الماء والنار

البارت السادس

هلاووو شلونكم اسفه على التاخير يله نبدي
شيرين : رحت اخابر عله البنات

هلاوو شلونكم لج قمر
قمر : ها
شيرين: لج بت خالتج وافقت على سعد
ملاحظه: ام قمر وام مهيمن خوات
قمر : يا صدك اشو مكالت
شيرين: ايي مو توهم ردولنه خبر وعكب باجر راح نروح لسليمانيه نخطبها رسمي
قمر : يايي صدك يمكن احنه هم نجي عله بيت خالتي
شيرين : منو يوديكم
قمر : مادري خل اكول لماما يمكن واحد من الولد يجي ياخذنه
شيرين : تعالو ويانه عله شنو جايبين العالم من سليمانيه لهنا احنه رايحين لنفس المكان
قمر : مادري خل اشوف ماما همه أصلاً بعدهم مكايلين
شيرين : اوك فجران شبيها ساكته
فجران : متانيتكم تخلصون نقاش صرتو كرايب
شيرين : احنه من زمان كرايب بس من بعيد
نيران و مهره وين لعد ليش مصعدن
فجران : نيران بيتهم خطار
شيرين : ومهره
قمر : مهره مريضه عاثره وصاير رض برجلها
شيرين: ياا لعد ليش مكلتو هاي شوكت
فجران: اليوم من طلعنه من المدرسه
شيرين : الثوله غير تنتبه
قمر : جانت تسولف ويه نيران وملتهيه منتبهت
فجران : زين باجر اداوم لو لا
قمر : ماعرف ما اعتقد تكدر اداوم
شيرين: لا عفيه شنو مداوم ضوجه بدونها
قمر وفجران : ايي والله صدك
شيرين : ونيران الثوله منو يمهم
قمر : بيت خالتها
شيرين : اويي ذوله لمعقدين
فجران : لج ايي همه
شيرين : يا مسكينه
يلا بنات اني اروح اكل وأكمل واجبات حته انام قموره بشرفج اذا حاله رياضيات دزيلي
قمر : تمام عيني
فجران: واني هم
قمر : ايي هوه راح ادزه بالكروب
فجران : تمام
قمر: تمام بايي
البنات : باي
قمر : ماما ماما وينج
ام قمر : ها شكو شبيج
قمر : بيت خاله ام مهيمن مخابروج
ام قمر : اي دكت عليه وكالت هل يومين خطوبه ساره
قمر : ايي ماما خل نروح
ام قمر: الله كريم سند كال اني اجي اخذكم
يكولون مطيها لبيت ابو سعد اخو صديقتج شيرين
قمر : ايي ماما هوا هاذا
ام قمر: عيب خابري عله بيت خالتج باركي لساره و لخالتج
قمر : ايي ماما هسه
رحت لغرفتي صورت التمارين ودزيتهن للبنات وخابرت عله خالتي
ام مهيمن : الو
قمر : هلو خاله شلونج
ام مهيمن: هله حبيبتي شلونج
قمر : الحمدلله انتي شلونج
ام مهيمن: الحمدلله بخير
قمر : مبروك خاله خطوبه ساره
ام مهيمن: الله يبارك بيج حبيبتي نشالله يوم الألج و نفرح بيج
قمر : حبيبتي خاله بوجودج ساره موجوده احاجيها
ام مهيمن: اي عيني هسه اطيجياها
ساره يمه هاي قمر تحاجيج
ساره : اي ماما جايه
الو
قمر : هلو حياتي شلونج مبروك شايفه كل الخير
ساره: الله يبارك بيج حبيبتي نشالله يوم الالج
قمر: تسلمين حبيبتي
ساره : خالتي شلونها
قمر : زينه الحمدلله فرحتلج كلش
ساره : حبيبتي خالتي مشتاقتلها كلشش سلميلي عليها
قمر : الله يسلمج يوصل
ساره : قمور الله عليج عود تعالو بالكعده
قمر : ايي حبيبتي نشالله نجي
ساره : انتضركم
قمر : نشالله حبيبتي يله أخذي راحتج
ساره : الله وياج حبي
قمر : سديته وكعدت كملت واجباتي وراجعت امتحان احياء ونمت
نرجع لبيت شيرين :
شيرين: ماما صار لعشه
ام شيرين: بعد شويه اذا ما عندج شي تعالي ساعديني
شيرين: لا عيني عندي امتحان و واجبات كومه هاله هنا هيه تساعدج
ام شيرين: وينها هيه صيحيها
شيرين : اوك
رحت دكيت الباب العرسان عيني ممكن شويه
هاله : هاي اختي لجلبه كل منجي هنا تضل تكمز يمنه
احمد : روحي شوفيها وتعالي بس لتتأخرين
هاله : ماشي
فتحت الباب خير نعم شتردين
شيرين : بس اريد افتهم انتو مو جنتو بيتكم جايه هنا تشوفين اهلج لو تنامين
هاله : مو صوجج صوجي اني فتحتلج الباب معفتج مثل الجلبه ادكين
شيرين: دنجبي يله امي تريدج تساعديها بالعشه
هاله : وانتي شبيج يمه متساعديها انتي
شيرين: حبيبتي اني عندي امتحان كافي ممليتي دعوفي شويه بعد من تجين لجيبي وياج
هاله : انجبي ادب سزز ليسمعج اله اكول ل امي عليج
شيرين: ديلا عيني يلا انزلي ساعدي امي عوفي روميو وحده شويه أو اكلج مينزل يكعد يم أبويه مو عيب عليه كاعد بالغرفه
هاله : نازلين عيني بس روحي
شيرين : اوك بس خلي كونسيلر شي ركبتج مخازي
هاله : يا عزا بعينك احمد دروحي جيبيلي منج
شيرين: ماعندي مخلصه
هاله : كبر شكد جلف جيبي فونديشن
شيرين : اوك ماشي
رحت جبتلها
وينج مدام هاج
هاله : جيبي يله روحي
احمد شبيك هاي شمسوي مو كتلك لتخلي اثار عيب من اهلي
احمد : حبيبتي منتبهت
هاله : كوم انزل اكعد  يم أبويه وسعد عيب واني انزل اساعد امي
احمد : ماشي بس غطي ركبتج لتنزلين هيج
هاله : ايي راح اخفيها
احمد : اوكي
هاله : يلا روح
احمد : ماشي
هاله : خفيت الآثار ونزلت
ها ماما بشنو اساعدج
ام شيرين: بعد وكت عيني خلصت أخذي الماعين وديهن بره وصيحي اختج
هاله : اوكي
وديت الاكل عله السفره وصحت عله شيرين
شيرين شيرين شيرو وينج
شيرين : ها شكو
هاله : نزلي تعشي
شيرين : ما اريد عندي امتحان ما الحك
هاله : اصعدلج اني
شيرين : لا ما اريد
هاله : بكيفج
يمه شيرين متاكل عدها امتحان
ام شيرين: خل تنزل تاكل وتصعد
هاله : تكول مالحك
ام شيرين: خليلها عله صفحه فد شويه تجوع وتاكل
هاله : ماشي
سعد : وليش متنزل تاكل يا امتحان هاذا خل اكوم اشوفها شجاي تسوي كلبي ممرتاحلها هل ايام ٢٤ ساعه بغرفتها
ابو شيرين: احترم نفسك واكعد بمكانك هاله كالت عدها امتحان
سعد : يابه شبيك خل اتأكد خاف تجذب
ابو شيرين: اكعد بمكانك كتلك تريد تزوج بهاي عقليتك متستحي انته اكو واحد هيج يحجي اكعد واسكت يله ام شيرين جيبي اكل لبنيه اني اصعده الها
هاله : لا يأبه ارتاح اني اوديلها
ابو شيرين: لا بابه ارتاحي اني اريد اصعد الها
هاله : براحتك يابه
شيرين: كاعده أقره واندكت الباب
تفضل
ابو شيرين: ها بنيتي شجاي تسوين
شيرين: والله بابا عندي امتحان باجر وجاي أقره
ابو شيرين: الله يساعدج باباتي هاذا اكلج اكلي
شيرين: ماشي بابا تسلملي
ابو شيرين: محتاجه شي
شيرين: لا بابا سلامتك
ابو شيرين: يله كملي دراستج اني نازل اتعشه
شيرين: ماشي بابا
كملت دراستي و نزلت الصينيه للمطبخ
ابو شيرين: ها بابا كملتي
شيرين: اي بابا توني خلصت وراح ارجع انام
ام شيرين: باجر عندج شي وره المدرسه
شيرين : لا ليش
ام شيرين: حضري نفسج نروح للسوك نشتري ملابس
شيرين : اوكي
يله تصبحون على خير
الكل : وانتي بخير
الصبح
شيرين : كعدت وحضرت نفسي ورحت للمدرسه وتلاكيت ويه البنات
صباح الخير
البنات : صباح النور
شيرين: مهره شلون صرتي
مهره : الحمدلله احسن
شيرين: الحمدلله وانتي نيران مراحو خطاركم
نيران: لا والله
فجران : بنات اليوم ام العربي ممداومه
شيرين: صدك والله
فجران: ايي والله
قمر : يله صار وقت الاصطفاف خل اكوم ادك الجرص
شيرين: اهووو والله مابيه حيل
نيران: دمشي يله هيه ورانه ورانه
شيرين: افف امشي
اليوم اريد ارجع من وكت جاي نروح نشتري ملابس علمود خطوبه المسعد
فجران: كون تطلع عايقه وتلعب بي طوبه
نيران: ايي والله كون يصير عار ولو هوه عار
مهره : كافي اسكتو المديره اجت
البنات : تمام
شيرين: خلصنه اصطفاف والدرس الأول جان عربي شاغر ولعبنه طوبه ركصنه وغنينه ولعبنه وتعاركنه وقمر تريد تراجع ومنخليها والدرس الثاني جان عدنا امتحان احياء امتحنه وصارت لفرصه طلعنه بالساحه ضلينه نسولف ونشاقه وخلصت الفرصه وبالدرس الاخير تعبنه كلش
نيران : بربج قمر دكي الجرص تعبت كلش
قمر : بعد ١٠ دقايق
شيرين: ابوس ايدج راح انام فضيها
فجران: والله محد ينتبه بس يله
قمر : اوف منكم يله
ست صار وقت الجرص
المدرسه : ماشي نكمل درس لجاي
قمر : دكيت الجرص وطلعنه من المدرسه
شيرين: قمر اليوم اروح للسوك نشتري ملابس
قمر : اني قبل كم يوم وصيت فستان راح البسه
فجران: هنيالكم حترحون سوه بس احنا كاعدات بالبيت
نيران: لج عيني ايي اريد اروح وياهم
مهره : دمشو يله كافي سوالف راح تطلع المديره
شيرين: اوك بايي
البنات:  باي
شيرين : رجعت للبيت وسبحت وحضرت نفسي ورحنه للسوك اشترينه ملابس وعطورات واشكال ورجعنه للبيت ساعه ٧ ونص
صعد فوك نمت كعدت ب ١٠ اكلت وخابرت قمر اتفقنه تجي ويانه هيه وامها ورحت كلت الامي وباجر الصبح نطلع لسليمانيه انتضرونا ❤️.