الماء والنار

البارت الثامن عشر

شيرين : مرت الأيام عرفت انو اخويه سعد لزموا بتهمه مخدرات ويه الي خطفوني  وامي وضعها كلش اختلف ومخلت شي مسوته حته اطلع اخويه بس بعد تهمه مخدرات منو يطلعه أبويه تمرض وكلش تعب بس مراضي على اخويه وميحاول ويه امي يطلعه بالعكس هوا ضد امي واخويه واني عرسي خرب وتأجل أصلاً محد ديحجي بالموضوع

في بيت سند

ام مهيمن : والله متوقعنه كل هذا يطلع من سعد اطينا مره عبالنه رجال ويستاهل حرامات هذا من بيت الحجي
مهيمن : يوم عوفي الموضوع بعد لتحجون بي انسوا وساره اطلكها منه بأقرب وقت ترا هذا شغلته مو يوم ويومين اقل شي ينحكم ١٥ سنه شنو ذنب البنيه يضيع مستقبلها ويا
ام مهيمن : اي يمه بس شلون نفاتح العالم بالموضوع لتنسه بتهم مرت اخوك
مهيمن : يمه شيرين وسند معليهم ذوله وحد
ام مهيمن: زين شلون خاف شيرين هم تفصخ أو اهلها يجبروها
مهمين: يمه العالم يعرفون ابنهم شنو اكيد مراح يكطعون بقسمه بتهم علمود هذا الساقط وبتنه شنو ذنبها وأبو سعد خوش رجال اكيد مراح يقبل على ساره تنضلم ويه ابنه ومراح يسوي مثل متكولين
ام مهيمن: والله يا يمه مادري شكلك الله كريم ومستقبل بتنه اهم من كلشي واكيد سند اخوك هم رأيه نفس رأينه ومراح يبني سعادته على تعاسه أخته
مهيمن : طبعاً شحده يحجي غير حجي
ام مهيمن : هسه شوكت تحجون ويه ابو سعد
مهيمن : الله كريم خل يهدون شويه واني اروح لأبو سعد ويصير خير هوا بس عقد سيد يعني شغلته بسيطه
ام مهيمن : أن شاءالله خير مكروده هالبنيه ملحكت تفرح
مهيمن : كولي الحمدلله هسه عرفنا شنو هوا ولا صارت مرته ونحسب علينه رجال
ام مهيمن : اي والله الحمدلله
مهيمن : هيه شلونها شتكول
ام مهيمن: مكالت شي من سمعت بالسالفه لهسه بس ساكته كلشي محجت وعازله نفسها
مهمين : لتعوفوها هيج اكعدي يمها احجي وياها دزي عله خالتي و صديقاتها
ام مهيمن: خالتك هم خطيه بتها مدارس وامتحانات وين تكدر تجي
مهيمن : الله كريم اني صاعد الها
ساره: كاعده افكر شنو راح يصير وليش هيج سوه سعد بيه تعبت نفسيتي وقلق ما اكدر انام اندكت الباب مسحت دموعي وأخذت نفس
تفضل
مهيمن : شدسوي اميرتي ليش ما الج حس
ساره : تعبانه شويه
مهيمن : ما عاش الي يتعبج ويبجي عيونج الحلوه واني اخوج شبيج حبيبتي احجيلي اعتبريني صديقج مو انتي تكولين انته ابويه واخويه وصديقي وسندي احجيلي ولتستحين
ساره : صدك اخواني همه أبويه واخوتي وسندي كلش حنينين عليه شبكته وبجيت
مهيمن : عليش البجي يا بويه التردي يجرالج بس لتسوين هيج بروحج
ساره : متوقعت هيج يسوي بيه كسرني املني بحياة حلوه ورسملي احلام و وعدني يبقه وياي وميعوفني وميسوي شي يأذيني تاليها صدمني وطلع جذاب وارهابي
مهيمن : اخلقلج حياة حلوه انسي وكولي الحمدلله هسه بين هوه شنو ومتورطتي بي
ساره : اريد اطلك منه ماريده
مهيمن : اطلكج منه وعيونج بس اصبريلي هل يومين واعتبري نفسج اصلاً ممخطوبه وانسي هالموضوع وشيلي من بالج وارجعي نفس ما جنتي
ساره : الله ليحرمني منكم
مهيمن : امين بست رأسها وكمت
اني نازل لضلين حابسه روحج هنا انزلي جوه البيت مو حلو بلا حسج
ساره : ماشي
مهيمن : نزلت جوه يمه اني طالع
ام مهيمن : الله وياك
سند : اتصلت على مهيمن
الو
مهيمن : ها سند
سند : ها مهيمن شلونكم بالبيت ساره شلونها
مهيمن : ملتهين بيها وهيه تعبانه نفسيتهه هسه طلعت من يمها
سند : دير بالك عليها اني ماكدر احجي وياها من اجي اكعد يمها ونحجي انته دير بالك عليها و وصي امي هم
مهيمن : طبعاً بدون متوصي  انته شدسوي شيرين شلونها
سند : والله ملتهي ويه ابوها بشغله هذا الخايس محاجي وياها اريدها تهدأ
مهيمن : ماشي محتاج شي اني هاليومين انزل لبغداد
سند : سلامتك توصل بالسلامه
مهيمن : الله يسلمك

سند : حرت شسوي المفروض هسه شيرين بيتي وعايشين سوه لو ما دكت سعد اووف الله كريم يصير خير
رحت لبيتهم كعدت بالحديقة ونزلتلي شيرين
شكلها تعبان ومبينه ضايجه اجتي كعدت يمي
شلونج حبيبتي
شيرين : الحمدلله وانته
سند : على الله ليش ضايجه
شيرين : مضايجه بس الوضع بالبيت شويه موترني
سند : المفروض هسه انتي بيتي شنسوي الله كريم
شيرين : الله كريم خل تهده الأوضاع وماريد عرس لأن اهلي ميكدرون يسوون عرس علمود سعد
سند : حته اذا ازوجنه هسه بس تصفه الأمور اسويلج عرس
شيرين: ماكو داعي
سند : اني عاجبني اشوفج بالبدله البيضه اريد اشوفج اميره
شيرين : حضنته ونمت على كتفه
شم شعري وباس راسي ضليت نايمه على كتفه بدون ما احجي شي وهوه كذلك بس يتنفس بشعري
سند : نامت على كتفي شميت عطرها مادري ليش من اشم ريحتها ارتاح وانسى كلشي
سند : بس تهده الأمور احجي ويه ابوج اكله اريد اخذج لبيتنه انتي بعد صرتي مرتي
شيرين : الله كريم
سند : امشي نطلع شويه غيري جو
شيرين: ماكدر اعوف أمي أجلها
سند : ماشي حبيبتي لعد تنامين وترتاحين ماريد اشوفج هيج تعبانه
شيرين: صار
حضن وجهي بكفوف ايده وباس راسي
سند : راح اروح تردين شي
شيرين: سلامتك عمري
سند : عود اي شي يصير أو تردين شي خابريني
شيرين: ماشي حبيبي
سند : مع السلامه حبيبي
شيرين : الله وياك
شيرين: دخلت جوا وافكر يحجي سند ماكدر اعوف اهلي بهيج ضرف واروح واذا ضليت لشوكت سعد لا يوم ولا يومين سالفته صعدت نمت كلش تعبانه واهلي كلمن بصفحه محسيت غير عله الاذان صار المغرب كمت صليت ودعيت ربي يسهل امري ويعين اهلي سبحت ونزلت جوا نفس الشي الكل ساكت اكلت وصعدت ادرس لكيت سند دازلي
سند : شلون صرتي
شيرين: الحمدلله
طفيت التليفون وكعدت ادرس كملت اتصلت على سند حجينه لحد ما غفه هوا واني هم غفيت
كعدت الصبح غسلت وبدلت شربت حليب لكيت سند داز مسج
سند : صباح الخير اميرتي خلصتي
شيرين: صباح النور حياتي اي حبيبي
سند : اني بالباب
شيرين: ماشي حبيبي طالعه
طلعت لكيته واكف بالباب مد ايده اطيته ايدي حضنها بكفوف ايده ومشينه
شيرين: وين رايحين هاي السياره
سند: اريد نتمشى شويه حته تغيرين جو
شيرين: بتسمت ومشينه ضل يسولف ويشاقه وصلنه اسواق
سند : امشي ناخذ كم شغله
شيرين: فتنه وكالعاده يأخذ بدون ميسألني
اشترينه وطلعنه
شيرين: ذني منو راح ياكلهن كلهن؟
سند : انتي
شيرين: باوعتله بصدمه اني ؟
سند : اي انتي
شيرين: لا عفيه سند اصلاً استحي اشيلها وافوت للمدرسه عبالك رايحه سفره اطيني كم شغله وأخذ الباقي
سند : ماشي حبي براحتج راح اضمهن بالسيارة من ترجعين اخذيهم
شيرين : اكلهم انته
سند : حبيبي هاي سوالف زعاطيط شلي بيهم
شيرين : برطمت يعني اني زعطوطه
سند : لتبرطمين هيجج منا العالم وين اوديج هسه
شيرين : وديني للمدرسه
سند : اوف منج شالعه كلبي
شيرين: هاي اني
سند : لا امي يله كلهن اطلعهن منج الله كريم
شيرين: وصلنه المدرسه والمناكر ويه سند نساني كلشي
سند : يله فوتي 
شيرين: تمام  باي
سند : باي حبيبي
شيرين: دخلت المدرسه ومشه اليوم بسرعه بين الدروس وسوالف البنات واطونه جدول الامتحانات النهائيه رجعت للبيت ويه سند وصلني وكال راح اروح ويه ابوج علمود سعد راح واني فتت سبحت وصعدت نمت لأن اهلي كلهم مو بالبيت

لهنا ويخلص بارت اليوم اسفه على التاخير 🤍