قصة : ( فاقد الوعي ) ل سهيلة سعيد المنجي

الحلقة ٣ و ٤

قصة : { #فاقد_الوعي } 💔🩺

الحلقة الثالثة { ٣ } ⏳

ليان : طب م ترني عليا ي ذكية !
نور : م موبايلي هنا
ليان ب استغراب : وليه قالبة عليا الدنيا ، في ايه ؟!
نور : مش عارفة هتزعلي ولا مش هيفرقلك ، بس يوسف ف المستشفى ، دخل ف غيبوبة
ليان بفزع وهي بتقف : ايه انتي بتقولي اييييه !!
نور : والله ادم لسة قايلي
ليان وهي بتلف حوالين نفسها : احيه احيه ليه ، ازاي طيب !!
( تقلع البالطوا )
نور : مش عارفة والله ، بيقولي من امبارح بالليل ونقلوه المستشفى ، انتي رايحة فين ؟!
ليان : هروحله طبعاً
نور : انتي عارفة مستشفى ايه اصلاً ؟!
ليان ب انتباه : اة صحيح مستشفى ايه ؟
( بعد شوية ، توصل ليان المستشفى وبما إنها دكتورة ف يدخلوها ، تقرب ع العناية تلاقي الدكتور واقف مع الممرضة ، تقرب عليه )
ليان : دكتور
( يبصلها )
ليان : حالة يوسف ايه لو سمحت ؟
الدكتور : مين حضرتك ، تقربيله ؟!
ليان وهي بتوريله الكارنيه : انا دكتورة ليان ، صديقته
الدكتور : اة ، سكتة دماغية ادت لغيبوبة
( تتخض ليان وتبلع ريقها بالعافية )
ليان بصعوبة : كدة ، كدة فجأة ؟!
الدكتور : لا هو اكيد اتعرض لصدمة او زعل كبير ، لإن صحتة كويسة
( تترعب اكتر وتفهم إنها السبب )
ليان وهي بتحاول تحبس دموعها : طب ، طب ينفع اشوفه ؟
الدكتور : اة بما إنك طبيبة ، بس ياريت دقايق مش اكتر ، اكيد حضرتك فاهمة الوضع
ليان بفهم : ايوة ، ايوة فاهمة
الدكتور : اتفضلي
( تدخل ليان ، تشوف شكله وهو ع اجهزة كتير ، تتخض وتحط ايدها ع بؤها وتنزل دموعها ، تقرب عليه وتقعد ع ركبتها جنبه ف الأرض )
ليان بعياط : حقك عليا ، حقك عليا انا السبب ، انا السبب والله ، مكنتش عارفة إن رد فعلي هيعمل فيك كدة ، كنت وافقت والله كنت وافقت ، حقك عليا ي يوسف 😣
( تمسك ايده وتسند دماغها عليها وتنزل دموعها )
ليان : قوم وانا والله هوافق ، انا موافقة اتجوزك والله موافقة بس فوق
مامته وهي داخلة الأوضة : ومين قالك إننا هنوافق بجربوعة زيك ؟
( تتخض ليان وتقوم تقف ، تقرب الأم تقف قصادها )
ليان : طنط رندا ! 
الام ب يظ : تعرفي انا عاوزة اكلك بسناني دلوقتي ع الي عملتيه ف ابني ، عاوزة اكلكككك
ليان ب احراج : ي طنط انا ...................
الام وهي بتضربها بالقلم : انتي تخرسي خالص ، اخرسي وغوري من هنا ، بدل والله هرتكب جريمة فيكيييييي !
( تجري ليان ع برة وهي بتعيط تمشي ، تعدي الأيام ومازال يوسف ف غيبوبة ، وليان نفسيتها وحشة جداً لإنها حاسة بالزنب من ناحيته وحتى مش عارفة تروح تزوره خايفة من اهله لتعمل معاهم مشكلة )

*( بعد 4 شهور )*

( مفيش غير اي تغيير ، ف المستشفى ، ليان ف اوضة اللبس ، تغير هدومها وتلبس البالطو وتطلع م الأوضة ، تلاقي الكل مرتبك ، الي بيجري والي بيتكلمه ، تستغرب ، نور واقفة مع بنات ، تقرب عليهم ليان )
ليان ب استغراب : هو في ايه ؟!
نور : بيقوله شريك صاحب المستشفى جاي زيارة انهاردة ، ولو ملقاش كل حاجة تمام هيحصل مشاكل بينه وبين صاحب المستشفى
ليان بفهم : امممم ، طب م كل حاجة تمام ايه الجديد يعني ؟!
نور : علمي علمك ، بس بيقولوا بيدقق اوي عشان دة شريكه الجديد
ليان : اها ، طب مش هنشوف شغلنا ولا ايه ؟
نور : استني بس يطلعوا يخلصوا هنا عشان منتلبخش
ليان بتنهيدة : طيب
( يشوفوا من بعيد كذة راجل ماشي مع صاحب المستشفى وبيشرحلهم حاجات ، يبصولهم الدكاترة ، يشوفوا وسطيهم شاب ، تفضل بصاله ليان ، بشرته خمرية ، عيونه بين اللبني والرمادي ، شعره ويفي نازل ع جبينه ، طويل وعريض جسمه رياضي مظبوط ، لابس بنطلون كلاسيك رمادي وتيشيرت بولو ابيض وكوتشي ابيض ، ونضارة الشمس متعلقة ف التيشيرت ، يبص ناحيتها ، يلمحها بصاله ، تتحرج وترتبك وتبص ناحية البنات ، يبتسم ابتسامة خفيفة ف تبان غمزاته ويكمل كلامه مع الدكاترة )
عزة بهيام : مين القمر الي معاهم دااااااا !!
نور : معقول دة شريكهم الجديد !
ليان ب استغراب : اظن سنوا صغير ع كدة ، صح ؟!
نور : امممم ، بس باين عليه رايق اوي !
ليان وهي بتبصله : اها اوي !
( يقربوا عليهم )
علاء : دول بقا الفراشات بتوعنا
سلامة وهو بيبصلهم : اة
علاء : نور وعزة وليان
( يسلم عليهم )
علاء : دة ي بنات مستر سلامة ، شريكي الجديد
البنات : اهلاً وسهلاً
ليان ب ابتسامة : نورتنا
سلامة ب ابتسامة : منورة بيكم
علاء : هو كان مسافر ولسة راجع ، ومن انهاردة هيتابع كل حاجة معانا
نور : ب اذن الله
علاء : الساعة سبعة في اجتماع ، محدش ينسى وبلغوا زمايلكم
ليان : اوك
( يمشوا )
عزة : لا مش قادرة ، ايه القمر دة بجد !!
ليان : وايه الصوت دة ، سمعته صوته ؟!
نور بضحك : كأنه مذيع ف الراديو !
ليان : خد قلبي خلاص !
البنات : هههههه
( يعدي الوقت ، الكل ف اوضة الأجتماعات ، قاعدين البنات بيبصوا ف المرايات ويظبطوا هدومهم )
تامر ب استغراب : في ايه منك ليها ، انتوا قاعدين ف كوافير ؟!
عزة : وانت مالك انت ، دة ايه دة !
تامر : م ...................
( يدخل سلامة وعلاء ، يسكت الكل )
علاء : اتفضلوا اقعده
( يقعده ويترأس سلامة كرسي علاء وعلاء يقعد ع الكرسي الي ف وشه اخر الترابيزة )
علاء : خلينا ندخل ف الشغل ع طول ونشرح كل حاجة لمستر سلامة
الكل : تمام اوك
( يبدؤا يتكلمه ف الشغل والتفاصيل وكل دة ليان مراقبة تصرفات سلامة بكل هيام ومش هي لوحدها كل البنات الي ف المكان حتى الي متجوز والي مرتبط )
علاء ل سلامة : احنا كدة شرحنالك كل حاجة بالتفصيل ، فاضل بس دور العمليات فوق هتوريهولك دكتورة ليان 
( تتخض ليان وتبصلها كل البنات بحقد )
سلامة : تمام
علاء : ليان انتي طبعاً فاهمة هتعملي ايه
ليان بتوتر : اة اة !
علاء وهو بيقوم : تمام ، اجتماعنا خلص كدة ، كل واحد يروح يشوف شغله ، ليان هتاخدي مستر سلامة وتوريه دلوقتي
ليان : اوك
( يبدؤا يمشوا ، تقرب ليان ع سلامة )
ليان : اتفضل
( يقوم يمشي معاها وكل العيون عليهم ، يقربوا ع الأسانسير ويركبوا ، تضغط ليان ع رقم الدور ، سلامة يحط ايده ف جيبه ، برفانه قاتلها ، وشها يحمر ، تهوي ع وشها ، يبصلها ، تبص ف الملف الي ف ايدها بسرعة ، يرجع يبص قدامه ، يقف الأسانسير ، تطلع بسرعة مع طلوعه يتحشروا هما الأتنين عند الباب ، يبصوا لبعض ، تبلع ريقها )
سلامة وهو بيرجع ل ورا : ladies First
ليان ب ابتسامة احراج : معلش !
( تطلع وبعدين يطلع وراها ، يفضلوا ماشيين )
سلامة ب استغراب وهو بيبص حواليه : هو مش المفروض تعرفيني ع المكان برضو !
ليان ب انتباه : ايه اة اة ، دة الدور الي مخصص للعمليات بس
سلامة : تمام م انا عارف ، وبعدين ؟
ليان بتوتر : وبعدين اة ، مبيطلعش هنا غير دكاترة العمليات بس
سلامة بتريقة : ياااااه ، اضافة مهمة منك !
ليان ب ارتباك : اة ، وااااا ...................
سلامة وهو بيقف وبيحط ايده ف جيبه : متأكدة إنك شغالة ف المستشفى هنا ؟!
ليان : اة طبعاً
سلامة : بس م الواضح إن انا وانتي محتاجين حد يشرحلنا الدور دة في ايه !
ليان ب ابتسامة احراج : طبعاً شايفني غبية ، بس كل الحكاية إني اول مرة اطلع الدور دة ، لإني مش تخصص عمليات ، ف عشان كدة مش عارفة حاجة فيه ومستغربة دكتور علاء رشحني انا ليه مع إن في دكاترة كتير تفهم هنا اكتر مني !