الماء والنار

البارت الثامن

شيرين: كعدت ثاني يوم احس كلبي بارد بس بنفس الوقت اكو خوف وتوتر وتعب واني ماريد ازوج هسه فتحت تليفوني لكيت قمر متصله عليه رجعت اتصلت عليها
قمر : الو صباح الخير
شيرين: صباح لنور وينج البارحه
قمر : والله لتهيت ويه بيت خالتي نضفنه وغسلنه مواعين
شيرين : دريتي بالصار
قمر : ايي كالو حطو شرط ياخذوج لسند
شيرين: قمر عفيه شلون اني ماريد ازوج واهلي ديضغطون عليه خاصه اخويه
قمر : والله مادري شكلج بس ترا سند زين و اذا اخذتي ترتاحين ويا وهوه مبين عليه حابج
شيرين: قمر عفيه شجاي تحجين يا حب اكلج ديجبرني
قمر : حبيبتي سلمي امرج لله وربي يكتبلج لبي خير واني راح احاول اخلي ماما تحاجيهم يلغون هالفكره
شيرين: اي عفيه حبابه الله يخليج ساعديني
قمر : ماشي حبيبتي
شيرين: يله اني راح اكوم باي
قمر : باي
شيرين: كمت غسلت ورحت للمطبخ جانو ديحضرون الريوك
ام شيرين: شيرين ابوج بره بالحديقه منتضرج روحيله
شيرين: ليش شكو وين راح نروح
ام شيرين: مترحين لمكان يريد يحاجيج
شيرين: خفت كلش من الموضوع ليريد يحجي بي أبويه واحس كلبي راح يوكع تماسكت نفس ورحت
صباح الخير
ابو شيرين: صباح النور بابا اكعدي
شيرين: بابا كالو رايدني
ابو شيرين: اي حبيبتي فكرتي بالموضوع
شيرين: بابا اني عله نفس جواب البارحه
ابو شيرين: زين ليش شنو السبب
شيرين: بابا اريد اخلص دراستي
ابو شيرين: طبعاً بتي تكملين والجماعه ماعدهم اعتراض عله هل شي بالعكس
شيرين: بابا بس اني ماريد ازوج والولد أصلاً ماعرفه
ابو شيرين: بنيتي راح تعرفي وتكعدين ويا وتتفاهمون وهمه خوش عالم ومنه وبينه والولد خوش ولد واخوج مصر عله هالبنيه وراح يجبرج واني ماريدج ترحين مجبوره اريدج ترحين وانتي فرحانه وكلبج مرتاح مو ترحين مهمومه واني كبرت و مضامن عمري وخايف ورايه سعد يأذيج ويحرمج من دراستج و يجبرج عله انسان مو زين عله الأقل هسه اني موجود وسند خوش ولد بنيتي لخاطري اني ابوج فكري زين بكلامي
شيرين: صار يابه
كمت من يم أبويه والدمعه بعيني والعبره خانكتني كلام أبويه صحيح بس اني مالي اي رغبه رجعت للغرفه الي جنت نايمه بيها وكعدت افكر واتصلت عله قمر
قمر : ها عيني
شيرين: قمر لدكولين لأمج عله شي
قمر : ها وافقتي
شيرين: ماعرف بعدني صعدي البنات
قمر : اوك
فجران: ها صباح الخير
البنات : صباح النور
مهره : ها شلونكم
نيران : شعجب اذكرتنه دايحات من رحتن لهسه ناسياتنه
شيرين: بنات اريد احجي وياكم بموضوع
البنات : شنوه
شيرين : أهل ساره شرطو اله اني ازوج اخوها سند يله يطونها لسعد
نيران: لا والله شنو بكيفهم
فجران : خل يولون شنو السالفة وين كاعدين
مهره : وانتي شنو رأيج شكلتي
شيرين: تعرفون كلش زين اني ماريد ازوج بس سعد ديجبرني وابويه مقتنع ويكول ازوجي مادام اني موجود ورايه مضامن سعد شيسوي
نيران: ايي عفيه ازوجي اخلصي منه هل عكره
فجران: زين هوه حلو
قمر : ايي حلو كلش
فجران: بعد شكو دوافقي يمعوده
مهره : زين ودراستج شلون
شيرين: أبويه يكول همه ماعدهم مانع اكمل واصلا راح يشرط عليهم اكمل
قمر : والله اني انصحج توافقين سند ميتفوت ومبين عليه حابج
شيرين: والله مادري
نيران: صلي استخارة
شيرين: صليت
فجران: ايي وشصار
شيرين: مادري صحيح كعدت مرتاحه بس هم خايفه
قمر : خليها عله الله
شيرين: ونعمة بالله
يلا اني رايحه باي
الكل : باي
شيرين : كعدت افكر شويه واجتي هاله
هاله : ها شدسوين
شيرين: كاعده
هاله: فكرتي بالموضوع
شيرين: اي ومجاي اقتنع
هاله : وكل عقلج سعد يعوفج كولي اي بكرامتج احسن ميأذيج ويجبرج
شيرين: نهاريت وكمت ابجي واصيح يعني ليش سعد يجبرني ليش يبني سعادته عله حسابي ليش سعد اهم مني ليش مستقبله وسعادته اهم من مستقبلي وسعادتي ليش الكل ويا ليش محد ويايه
هاله : كافي حبيبتي والله مو قصدي هيج بس اني خايفه عليج منه متعرفي شلون اخلاق سزز هوه وبعدين انتي فقيرة وعله نياتج والله يطيج عله نيتج صدكيني انتي راح ترتاحين وهوه يتعذب وسند خوش ولد وأهله خوش عالم
شيرين: تعبت وراسي كام يوجعني غفيت واني ابجي
هاله : شفتها غفت عفتها وطلعت
سعد : يمه وينج
ام شيرين: ها عيني
سعد : شيرين وين
هاله : نامت
سعد : كعديها
هاله : عوفها شتريد منها فرفحت ونامت وهيه تبجي عوفها بحالها من تكعد حاجيها
سعد : أبويه وين
ام شيرين: بره بالحديقة
سعد : ماشي شويه وارجع الكاها كاعده واريد اسمع منها كلمه اي اذا كالت لا نهايتها عله ايدي
ام شيرين: لا يمه اتهده نشالله ميصير اله كل خير
هاله : بهمس نشالله نسمع خبرك يا عار
ام شيرين: ياربي سهلها
هاله : يمه صدك تحجين يا خير وانتو دجبرون لبنيه
ام شيرين: لعد اخسرهم ثنينهم احسن وحده جوه التراب و واحد جوه السجن
هاله : تنكسر أيده اذا يمدها عله شيرين
ام شيرين: كافي اسكتي اجتي قسمتها والولد مابي شي من تعاشره تحبه
هاله : عفت امي وطلعت حيل مقهوره عله شيرين الكل عليها
شيرين: كعدت الضهر راسي يوجعني والدنيه تفتر بيه صحت عله هاله بالكوه
هاله : اسمع صوت شيرين رحت ركض
ها عيني
شيرين: هاله الدنيه دتفتر بيه عفيه ساعديني
هاله : اخذتها غسلت وجها وايديها
و كعدتها بالحديقة وجبت الها حلا تاكل حته يتوازن سكرها من الصبح مماكله شي
شيرين : شويه حسيت نفسي احسن
هاله : ها شلون صرتي
شيرين: احسن
شصار وره منمت
هاله : سولفتلها
شيرين: الله لا ينطي الله يحرك كلبه مثل ما جاي يحرك كلبي الله يضوكه لضوكنيا
هاله: امين والله جبيره يم رب العالمين وميعديها اله
شيرين: ونعمه بالله
لتحجين شي احد اجه
ام شيرين : يلا كومن نصب الاكل ويه مرت خالجن
هاله : اني رايحه اساعدها شيرين ابقي كاعده
ام شيرين: شنو كاعده صالها كومه نايمه يله كومي عيب مكتره
شيرين: كايمه
صبينه لغده وجاي ناكل كلنه سوه وأشوف نضرات الحقد بعيون سعد واني حاقده عليه أكثر شويه وكال
سعد : اليوم نرد خبر للجماعه
ابو شيرين: بعدنه مماخذين موافقه اختك
سعد: رأيها مو مهم احنه نختار حياتها
شيرين: ليش اني عبده عندك سند ماريده وزواج ما ازوج
سعد : انجبي لج ك*به لازم عند واحد
جد شيرين : بصوت عالي سعدد احترم نفسك واحجي عدل واعرف منو كاعد كبالك ماخليت احترام النه
ابو شيرين: احترم نفسك ادبسز احنه ماعدنه ك*اب
كوم اطلع بره
احمد : سعد كوم ويايه بره
سعد : كايم بس لا عبالج راح اسكتلج غصباً ما عليج تزوجين
شيرين: كلش استهضمت من كالي هل كلمه حسيت كلبي نعصر معقولة يحجي عليه هيج واني اخته حسبي الله ونعم الوكيل عفتهم وكمت
هاله : يمه هاذا ابنج مريض
ام شيرين: لا رد
هاله : يعني تضلمون هالبنيه علمود هوه يأخذ ليريدها وفوكاها يحجي بشرف اخته والله حرام عله كل واحد سكت يم الله جبيره حركت كلبها هاي وشوفي اذا سعد شاف خير عاتبيني
شيرين: طبيت للحمام وطكيت من البجي بجيت بهستريه ابجي واشهك واردد الله ينتقم منك الله يحرك كلبك غوشت الدنيا بعيني وبعد محسيت بشي وعيت عله نفسي بالمستشفى واهلي يمي
قبل نص ساعه :
هاله:  عفتهم ورحت وره شيرين كلبت البيت عليها ماهيه وين راحت لبنيه عزه بس لا سوت شي اخر شي بقه كدامي بس الحمام رحت ركض فتحت الباب ولكيت شيرين بلكاع حسيت روحي طلعت كمت أصيح ورحت ركض للصاله يابه الحك شيرين واكعه بالكاع ماعرف شبيها
ابو شيرين: كمت اركض بدون وعي شلتها واخذتها للمستشفى واسوق بكل مابيه من سرعه
هاله : ارتاحيتو هسه ارتاح استاذ سعد شسويتو بالبنيه حرام عليكم والله الرحمه حلوه
ام شيرين: كافي هوه هم اخوج لضلين ادعين
هاله : يمه مجاي ادعي بس مثل ماهوه ابنج هيه بنتج يعني معقولة ميحترك كلبج عليها
ام شيرين: مراح تحسين بيه باجر الله ينطيج ولد وتعرفين شكد عزيز
هاله : وشيرين مو بتج مو عزيزه عليج ؟
ام شيرين: كلكم عزيزين بس شيرين تزوج احسن الها و النه حاجيها واقنعيها
هاله : عفتها ودخلت يم شيرين
ها دكتور شلونها
الدكتور : نشالله تتحسن اكو مشاكل بالبيت شي صاير عدها هبوط اكو ضغوطات عليها
هاله : اكو شويه مشاكل
الدكتور : حاولو تبعدوها هل فتره
هاله : نشالله دكتور