الماء والنار

البارت الخامس

هاله : رحت لبيت اهلي والطريق كله مناكر اني وأحمد 😂 وصلنه ونزلنه من السياره جان الباب مفتوح طبينه للحديقه
احمد: لج خاف اكو خطار
هاله : لا يمعود ماكو احد امشي كدامي يلا لدوخني
احمد: هاا صرتي يم اهلج كمتي تحجين معلك عبالج اخاف
هاله : طبعاً الساحه ساحتي
احمد : دمشي فوتي امشي لا احطج واكتلج هنا
هاله : يمه يمه خفت كمت ارجف الحكولي
احمد : عمي اني اكدرلج ماخذ دلاله مو مره
هاله : دفوت يله كدامي فوت
احمد وهاله : السلام عليكم
الكل : عليكم السلام
هاله : ها شلونهم المضغوطين
شيرين: اويي عيني اويي مين انضغط من كرشه
احمد : مشكور شيرو متقصرين
شيرين : ادلل بكل وقت
هاله : على الخير سعودي كالو خطبت شدعوه عيني احنه اخر من يعلم
سعد : بعد مصاير شي بس حجي ومحد يدري منو كلج اكيد هاي ام لسان
هاله : وشدعوه عيني قابل اني غريبه يلاا عله العموم مبروك تتهنه
سعد : الله يبارك بيج
احمد : مبروك خال ابني
سعد : الله يبارك بيك بس وينه ابنك ماشوفه
احمد : نشالله بطريق وغمز ل هاله
شيرين: عزه هاذا شكد ميستحي
هاله : نجبي لج لتدخلين بسوالف كبار
شيرين : ديلا عيني يلا
هاله : تعالي اريدج بالمطبخ
شيرين: ها شكو لج خاف صدك حامل
هاله : لا يالثوله دا اسأل عله سند مشفتي حلو لا
شيرين: وكبر حته كبر عبالي شو شكو ايي شفته بس محد يدري يم المغسله سلمنه وبس
هاله : صدك زين ملمح لشي
شيرين: هاي شبيها عله شنو يلمح ليش متنجبين انتي
هاله : ديلا عيني مريم العذراء شحجينه عله كيفج
شيرين : دمشي يله امشي

اليوم الثاني

سند : رجعت للبيت وحاجيت اهلي بالموضوع ومحد عنده مشكله كلهم فرحو لأن يحبون بيت أم سعد عله محبة الوالد
ام مهيمن :  اي يمه هاي لساعه لمباركه وين نلكه احسن من بيت أم سعد بس يمه اشرط عليهم لبنيه تكمل دراستها
سند : ايي يمه طبعاً وعندي شرط ثاني
ام مهيمن : شنو شرطك
سند : بعدين يمه ساره انتي شنو رأيج
ساره : بكيفكم لتكولو يصير
كمت رحت لغرفتي وكلبي يدك سريع حيلل فرحت لأن قبل ليتوفى بابا من جنت بغداد اني معجبه بسعد
سند : يمه روحي حاجيها وتأكدي منها واعرفي شنو شروطها ماريد باجر عكبه تكول اخواني ذبوني
ام مهيمن: صار يمه
يمه سوسه وينج
ساره : تفضلي ماما
ام مهيمن: ها حبيبتي شنو رأيج اني امج لتستحين مني الج رغبه لو لا اخوانج يكولون على راحتها لتريده يصير
ساره : اي ماما موافقه
ام مهيمن: يا يمه الف مبروك كلللوش اروح ابشر اخوانج واكلهم يردون خبر للعالم
ساره : ماشي ماما
ام مهيمن : يمه مهيمن سند تعالو
سند ومهيمن : ها يمه
ام مهيمن: اختكم موافقه ردو خبر للعالم
مهيمن : هاهيه يمه سند انته خابرهم بس قبل لتخابر كوللنه شنو شرطك
سند : والله بصراحه اني شفت بتهم وعجبتني حيل واكلهم نطيهم بتنه ويطونه بتهم
مهيمن: انجب لك اشو انته متعرف تحجي شنو تريد تزوج قبلي نسيت اني لجبير
سند : واني شنو لشوكت انتضرك استاذ مهيمن لبكدك جهالهم بالمدارس
ام مهيمن : يمه عيب هل حجي شلون نكول للعالم هيج
سند : لا يمه ماكو عيب واحنه منجبرهم عله شي
مهيمن : يعني مصر
سند : اي مصر
مهيمن: طبك مرض جيب لهم لروحك علك نفسك
سند : لتخاف عليه مو دايح نفسك
ام مهيمن : كافي تتناكرون ردوا خبر للعالم
سند : صار يمه
اتصلت عله ابو سند
بيت ابو سعد
شيرين : كاعدين كلنه نسولف ونضحك وفجأه تليفون بابا دك
ابو شيرين: هاذا رقم سند
ام شيرين: يالله جاوب جاوب
ابو شيرين : الو السلام عليكم شلونك وليدي
سند : هله عمي
ابو شيرين: ها وليدي بشر
سند : عمي لبنيه بتكم واحنه موافقين وابأي وقت تشرفونه
ابو شيرين: الله يبشرك بالخير نشالله هاليومين احنه يمكم
سند : كل الهله بيكم بأي وقت
ابو شيرين: تسلم وليدي متقصر
سند : عمي انته تأمر
سدينه لخط
ام مهيمن : ها يمه
سند : هاليومين جايين
ام مهيمن: نشالله الله يسهل عليكم وافرح بيكم كلكم
سند : نشالله يمه

بيت ابو شيرين
شيرين: أبويه سد الخط ومبين من كلامه موافقين
ام شيرين: ها بشر
ابو شيرين: موافقين وحضروا نفسكم هاليومين نودي مشيه عليهم
ام شيرين: كلللوش مبروك يمه مبروك
الكل : مبروك سعودي
سعد : الله يبارك بيكم بست راس امي وابويه وسلمت عله احمد وخواتي
شيرين: سلمت عليه من ورا خشمي مقهوره عله هل مسكينه شراح يلعب بيها طوبه
رحنه للمطبخ
شيرين: لج خطيه ساره شراح يصير بحالها ويه اخوج المراهق
هاله : لتخافين عليها حبي شوفي اذا مكرن يمها
شيرين: ايي والله هم صدك مشفتي شلون ذابح نفسه
هاله : شعبالج لعد
يله عيني حضري غرفتي اني ورجلي نريد نرتاح
شيرين: وانتي شبيج ايدج مكسوره متحضريها انتي
هاله: حبابه بداعتي امشي نحضرها سوه
شيرين: امري لله امشي
هاله : فدوه لوجهج شحبج
شيرين: دمشي عيني امشي
صعدنه واجه احمد وبلش الفلم الرومانسي
احمد : حبيبتي وام بيتي شجاي تسوي
هاله : عيونها انته جاي احضر غرفتنه
احمد : فدوه ليدج يروحي و بستها
شيرين: ها عيني ها الله بالخير وياكم نفر بالغرفه شبيكم
هاله : اويي كبر لفج بس تكطعين علينه غواره اطلعي يله
شيرين: اووي عيني طالعه
هاله : ولي يله

انتضروا البارت الجاي ❤️❤️