الماء والنار

البارت الثاني عشر

شيرين: صعدت فوك اتصلت عله سند
سند : الو ها عيني شنو اشتاقيتيلي
شيرين: هاا
سند : افهي بعد افهي مو كتلج ميصير تستحين مني
شيرين: لا ممستحيه بس راح نروح لبغداد هسه وخابرت اكلك
سند : يعني ممشتاقتلي
شيرين: مو توك جنت يمي
سند : بس اني اشتاقيتلج شلون ضلي هنا لترحين أو اكلج خل نزوج هسه وفضيها
شيرين: هاا لا يمعود وين اضل عندي امتحانات
سند : عادي انقلج هنا يمي ولتغلسين كتلج نزوج
شيرين: سند بعدنه يالله مصارلنه يومين مخطوبين اصبر شويه
سند : شوكت تطلعون
شيرين: فد شويه دا احضر نفسي
سند : ماشي عيوني
شيرين: يله تريد شي رايحه الم غراضي
سند : سلامتج روحي كملي
شيرين: ماشي باي
سند : باي
شيرين: سديته وخابرت البنات
مهره: هاا اجه سند
شيرين: اي وراح قبل شويه
نيران: صدك سولفيلنه شسويتو
فجران: ايي شسويتو شحجه وياج
شيرين: اطوا مجال من ارجع نتشاوف واحجيلكم
قمر : شوكت ترجعون
شيرين: فد شويه متجون ويانه
قمر : والله مادري خل اشوف امي
شيرين: دشوفيها
نيران: انجبي ورجعي وياها
مهره: ايي تره عدنه امتحان عكب باجر
فجران: ادبسزز مستهتره ارجعي كافي عاد
نيران: شعجب كلتيها صح
فجران : والله مادري يله عاتي هسه ارجع احجيها مثل قبل ادبسزز موستهتره
قمر : لجج عيني ليش تكلبين الحجي
مهره : عبالك جاهله توها تحجي
شيرين: هيه هيج جديده عليكم عقلها مال جهال
قمر : اكلج اخوج يمنه
شيرين: اي اعرف
قمر : كافي شوكت يروح دوخنه وجايب ورد ويا صاير رومانسي
نيران: صدك سند شجابلج
شيرين: علبه ككو وبنصها ايفون ١٢
فجران: اللهههه شكد ذوق فدوه لله عود مثل اخوج مسوي روحه روميو
مهره : يالون جابلج
شيرين: زيتوني
نيران: يي يخبل
شيرين: جاب سيم كارت جديد فد شويه اراسلكم منه
نيران: ايي خوش
مهره : روحن حضرن نفسجن ولتتأخرن يله شوكت ترجعن
فجران: ايي صدوك يله حضروا نفسكم وقمر انجبي ورجعي ويه شيرين
قمر : هسه اكلهم واردلكم خبر
شيرين: تمام انتضرج استعجلي
قمر : اوك
شيرين: يله باي اروح احضر نفسي
الكل : باي
قمر : ماما
ام قمر: ها يمه
قمر : بيت شيرين حيرجعون نرجع وياهم لان عندي امتحان
ام مهيمن : خل يجي سند لو مهيمن وكولوله هوه يوديكم خاف متاخذون راحتكم
ام قمر : اي عيب نروح وياهم والطريق طويل
قمر : ماشي شوفوا سند ومهيمن بس عفيه لنتأخر مالحك امتحانات
ام مهيمن : هسه يجون الولد واحاجيهم
سند : السلام عليكم
الكل : عليكم السلام
ام مهيمن: يمه سند بيت خالتك يردون يرجعون لبغداد قمر عدها أمتحانات
سند : اي يمه صار شيرين هم راح يرجعون اليوم خل قمر تخابرها تركب ويانه
ام مهيمن: لا يمه عيب ميصير
ام قمر: اي سند خاله عيب انته مو راجع ويانه لبغداد هناك شوفها واكعد وياها
سند : ماشي اني طالع حضروا روحكم حته نطلع وياهم سوه
ام قمر: خوش
قمر يله حضري نفسج
قمر : ماشي ماما
سند : دكيت عله شيرين
شيرين: ها سند
سند : كملتي
شيرين : تقريباً
سند : لبستي
شيرين: بعدلي شويه
سند : تمام شويه وادك عليج انزلي جوه افتحي الباب
شيرين: اوك
سند : يله روحي كملي
شيرين: تمام باي
سند : باي
طلعت من البيت شويه و وصلت دكيت عليها
شيرين: ها سند
سند : خلصتي
شيرين: اي ماعندي شي
سند : انزلي يله
شيرين: تمام نازله
سند : منتضرج
شيرين: نزلت لسند
هاله : ها خلصتي
شيرين: اي
هاله : وين رايحه
شيرين: سند جوه نازلتله
هاله : تمام
شيرين : فتحت الباب
سند : طالعه حلوه
شيرين: شكراً سند
سند : شو بله افتري خل اشوف
شيرين: ها وين افتر شتشوف
سند : ملابسج
شيرين: دتعال طب جوه
سند : لا امشي نصعد بالسياره نفتر شويه ونرجع
شيرين: لا مكايله لأهلي وراح نطلع فد شويه خاف نتأخر عليهم
سند : تمام فوتي كوليلهم نصعد نكعد بالسياره منروح لمكان
شيرين: ماشي
فتت للبيت صحت هاله
هاله : ها شتردين
شيرين: اني كاعده بالسياره ويه سند كولي لأمي وابويه
هاله : شتسوون بالسياره فوتوا جوه
شيرين: مادري كتله خل نفوت كال لا
هاله : تمام روحي
شيرين: تمام طالعه
سند : ها
شيرين: كلت لهاله واجيت
سند : يله تعالي
فتحتلها الباب
شيرين: شكراً
سند : راح اكتلج لدكولين شكراً مو بديكارد اني
شيرين: تمام اسفه
سند : سديت الباب وصعدت
اشغلج اغنيه
شيرين: بكيفك
سند : راح اشغل واول اغنيه مني الج
شيرين: تمام
سند : شغلت المسجل وطلعت اغنيه ماجد المهندس ( الفاتنه )
سند : شيرين
شيرين: ها
سند : كل كلمه بهالغنيه تنطبق عليه وعله حبي الج
شيرين: نزلت راسي بخجل
سند : ارفعي راسج لتستحين شيرين اني حبيتج اول يوم شفتج بي عمري كله ملفتت نضري بنيه انتي الوحيده لخليتيني التفت الج واحبج مجنت متوقع بيوم راح احب بنيه وبهل طريقه
شيرين: ضليت ساكته ماعرف شكله اني ما ابادله بنفس الشعور سكتت شويه وكتله مجنت متوقعه حبيتني بهالسرعه عبالي خاطبني تقليدي خطوبه أهل
سند : لزمت أيدها لا اني حبيتج اول مشفتج وانتي شيرين
شيرين: شنو اني
سند : باعي خل نكون صريحين اني ادري انتي متبادليني بنفس الشعور بس صدكيني بمرور الوقت راح تعرفيني وتحبيني صدكيني مراح احرمج من شي كلشي مثل ما انتي تردين اخليج بعيوني
شيرين: سند بصراحه صحيح اني محاسه بشعور حب واول بدايه جنت كلش ضايجه ومرايده الخطوبه بس هسه ماعرف اكو شي اتغير حسيت بأمان وياك اول مره احس روحي مرتاحه مشايله هم شي وكلامك هاذا ريحني أكثر حسستني شكد انته واعي وفاهمني صح جان الشي الوحيد الي ممريحني وياك انو متقيده بالكلام ومستحيه منك بس هسه كلش ارتاحيت