الماء والنار

البارت الثالث عشر

اليوم الثاني

شيرين : كعدت الصبح من وكت حضرت نفسي دك عليه سند
سند : الو صباح الخير
شيرين: صباح النور
سند : كملتي
شيرين: اي مكمله ماعندي شي انته وين
سند : دقايق واوصلج
شيرين: تمام راح انزل جوه انتضرك
سند : ماشي
شيرين: يله انتضرك
سند : يله اوك
شيرين: سديت التليفون نزلت جوه شفت امي
ماما اليوم سند يجي عليه كولي لأبويه خل يخابر ابو الخط يكله ليجي عليه
ام شيرين: هسه اكله ديري بالج اطلعي قبل ليشوفج سعد ويسويلنه هوسه
شيرين: وليش يسوي هوسه ترا مثل ما هوه يروح ويجي عله ساره سند يجي عليه حالنه من حالهم وبعدين احنه مو وحدنه قمر ويانه
دك تليفوني هاذا سند يله اني رايحه
طلعت لكيت سند بالباب
سند : طلعت اباوع عليها لابسه صدريه رصاصي وعله طبيعتها وشكلها يخبل عبالك طفله
شيرين: صباح الخير
سند : صباح النور
شيرين: قمر وياك
سند : اي كاعده بالسياره
شيرين: يله امشي
سند : فتحتلها الباب يله صعدي
شيرين: فتحلي الباب صعدت وقمر كاعده ليوره صباح الخير يحلووو
قمر : صباح النور حياتي
سند : عصافير الحب وين تاكلون عيني
قمر : يا سند غرت اسفه والله
سند : عادي وين تردون تأكلون
شيرين: بكيفكم
قمر : اني هم عادي اي مكان
سند : احجوا لتستحون
شيرين: ممستحين مو انته عازمنه ودينه انته
سند : ما اندل هواي مطاعم هنا بس اكو واحد قريب من اجي اكل يمه نروحله
شيرين: اي
قمر : اي يله
شيرين: وصلنه للمطعم نزلنه الكعده جانت كلش حلوه نزلو فطائر وعصير الي ولقمر ولسند جاي اكلنه
سند : تردون شي بعد
شيرين: اني ما اريد شي بعد
قمر : اني هم
سند : راح اخذ كهوه تردون
شيرين: اي اريد
قمر : اني ماريد
شيرين: ليش
قمر : ماريد توني خلصت العصير
سند : ماشي اصعدوا بالسياره احاسب واجيب كهوه واجي
شيرين: تمام
طلعنه للسياره وسند ضل جوه
قمر : هيي تره والله يحبج حيل صيري ادميه
شيرين: ادري يحبني شسوي يعني
قمر : امداج تره كرايبنه كاتلات نفسهن عليه والف وحده تتمنا خلقه واخلاق وكامل مابي نقص شتردين بعد
شيرين : اسكتي اجه
قمر : وينه
شيرين: هيانه اجه
قمر : اوك
شيرين: فتح الباب اطاني الكهوه وراح صعد
سند : عدكم امتحان اليوم
شيرين: ايي
سند : يله مدرستكم منا مو
قمر : اي مره وصلتني
سند : ماشي
شيرين: وصلنه للمدرسه البنات واكفات بالباب منتضراتنه
سند : تردون شي
شيرين: لا سلامتك
سند : يله انزلن تردن اجي عليكم
شيرين: لا نرجع بالخط ويه صديقاتنه
سند : ماشي براحتكم بليل اجي عليج
شيرين: تمام هله بيك
سند : يله ديروا بالكم عله نفسكم
قمر وشيرين: باي
سند : باي
شيرين: نزلنه وصار الهجوم
البنات : لك هلههههه
نيران : هله بالدايحات هله بالعروس
فجران : حيوانات مشتاقتلجن
مهره : الجلبات حقيرات
قمر : لجن اختنكت
فجران: مشتاقتلجن والله ما اوخر اختنكي
مهره : لا عزه حيموتن خل يجرن نفس
نيران: هاذا الوصلكم سند
قمر : ايي
نيران: امداج كل هاذا الجمال والهيبه ومراضيه تبجين
شيرين: اويي دروحوا اني وين وانتوا وين
مهره : لج نجبي شبي ماشالله كامل
فجران: فدوه لله يخبل امداج شيرين لو منج ابوس اهلي واحد واحد عله هل اختيار
قمر : لجن ايي ويموت عليها وهيه صنم كلشي ماكو هسه كلها اجي اخذج من تكملين تكله لا ارجع بالخط
ويكلها اجي عليج باليل تكله ماشي هله بيك ومن نزلنه تكله باي
نيران: هاي تريد اطفره ومتعرف شلون
مهره : امشوا جوه صار وكت الجرس
قمر : جرسي جيبوا وينه منو أخذه
مهره : احنه جنه اندكه
شيرين: دمشوا يله
دخلنه للمدرسه قمر اخذت الجرس دكته و وكفنه بالاصطفاف وكالعاده رزايل من الصبح
شيرين: شكد ثولان مشايفه واحد يرزلو ويصفك
مهره : والله حبيبتي هاذا الوضع متعلمين عليه مو رحتي يومين رجعتي تفيكين علينه انجبي واسكتي
نيران: ديربالكم لينتبهون عليكم شيخلصكم
فجران : عاجبها تترزل خطيه مشتاقه للرزايل
قمر : اشش اسكتوا هسه نصعد بالصف واحجوا
شيرين: عزا تفتيش اضافر اليوم
مهره : ايي عيني
نيران : كوليلهم انتي عروس شنو هاي
فجران : والله لو مو عروس يكصوهن يكصوهن
شيرين: مشه السره والمدرسات واكفات يفتشن الاضافر وصل سرايه
المدرسه: هاي شنو ليش هيج اضافرج طويله وهاي شنو حواجبج ليش حافتهن مو كلنه ممنوع