قصة : ( فاقد الوعي ) ل سهيلة سعيد المنجي

الحلقة ١١ و ١٢

قصة : { #فاقد_الوعي } 💔🩺

الحلقة الحادية عشر { ١١ } ⏳

( يشيلها نفس الشيلة المرعبة ، يقع طبق الأكل ف الأرض )
ليان بصريخ وعياط : لا خلاااااص خلاص هاكله والله خلااااااص !!
( ينزلها )
ليان وهي بتبعد عنه بخوف : هاكل هاكل !
يونس : لميه
( تقرب بخوف توطي تلم العيش الي وقع وتحطه ف الطبق وهي منهارة م العياط )
يونس : كلي
( تبتدي تاكله وهي هتموت م القرف ، يقعد يونس ع الكرسي ب ارتياح ويبصلها )
يونس : بسرعة شوية
( تكمل اكل الساندوتش وتخلصه )
يونس : يلا الي بعده
( تتخض ليان دول ٣ ساندوتشات )
ليان : انا شبعت مش عاوزة تاني !
يونس : اكلك كله هيتاكل
ليان ب انفعال : مش هاكل تاني انت متقدرش تاكله عشان تأكلهولي !
يونس : كنا بناكل اكل م الزبالة ف الجيش ف عارف طعم الي بتاكليه وعارف الي ابشع منه كويس ، كلي
ليان بتماسك : مش هاكله ي يونس وكفياك بقااا بجد !
( يتنهد يونس بزهق )
يونس : كلي ي ليان احسنلك
ليان : بطل تهديداتك دي عشان انت متقدرش تعمل الي انت قلته دة عشان اخوك بيحبني !
( تحط الطبق ع الترابيزة ، يبتسم يونس )
يونس : لا ذكية ، انا فعلاً مقدرش المس حبيبة اخويا ، اة سوري ، اقصد الي كانت حبيبة اخويا ، يووووه نسيت ، اقصد اخويا الي بيموت ، ونسيت حاجة اهم ، حبيبة اخويا الي السبب ف موته ، لا اقدر اعمل فيها كل حاجة ، اقدر اقتلها كمان واقطع جثتها حتت واعبيها ف كياس زبالة وارمي كل كيس ف مكان مختلف ، دة اخويا بنفسه لما يفوق هيشكرني ع دة
( تبصله ليان بخوف ، يقوم يقف ويقرب عليها ، تتخض وترجع لورا )
يونس : كل الي عملته إني راعيت إن في بني ادمة هنا معايا وقلت الجوع كافر برضو ف أأكلك ، مع إن دة مش من طبعي ، لكن هتتمردي بقا وتتأمري دي اسمها قلة ادب ، وانا بصراحة بعشق قلة الأدب
( وفجأة ، يمسكها من دراعها ، تتخض وتشد ف ايدها وتصرخ )
ليان بخوف : خلاص والله خلاص هاكل اكلي سيبنييي !!
يونس : كان م الأول ، خلاص ي حلوة مش هنلعب احنا بقا
( يشدها عليه مرة واحدة تخبط فيه ، يشيلها ويطلع بيها برة )
ليان بصريخ : يونسسسسسس !
( ميردش ، تشوفها جليلة )
ليان وهي بتبصلها : الحقيني بالله عليكي الحقينييييي !
( متردش جليلة وتقف مكانها بخوف ، يطلع بيها ع فوق )
ليان بعياط وصريخ : سيبنييييييي !
( يدخل بيها اوضة ، تزق فيه وتنزل ، يقفل الباب ويلف يقلع البلوڤر ، تتخض ليان )
ليان بصريخ : متقربليييش !
( لسة هيقرب ، تضربه بالشلوت بس يمسك رجليها ، تتخض )
ليان : سيبني !
( يبتسم بخباثة )
ليان بخوف : يونس !
يونس : اسيبك ؟
ليان : ايوة
يونس : متأكدة ؟
( تتوتر ليان )
يونس : كملي بقا الي علمتهولك وطلعيه عليا
ليان : لا سيبني وانا مش هعمل حاحة طيب !
يونس : هعد لحد تلاتة ، لو متصرفتيش ، هتصرف انا ، واحد
( تتخض ليان )
يونس : اتنين
( تلف ليان عشان تضربه برجليها التانية ، يسيب رجليها الي ماسكها ويمسك التانية ويلفها بسرعة يوقعها ف الأرض ع وشها ، تتعور دماغها ، تنزل دموعها ، يقرب عليها ، يمسكها من رقبتها يرفع دماغها )
يونس بقرف : اوووه دم ، انا بقرف اوي م الدم !
( يسيبها ويقوم يقف )
يونس : سديتي نفسي !
( تحاول ليان تقوم متقدرش ، تقلب نفسها تبقا ع ضهرها )
يونس بقرف : متنزفيش ع الأرض لو سمحتي !
( تقوم ليان تقعد ساندة ضهرها ع السرير بتعب ، تحط ايدها ع وشها تلاقي الدم مغرقه ، تعيط ، يتنهد يونس )
يونس : شكلك هتحتاجي خياطة ، كان في ابرة وخيط ف الدرج هنا
( تتخض ليان ، يقرب ع الدرج يفتحه ويدور فيه ، يطلع ابرة وخيط بتوع هدوم )
يونس ب ابتسامة : لقيتهم
( يقرب بيهم عليها ، تحاول ليان تبعد ، يحط يونس الخيط ع الكوميدينوا ويلضم الأبرة ويشبكها ف بنطلونه ويلف عشان يجيبها يلاقيها بتخرج م الأوضة ، يتنهد ويروح وراها )
يونس : ليان ، ليان تعالي ي قلبي عشان الجرح ميتلوثش لازم يتخيط
ليان بخوف : ابعد عني !
يونس : انا خايف عليكي دة جزاتي ؟
ليان بعياط : مش عاوزة بس بقا ، بالله عليك باااااس !
يونس : صحيح خيراً تعمل ليان تلقى !
( تنزل ع تحت وهو مازال وراها )
يونس وهو بيمسكها من دراعها : مش هلف وراكي البيت كله انا !
ليان بخوف وهي بتزق فيه : سيبني بالله !
يونس بصوت عالي : رينكوووون
( يدخل رينكون )
رينكون : أؤمر ي باشا ؟
يونس : كتفها
( تتخض ليان ، يمسكها رينكون يكتفها )
ليان : يونس بالله عليك بلاش بلاش ، انا دكتورة انا هعملها لنفسي ، انا هعرف !
يونس وهو بيطلع الأبرة من بنطلونه : انتي تعبانة مش هتقدري
ليان ب انهيار : دة خيط وابرة بتوع هدووووم !
يونس : اة بس لونهم حلو اوي ، دول بينك ، انتوا البنات بتحبوا البينك
ليان بعياط : حرام عليك مينفعش تعمل كدة وانا حاسة !
يونس : اة صح ، فاتتني دي استني
( يمشي يدخل اوضة )
ليان ودموعها بتنزل : رينكون سيبني !
رينكون : مقدرش
ليان : بالله عليك دة مجنون وهيموتني ، سيبني
رينكون بقلة حيلة : انا اسف والله م اقدر ، دة يقتلني فيها !
ليان بعياط : ي رينكووون
( ميردش عليها ، يرجع يونس وف ايده حقنة بيملاها ، تبصله ليان ب استغراب )
يونس : جبتلك مخدر اهو
ليان بخوف : خليه يسيبني ي يونس بالله !
( يقرب عليها بالحقنة )
يونس : امسكها كويس
( يكتفها رينكون اكتر )
ليان بخضة : لااا لأ !!
( يونس يحط الحقنة ف دراعها )
ليان بوجع وصريخ : اااااه !
يونس : طب وربنا انتي بتستهبلي ، دة انا ايدي خفيفة !
ليان بتعب : ااااه !
( تحس عيونها زغللت وبدأت تقفل ، تحاول تقاوم بس متقدرش ، تقفل عيونها ، تفتحها تلاقي نفسها نايمة ع سرير ف اوضة ، تبص حواليها مفيش حد ، تقوم تقعد ، تحط ايدها ع دماغها )
ليان بوجع : اااااه !
( تلاقي فيه لازقة ، تفتكر الي حصل ، تقوم تجري تبص ف المراية تلاقي اللزقة محطوطة بطريقة كويسة ، تاخد نفسها ب ارتياح )
ليان بقلق : استر يارب ودماغي متضربش !
( تبدأ بطنها توجعها )
ليان بوجع : ااااه جعانة ، لا دة مش جوع انا اكيد اتسممت !
( تقرب ع باب الأوضة تفتحه بهدوء ، تلاقي يونس قاعد ع الكنبة برة ، تتخض وتقفل الباب بسرعة ، يبص ناحيتها )
ليان بوجع : ااااه ، مش قادرة !
( تلاقي الباب اتفتح مرة واحدة ، تتخض )
يونس : فوقتي ؟
ليان : لا لسة
يونس : بتستظرفي !
ليان وهي بتعد ع صوابعها : خاطفني ومأكلني اكل بايظ وضاربني ومعورني ومخيط دماغي بخيط هدوم بينك ومش عاوزني استظرف !
يونس ب اقتناع : لا فعلاً عندك حق
ليان بوجع : ااااه ، بطني بتتقطع !
يونس : ان .........................
( وفجأة ، ترجع عند رجله )
يونس بقرف : جليلاااااااا !!
( تدخل جليلة )
جليبة : ايوة ي بني ؟
يونس : نضفي القرف دة واعمليلها حاجة سخنة
جليلة : حاضر !
( يمسك ليان من دراعها بعنف ع برة )
ليان بتعب : موديني فين ؟!
( يدخلها التويليت )
يونس : متخرجيش من هنا إلا لما تخلصي القرف دة !
( يخرج ويقفل الباب وراه ، تقعد ليان بتعب ع طرف البانيوه )
ليان : ااااه !