الماء والنار

البارت السابع عشر

: بس اهدي بنتي شبيج
شيرين: عمو عادي ارتاح يمك شويه
: يي بنتي تفضلي
شيرين: دخلت جوه محتاره ماعرف شنو اسوي وشنو احجي وبالي يم ذاك الولد خاف مات وادخل السجن
: تفضلي يابه شربي مي
شيرين: شكراً عمو
: شتاكلين
شيرين: لتعب نفسك عمو مجوعانه
: مبينه تعبانه وصالج هواي مماكله كليلي شتاكلين
شيرين: اي شي عمو بس اريد استعمل تليفونك اذا متصير زحمه
: هاج بنتي اني بره من تحتاجين شي صيحيلي
شيرين: تسلم عمو
اخذت التليفون جنت حافظه رقم ابويه كتبته واتصلت عليه
ابو شيرين: الو
شيرين: بابا
ابو شيرين:بجي شيرين بابا انتي وين انتي زينه
شيرين: اشتاقيتلك بابا بابا تعبانه تعال اخذني
ابو شيرين: انتي وين منو يمج
شيرين: مادري جنت مخطوفه
ابو شيرين: بس كليلي وينج
شيرين: طلعت منهم ونهزمت وهسه اني بجامع بس ماعرف وين
ابو شيرين: ماكو احد يمج اسئلي دزي موقع لتخافين بنتي ديري بالج عله نفسج بين منوصلج
شيرين: اكو رجال راح اسئلهه
ابو شيرين : يله انتظرج تسالين راح ادز الرقم لسند يطي للمركز
شيرين : هسه اساله وارجع اخابرك.... طلعت
عمو شنو اسم المنطفه الي احنه بيها
: اسمها............... عمو انت شنو قصتج
شيرين: عمو والله اني ممسويه شي جنت مخطوفه
: شنو مخطوفه تعرفيهم
: لا
: زين يابه ارتاحي واكلي واذا تردين تحجين احجيلي
: شكراً عمو
: لعفوا يابه الاكل جوه فوتي اكلي
: ماشي عمو
شيرين: اكلت ودزيت الموقع واسم المنطقه لأبويه ومسحت المحادثه والمكالمه ورجعت التليفون دخلت للحمام سبحت وماعندي غير ملابس المدرسه رجعت بيهن وطلعت
: عمو ارقام جاي ادك يمكن عليج
شيرين: اي عمو شفت رقم ابويه ورقم ثاني عرفته سند متصلين كومه رجعت دكيت عله بابا
الو
سند: شيرين انتي زينه
: سند بابا وين
: موجود كليلي انتي زينه
: زينه بس خايفه يرجعون يلكوني
: لتخافين روحي انتي اني بالطريق مسافه الطريق و اوصل وابوج ويايه ضلي ويايه على الخط خاف يصير شي
: تمام
: هذا تليفون منو
: رجال بالجامع ابويه شلونه
: زين
: وانتَ
: والله ماكدر اصير زين قبل ما اشوفج كبالي واطمئن عليج
: لتتأخرون عليه حبابين خايفه كلش
: جايج ابويه انتي
سقت بأقصى سرعه بس اريد اوصل الها
:سند
: ها عيوني
: تعبانه راح انام
: نامي بس بقي التليفون يمج والخط مفتوح
: تمام
: غفت وابوها ماخذ التليفون ويقرالها قرأن وهيه غافيه على صوت ابوها
وره ساعتين
وصلنه للمكان نزلنه عفت السياره مشتغله وعفت كلشي بس اخذت مسدسي ونزلت ادك عله باب الجامع كل قوتي طلع رجال
: تفضلوا
: من رخصتك عمو دفعت الباب وطبيت اصيح بصوتي شيرين شيرين
شيرين: سمعت سند يصيح وصوت ابويه كمت بسرعه واني اصيح عله ابويه وسند شفت ابويه وركضت عليه حضنته وابجي وهوه يبجي باسني براسي ويبجي ويشهك واني اشهك
ابو شيرين : شلونج انتي زينه
شيرين : هسه صرت زينه بعد لتعوفني
ابو شيرين : صار يروح ابوج
شيرين : بتعدت عن ابويه وانداريت لسند شفته يبجي تجهت ناحيته متردده احضنه سحبني من ايدي واخذني لحضنه يبوس براسي ويشتم بيه ويبوس بوجهي وايدي ويكول ليش عفتيني
سند : حضنت وجهه براحه ايدي بعد ما طلعت كل الي بداخلي ونسيت الموجودين انتي زينه
شيرين : هزيت راسي واني ابجي بمعنى اي
سند:بستها براسها رجعت للرجال عمو اسف دخلت هيج بس جنت خايف عليها
: لا يابه حقكم
ابو شيرين: من رخصتك احنه نروح اسفين تعبناك ويانه
: وين رايحين ضلوا اتعشوا وناموا وباجر روحوا
ابو شيرين : تسلم متقصر بس والله مستعجلين
سند : يله من رخصتك عمي تصبح على خير اسفين مرة ثانيه
: هلا بيكم وانتوا بخير
شيرين : طلعنا صعدت ليورا قفلوا الباب ورجعنا للبيت وبالطريق حجيت الهم كلشي بالتفصيل اباوع على سند حمدت ربي عليه معافني ولهفته وخوفه عليه حسيت بقيمته وعرفت انوا اي شي يصير اكدر اعتمد عليه
بعد مرور ساعات
وصلنه
شيرين : نزلنه من السياره وابويه فات للبيت وهوه حاضني ويكول
اجت اميره البيت رجعت اميرتي
شيرين:اجت امي واختي يركضون حضنوني ويبجون جاي ندخل للبيت وانفتحت باب الحديقه دخلوا البنات يعيطون فرح اجوي سلموا عليه جنت مشتاقتلهم دخلنه كلنه للبيت كعدوا صعدت فوك رجعت سبحت وبدلت مشتاقه لغرفتي وغراضي نزلت جوه جانوا منجمعين كعدت يم ابويه صبوا اكل اكلنه
نيران: يله احنه نرجع ارتاحي وبعدين نحجي
شيرين: ضلوا مشتاقتلكم
مهره : والله واحنه مشتاقيلج بس ميصير ارتاحي ونجيج بعدين
شيرين: ماشي حبي على راحتكم
فجران : ديري بالج على نفسج
شيرين: وانتوا هم قمر ضلي ترحين ويه سند
قمر: تمام
شيرين : انتوا منو حيوصلكم لتروحون وحدكم
نيران : لا السايق بالباب
شيرين : ماشي ديروا بالكم على نفسكم
البنات:يله مع السلامه
شيرين : الله وياكم
دخلت شفت سند واكف عله صفحه مبتسم
قمر: اني جوه يم خاله 
شيرين :تمام كلبي شويه واجيج
تقدمت ناحيته وهوه اجه ابتسمتله
سند: شتاقيتلج وحضنتها
شيرين : حضنته واني اشتاقيتلك ضل يشتم شعري ويبوس براسي
سند: شيرين لتروحين بعد اني احبج
شيرين: رفعت راسي سند انته صدك سند انته سندي الله يخليك الي
سند: روحي انتي
شيرين: ضل يبوس بيدي
سند : مهيمن يريد يجي يحقق وياج
شيرين : احجيله انته مو انته تعرف كلشي
سند: ميصير حبيبي لازم انتي
شيرين: سند خاف الولد مات
سند: يطبه مرض
شيرين: واني اخاف ادخل سجن واصير مجرمه
سند : لتخافين حبيبتي ماخلي احد يطخج واني موجود
شيرين: شكراً هواي لان معفتني
سند: وخرت شعرها وشفت ركبتها مخرمشه
هاي شنو
شيرين :شنو
سند : ركبتج مخرمشه
شيرين : نزلت راسي وبجيت رفع راسي بيده
سند: احجيلي لتخافين شبيج
شيرين: مو كتلكم حاول يعتدي وضربته عليه وهاي اثار اصابيعه
سند: سوالج شي ثاني؟
شيرين: شي مثل شنو
سند: اي شي
شيرين: لا
سند: تمام
اتصل مهيمن
سند: ها مهيمن
مهيمن: جابوا سعد وهسه بالتوقيف
سند: ماشي جايك
شيرين: وين رايح
سند: حضنتها شغله صغيره وارجعلج حبيبتي بستها براسها وطلعت
شيرين: دخلت جوه ضل بالي يمه
قمر: ها كلبي
شيرين: ها حياتي تأخرت عليج
قمر: لا حبي تعالي سولفي شصار
شيرين: اتصلي على البنات خل همه هم يسمعون مابيه حيل ارجع اعيد
قمر: تمام
شيرين: جنت امشي بالشارع حسيت احد ورايه....................................................... ورجعنه للبيت
نيران: عزا لج هذا اخوج شكد صاقط
فجران: يي والله
مهره: الله ينتقم منهم انتي شنو ذنبج
قمر: حسبي الله ونعم الوكيل
.
.
.
.
.
نرجع لسند
دخلت للمركز ما اشوف كدامي دزيت عليه وكتلهم يعوفونه وحدنه جابوا اول مشفته نزلت بي ضرب اضرب واصيح ياجلب يا ساقط شسويت بالبنيه من وراك رادت تروح من ايدي يا فاشل لك انته عار لك رادوا يغتصبون اختك وانته ولا همك عايفها بديهم ومتقبل تكول وين مكانهم ورحت نهزمت وعفتنه كلنه بنار لك عااار ساقط الله ميخلصك مني اليوم
خنكته طبوا مهيمن وحسين فكوا مني
مهيمن: لك هده راح يموت
سند: خل يموت هاذا العار
حسين: كافي سند اهدئ مهيمن صيح الحرس ياخذوا
سند: دزيتلكم اسم المنطقه دورتوا لكيتوهم
حسين : دزينه اكثر من دوريه للمكان ولكوا البيت الجانت بي اكو احد مضروب وثاني دينهزم وكمشوا وجايبيهم بالطريق
سند وهوه يلهث: ماشي اول ميوصلون دزوا عليه
حسين: ماشي بس خل مهيمن ياخذ اقوال زوجتك
سند: ماشي
مهيمن : يله سند نروح
سند : يله صعدنه بالسياره اتصلت عله شيرين
شيرين: الو
سند : حبيبي تردين تحجين هسه لمهيمن لو تعبانه نخليها عله باجر
شيرين: تعالوا حبيبي عادي
سند : ماشي
شيرين : اجوي سند ومهيمن سند قميصه متخربط وشكله مو طبيعي
مهيمن : الحمدلله على السلامه
شيرين: الله يسلمك
دخلنه للاستقبال وحجيتله كلشي صار
مهيمن: تمام الحمدلله ع سلامتج مرة ثانيه واي شي تحتاجين اني موجود ولتخافين احنه كلنا وياج
شيرين: تسلم
مهيمن: الله يسلمج
شيرين: طلع مهيمن رحت لسند شبيك شو وضعك مو طبيعي وين جنت
سند: باس ايديها لتخافين ماكوشي ميهلي اعوفج واروح
شيرين: روحييي وحضنته
سند: يلا عيب مهيمن واكف اني اروح تصبحين ع خير وديري بالج ع نفسج
شيرين: وانت هم
سند: يلا باي
شيرين: باي

يتبع...............