران: لج عيني عقله امدا وامده عقليته الله يساعد الي راح تاخذه
قمر : اووي عفيه شنو هذا اكول لسند عليه يحاجي
شيرين: لا عوفي خل يولي
نيران: لا والله اذا بيج خير كوليله خل يلزمه حده
شيرين: لج عيني ماريد اكبر راسه وعيب من اول يوم مشاكل
مهره : لا صحيح عيب عوفوا جدها رزله
فجران : ابوسه لجدج ابوسهه
شيرين: هههه طاح حضج
فجران: بنات أبويه مريض
شيرين: يا عمو احمد شبي
فجران : علكوله مغذي وجابوا تخربط بالدوام
الكل : مابي غير العافيه حياتي
فجران: الله يعافيكم اكو صوت عركه خل اروح اشوف شكو يله باي
البنات : باي
شيرين: اني هم اروح انام
قمر : اوك
نيران: باع هاي الفاهيه شتنامين مو الولد راح يجي
شيرين: يمعودا بعد وكت تعبانه كلش من البارحه خل انام شويه
مهره : يله عيني روحي نامي احنه حيجونه بيت خالتي
نيران: طاح حضجن بس اني كاعده ماعندي شي
مهره : روحي اقري يمه اجتي الامتحانات
نيران: حياتي انتي ابوس ايدج عوفيني
مهره: امداج دروحي
نيران: ههههيي يله بايي
الكل : باي
شيرين: سديته من البنات ونمت كعدت ب٣ فتحت التليفون لكيت اشعارات من الكروب فتحت المسجات
فجران : بناتتت الحكولي
نيران : شكو
فجران : احمد مات
مهره : جذابه تشاقين
قمر : شكد بايخه
فجران : والله احمد مات
نيران : عزه بعيني
مهره : صدك تحجين
فجران : والله العظيم
شيرين: جذابه هاي شبيكم يعني ابوها ميت وهيج تكتب احمد مات وتكعد تراسل
نيران : والله يراد ن*عال اكطعه عله راسج
شيرين: لا هسه اصور المحادثه وادزها ل امها واخليها تكطع الن*عال عليها
فجران بفويز : يااا هههههه عبالكم أبويه المات وهيج كاعده وساكته لكم احمد الي بالقصه مات بأنفجار شكد جنت مقهوره وجاي ابجي هسه ضحكتوني يعني ابويه يموت وهيج كاعده اراسلكم
شيرين: كبورررر طاح حضج
نيران: امداج شكد عار
مهره : وكعتي كلبي ادبسزز
قمر : شكد تافهه طاح حضج
فجران: أبويه كلشي مابي اصلاً رجع للدوام
مهره : مو دا اكول بيتكم قريب علينه ماكو صوت عياط
شيرين : باع هاي الثانية متانيتهم يعيطون 😂
نيران: طاح حضجن
قمر : كومي لج ابن خالتي شويه ويجي حضري نفسج خل يشوفج حلوه
شيرين: ليش اني شبيه عيني
قمر : كلشي مابيج تخبلين بس كومي فضيها
نيران : ديلا كومي صدك ليش تحصرين روحج بالوقت
شيرين: اوك باي لعد
البنات : باي
شيرين: كمت سبحت وطلعت لبست فستان لونه بنفسجي فاتح ويصير جوه لركبه سويت شعري ذيل حصان ناصي وخليت مكياج كلش خفيف بس مسكاره وحمره فاتح ورتبت حاجبي و بلاش شويه وهاهيه
خليت عطر ودكيت عله هاله تجي تشوفني
هاله : ها عيني
شيرين: اصعدي شوفيني
هاله : هياني اجيت
شيرين: اوك
هاله : الله شهل جمال ماشالله فدوه لوجهج الحلو
شيرين: مناقصني شي
هاله : لا عيني شناقصج وين اكو احلى منج
شيرين: حياتي
هاله : هوه شوكت يجي
شيرين: مادري قمر كالت شويه ويجي
هاله : البسي شويه من ذهبج
شيرين: لا يمعوده عيب
هاله : بالعكس لازم يشوفه عليج البس لسوار الي عليه اسمائكم وفد كلاده ناعمه
شيرين: ماشي
هاله : وخابري شوفي شوكت يجي سويتلكم كيك وحلويات
شيرين: صدك عاشت ايدج بس عيب اخابره راح اسأل قمر
هاله : بالعكس عوبه خابري بس البسي السوار والكلاده بالاول لتنسين
شيرين: اوك
هاله سويت لسوار تعالي بس سدي لكلاده
هاله : اطيني
كملت
شيرين: عاشت ايدج
هاله : تليفونج ديدك
شيرين: منو
هاله : سند
شيرين: ايي همزين هوه دك
هاله : دهاج جاوبي
شيرين : الو هلاو سند
سند : هلاو عيني شدسوين
شيرين: كاعده ماعندي شي
سند : اني بالباب
شيرين: صدك يله نازلتلك
سند : ماشي
شيرين : سديت الخط
هاله : ها
شيرين: سند جوه
هاله : دمشي انزلي بسرعه
شيرين: يله
نزلت فتحت الباب
سند : فتحت الباب صارت كدامي لابسه كصير وشعرها نازل عبالك لعابه
وخري من يم الباب
شيرين: اوك فوت
سند : شلونج
شيرين: الحمدلله وانته
سند : تمام هاج الزمي
شيرين: شنو هاي
سند : هاي الج
شيرين: شنيه هيه
سند : فتحيها وشوفي
شيرين: فتحت العلاكه علبه عله شكل قلب حجمها وسط فتحتها ككو عله شكل قلب داير مداير العلبه وبالوسط تليفون ايفون ١٢ جان بوكتها احدث شي
شيرين : ليش مكلف نفسك اني عندي تليفون
سند : تستاهلين بس شنو موكفتني قصاص
شيرين: اسفه نسيت تفضل
سند : وانتي اضلين واكفه
شيرين: ها لا افوت وياك
سند : هههه ديلا تعالي
فتنه سلمت عله اهلها
هاله : اكعدوا بالحديقه
شيرين: ها لا نكعد وياكم
هاله : دروحوا بره سولفوا شعدكم يمنه
شيرين: ماشي تفضل سند
كعدنه بالحديقه عالمرجوحه
شويه واجت هاله جايبه كيك وحلويات وعصير قدمت وراحت
سند : هاذا منو مسوي
شيرين: هاله
سند : وانتي ليش مسويتي
شيرين: مادري بيها جنت فوك وهيه مسويه
سند : مره الثانيه اضوكه من ايدج
شيرين: نشالله ادلل
راح اكل من الككو مالك تريد
سند : اي اطيني
شيرين: هاك
سند : انتي وكليني
شيرين: هاا
سند : شبيج فهيتي وكليني
شيرين: هاك افتح حلكك
سند : عضيت اصبعها
شيرين: هاي ليش
سند : اسف اذيتج
شيرين: لا بس شويه
سند : اطيني أبوسه
شيرين: لا ماكو داعي
سند : جريت اصبعها وبسته دنكت راسها وخدودها صارت حمر
يمه فدوه لليخجل
شيرين: بخجل شكراً
سند : بس لازم تتعلمين عليه وبعد متخجلين مني انتي هسه مرتي
شيرين: دنكت راسي وكتله نشالله بخجل
سند : جيبي التليفون خل اسوي الج
شيرين: هاك
سند : هاذا سيمكارت جديد
شيرين: شسوي بي مو عندي واحد
سند : اعرف عندج واحد بس هاذا جديد احسن والي تشوفيها مو راحه وتغار لتطيها رقمج حته متسويلج مشاكل
شيرين : ماشي
سند : جبته رقم قريب عله رقمي راح اخلي بي رقمي ورقم امي وساره وارقام اهلج وشوفي منو بعد تردين رقمه
شيرين: اريد قمر وهاله ونيران وفجران ومهره
سند : منو
شيرين: صديقاتي
سند : شنو خوات
شيرين: لا
سند : اسمائهن متقاربه
شيرين: ايي صحيح
سند : بعد المن تردين
شيرين: هاهيه
سند : صدك بس ذني
شيرين: اي
سند : خالاتج عماتج
شيرين: لا بس ذني
سند : يله خلصت هاج هاذا تليفونج وهاذا القديم بقت الصور وحساباتج
شيرين: اني صوري بس بالسناب
سند : تمام تفتحين نفس الحساب
شيرين: اي
سند : انستا عندج
شيرين: لا
سند : شعجب
شيرين: سعد ميقبل
سند : تمام اني اسويلج واحد خاص
شيرين: تمام
سند : وكعت كلادتج
شيرين: شلتها اي همزين ممكطوعه
سند : لعد ليش نفتحت
شيرين: يجوز ممقفوله زين
سند : جيبي اسويلجياها
شيرين: لا بعدين البسها خليها
سند : اطيني وانداري
شيرين: هاك
سند : وخرت شعرها وريحته هادئه ومريحه للأعصاب  لبستها لكلاده واخذت نفس من شعرها و وخرت
شيرين: تنفس قريب مني نفسه حار حسيت جسمي كزبر وخر مني واني خجلت كلش
سند : يله اني اروح
شيرين: ماشي اباوع عليه عيونه ذبلانه
سند : اليوم ترجعون لبغداد
شيرين: لو اليوم لو باجر
سند : ماشي عود كوليلي
شيرين: نشالله
سند : تردين شي
شيرين: سلامتك
سند : بستها بخدها ورحت
شيرين: باسني بخدي استحيت كلش ودخت
راح وطبيت للبيت
هاله : هاي شبيج مايعه شسوالج
شيرين: ها مابيه
هاله: باسج
شيرين: اي بس اسكتي فضحتينه
هاله : يااا وشجابلج
شيرين: تليفون وككو
هاله : عليج الله هو اشوف
شيرين: هاج
هاله : الله لج هاذا احدث شي واخوج الفكر ماخذ ورد
شيرين: هههه طبه طوب وجابلي رقم جديد
هاله : اي احسن
شيرين: خل ادز رساله للبنات اكلهن غيرت الرقم
هاله : هاذا وين راح تودي
شيرين: اخذ الصور واطي ل أبويه
هاله : اي عفيه احسن
شيرين: يله صاعده ابدل
هاله : حضري روحج حنرجع فد شويه
شيرين: صدك لعد خل اكول لسند