الماء والنار

البارت التاسع

شيرين : فتحت عيني غواش ووجع قوي
الدكتور : الحمدلله على السلامه
شيرين: مكدرت احجي من الوجع ابتسمت ابتسامه خفيفه
هاله : شلون صرتي عمري
شيرين : راسي يوجعني
هاله : ارتاحي حبيبتي اجيبلج شي تاكلي
شيرين: ماريد
الدكتور : لازم تاكلين حته يتوازن جسمج
شيرين: ماكدر
الدكتور: ميخالف حاولي حته تتحسن وضعيتج مو زين تبقين هيج وحاولي تبتعدين عن العصبيه الزايده وماريد أي توتر وقلق
شيرين: بتعب نشالله دكتور
الدكتور : اعوفج ترتاحين بالسلامه
شيرين: شكراً دكتور
ابو شيرين: ها دكتور بشر
الدكتور : الحمدلله رجعت لوعيها بس تحتاج راحه تامه وابعدوها عن التوتر والضغط ماريد اي عصبيه
ابو شيرين: نشالله دكتور نكدر انطلعها اليوم
الدكتور: ننتضر منا لشويه نشوف حالتها ونقرر جيبولها شي تاكله ميصير تضل هيج
ابو شيرين: نشالله دكتور مشكور
الدكتور: واجبي
هاله : ها يابه جيبلها شي تاكله
ابو شيرين: هسه رايح
ام شيرين: لتتأخر
وينها كعدت
هاله : اي
شيرين: كاعده افكر شنو راح يصير بيه وفاتت امي
ام شيرين: ها شلون صرتي
شيرين: الحمدلله
ام شيرين : شبيج ليش تخربطتي
شيرين: لا رد
هاله : لتسأليها الها اسألي ابنج
ام شيرين: كافي سدي لموضوع لتسوين مشاكل
هاله : هاذا الحجي مو الي تكولي كولي لأبنج المراهق
ام شيرين: كافي عاد
شيرين: عفيه كافي لعبت نفسي من هاذا الحجي
ام شيرين: وانتي هم كافي فكري بعقل لدمرين نفسج بيدج تعرفين كلشي زين سعد راح يحرمج من كلشي ويشد وياج أكثر هاي اذا ما موتج وسند زين وكامل وشاريج مو كل يوميه يجيج هيج واحد
شيرين: سكتت شويه ونفتحت الباب
ابو شيرين: هاج هاله وكلي اختج
هاله : صار يابه اخذت لجيس وطلعت العصير و لفات
شتردين تاكلين
شيرين: شنو اكو
هاله : اكو شوربه وكيك ولفات كص و كباب
شيرين: اطيني شوربه وشويه كص
هاله : اوك هاج هاذا لعصير
شيرين: اخذت لعصير و شربت منه شويه بعدين شربت لشوربه و اكلت كم لكمه من الكص ورجعت كملت لعصير
هاله : اكلي بعد
شيرين: ماكدر اريد انام
هاله : ماشي بكيفج راح اخليهن يمج من اتكعدين اكلي
شيرين: ماشي
ابو شيرين: ها بابا شلون صرتي
شيرين: الحمدلله
ابو شيرين: وكعتي كلبي عليج
شيرين: اسم الله عليك بابا
ابو شيرين: يله صيري زينه حته نرجع لبيتنه
شيرين: والخطوبه
ابو شيرين: انهي كلشي علمودج شعندي غير بتي اني يردون يطون بتهم يطوها ميردون براحتهم اني عندي ضحكتج تسوه لدنيه الموت اهون عليه من ما اشوفج هيج واكعه
شيرين: وسعد
ابو شيرين: هاي مشكلته اني ما بايعج علمود خاطر سعد اني ابوج واني مسؤول عنج وهسه ارد خبر للجماعه ننهي كلشي
شيرين: لا يابه لتنهي شي اني موافقه
ماعرف ليش هيج حجيت مادري اذا هوه خوف من سعد أو لخاطر ساره أو لخاطر امي وابويه لو خوفاً عله مستقبلي الي راح يدمره سعد
ابو شيرين: متأكده بنتي كتلج اني وياج وماخلي احد يطخ شعره من راسج
شيرين: لا يابه اني موافقه
ابو شيرين: خير نشالله اطلعي من المستشفى ويصير خير
ام شيرين: ايي من البدايه هيج وفضيها وكفتينه عله تك رجل انتي وسوالفج
هاله : ايي عيني روحي بشري سعودي خل يدك اصبعتين
ام شيرين: كم مره كايلتلج تسكتين اله تسويلنه مشاكل متوبين
هاله : اني اسوي مشاكل والله لو ما لبنيه مريضه وتعبانه اله اسويله فضيحه مالها تالي
ام شيرين: بنبرة غضب سدي حلكج دا اكلج يله روحي صيحي ابوج خل يحاجي الدكتور حته نطلع ولسانج اذا طولتي اكصه الج لتكولين مزوجه وماعندي صيطره عليج ترا اطيح حضج
هاله : عفتها وطلعت صحت أبويه
بابا شوف الدكتور خل يجي يفحص شيرين حته نطلع
ابو شيرين: اي يابه كايم
رحت لغرفه الدكتور دكيت الباب
الدكتور : تفضل
ابو شيرين: دكتور بس تفحص بنتي حته تسجللنه خروج
الدكتور: اي مريضه بنتك
ابو شيرين: شيرين رائد
الدكتور: رقم الغرفه
ابو شيرين : ٧
الدكتور : ماشي عمو الحكني دقايق واجي
ابو شيرين: مشكور دكتور
رحت لغرفه شيرين ودقائق واجه الدكتور
الدكتور : السلام عليكم
الكل: وعليكم السلام
الدكتور : انسه شيرين شلون صرتي
شيرين: الحمدلله دكتور
الدكتور : نفحصج ونتأكد
شيرين: اجه الدكتور يفحصني وشال الكانونه من ايدي
الدكتور: الحمدلله وضعج استقر راح اكتبلج شويه فيتامينات ومقويات تاخذيهن و ماريد اي تعب نفسي او جسدي
شيرين: ماشي دكتور
الدكتور : تفضلي هاي الراجيته
صحه وعافيه نشالله
شيرين: الله يعافيك دكتور
نزلنه للصيدليه بابا فات جاب الدوه ومكتوب ويا مواعيده وكم مره أخذه
صعدنه بالسياره تقريباً ربع ساعه و وصلنه للبيت
الجد : ها يابه الحمدلله على السلامه خوفتينه عليج
شيرين: الله يسلمك جدو
الجد : خل يجي اليوم هاذا الأرعن اله اطيحلج حضه
مرت خال شيرين : الحمدلله على السلامه شيرين
شيرين: الله يسلمج خاله
هاله : لعد احمد وين
مرت خال شيرين: راح ويه سعد
هاله : راح اخابره
دكيت عليه
احمد : الو
هاله : انته وين
احمد : ويه اخوج
هاله : شدسوي
احمد : حجيت ويا شويه
هاله : كله خل يجي يشرف لبنيه تونه طلعناها من المستشفى وكعت وراكم
احمد : صدك وهسه شلونها
هاله : الحمدلله احسن بس كله يلزم روحه شويه وليضل ينطنط
احمد : ماشي جايين
سعد : شكو
احمد : شيرين متخربطه ورانه وناقليها للمستشفى وهسه يله طالعين
سعد : اهو هسه ابويه ياكل راسي بيها
احمد : سعد تريد لصدك انته غلطان وعتديت عله اختك بالكلام ميصير هيج تحاجيها انته حته ل ابوك مخليت قيمه ولا اعتبرته هسه نرجع تعتذر من ابوك وجدك وفض السالفه ليش يكلبون عليك ويخربون شغلتك تره الكل ضايج منك
سعد : ولو ممقتنع بكلامك بس راح اسوي لأن ماريد شغلتي تخرب
احمد : امشي لعد
رجعنه و اول مطبينه للبيت تلكانه جدهم
الجد : ها يا ادبسز يا دايح ارتاحيت وكعت لبنيه من طولها
ابو شيرين: سعد اذا فكيت حلكك بعد بكلمه وحده انهيك تعرف شنو انهيك
احمد : عله كيفكم يا جماعه صلو على النبي هوه يدري بروحه غلطان وجاي يعتذر منكم
يله سعد بوس راس جدك وابوك واعتذر منهم
سعد : اني اسف يابه حقك عليه
اني اسف جدو
الجد : اذا انعادت مره لخ وطولت لسانك وحجيت حجي الشوارع بالبيت اكسر العوجيه عله ضهرك
ابو شيرين: وره الغده عندي موضوع وياكم
الجد : خير نشالله
ابو شيرين: نشالله عمي ماكو اله كل خير
سعد : خفت من كلام أبويه خاف راح ينهي الموضوع
انتضرنه اشويه وصبو الغده كعدنه اكلنه
شيرين: خلصنه وكمنه نشيل المواعين
الجد : اكعدي بنتي همه يشيلون انتي ارتاحي
شيرين: لا جدو مابيه شي
مرت خال شيرين: لا حبيبتي ارتاحي احنه نشيل
ابو شيرين: كومي جيبي ادويتج اشربيهن
هاله : اني اجيبهن اكعدي انتي
شيرين: جابتلي هاله الفيتامينات شربتهن وكعدت بنص أبويه وجدي
سعد : يابه شنو الموضوع الي ردتنه بي
ابو شيرين: شيرين وافقت على سند واليوم راح نرجع للعالم خبر
الجد : اكيد وافقت من وحدها
ابو شيرين: اكيد عمي واني أصلاً ردت اخابر الجماعة وارفض وهيه كالت اني موافقه
سعد : يعني راح اخذ ساره
ابو شيرين : اي يله كوم راضي اختك
سعد : ليش يابه اني شمسوي الها
الجد : كوم ولك كل الي سويته وتكول شمسوي كوم يله
احمد : سعد كوم واكسر الشر
سعد : كمت بستها ورجعت
شيرين: سلم من وره خشمه حته محجه واصلاً اني مردت احجي ويا بس لخاطر أبويه وجدي
سعد : يله يابه لعد خابر الجماعه ردلهم خبر عيب صالهم هواي منتضرين
الجد : اي صحيح عيب ردولهم خبر تأخرنه عليهم
ابو شيرين: راح اخابر مهيمن
اتصلت عله مهيمن
مهيمن : هله عمي
ابو شيرين: هله بيك شلونك شلون الأهل
مهيمن: الحمدلله انتو شلونكم
ابو شيرين: الحمدلله بخير
مهيمن : ها عمي شنو رأيكم اخذتو رأي البنيه
ابو شيرين: اي ابني تفضلو يمنه اليوم اذا يناسبكم
مهيمن : اي عمي نشالله
ابو شيرين: يله مع السلامه سلم النه عله الأهل
مهيمن : يوصل عمي مع السلامه
ميهمن : يمه وينج 
ام مهيمن: ها يمه
مهيمن: الجماعه ردولنه خبر موافقين ويردونه اليوم يمهم بيت الحجي
ام مهيمن : يا يمه الف الحمدلله نشالله يوم الافرح بيك انته هم
مهيمن : يله سند وين حضروا نفسكم لنتأخر عله الجماعه راح اخابر عله عمي حته نروح
ام مهيمن : سند وين
ساره : سند فوك بغرفته
ام مهيمن : صيحي
ساره : صار ماما
رحت لغرفه سند دكيت الباب
سند : فوت
ساره : امي تريدك جوه
سند : خير شصاير
ساره : شيرين وافقت
سند : عليج الله هاي شوكت
ساره : هسه خابر عمو ابو سعد وكالو تعالو ليوم لبيت الحجي
سند : نزلت ركض
ام مهيمن: شبيك يمه اسم الله عله كيفك
سند : يله شوكت نروح
مهيمن : عله كيفك عيني شدعوه هلكد مستعجل نريد نخابر عمك
سند : يله خابره
مهيمن : حاجيته بس اهدأ شويه ويجي هوه والشيخ وكم واحد من ولد عمك و نروح
سند : يله اني صاعد احضر نفسي
مهيمن: عود اتأخر
سند : ادلل 
مهيمن : شدو روسكم يكرعان
سند : صعدت حضرت نفسي

نزلت عمامي جايين سلمت عليهم و رحنه لبيت جد  شيرين
وصلنه لبيتهم
سلمو وطبينه حجو بالشروط واتفقنه عله الحاضر والغايب لساره ولشيرين و الاثنين يكملن دراسه
والحاضر والغايب ١٠ ب ٢٠ للثنين
وباجر عقد السيد