طفله التميم

البارت الاخير💖

البارت التاسع والعشرون والأخير

تميم قرب وضربها بالقلم" عمرى ما اتخيلت انكِ تعملى كده وتنزلى نفسكِ للمستوى ده وتوصل بيكِ الجراءه انك تشوهى سُمعتكِ بس تعرفى العيب مش عليكِ العيب على صفيه هانم إللى قدرت تاخدك من خالتى وتربيكِ تربيه كلها غلط تربيتك الغلط هى إللى وصلتكِ لكده  وعلشان خالتى ليها مكانه كبيره عندى انا هسيبكِ ومش هعملكِ اى حاجه ومن بكره الصبح مش عاوز اشوف وشك فى البيت ده واياكِ تفكرى تيجى هناا امشى من وشى مش طايق اشوفكِ

شيرى مشيت من قدامه وهى بتعيط وتميم دخل الاوضة ووقع على الارض وانهار تماما

فرح بدأت تفتح عنيها وقامت مفزوعه اول ما افتكرت إللى حصل بصت حوليها لقت تميم قاعد فى زاويه فى الاوضة وضامم نفسه وبيعيط

فرح قامت وجريت عليه بخوف ورعب رفعت رأسهُ وكانت الدموع مغرقه وشه ولأول مره تشوفه بالحالة ديه قلبها اتقبض وبصتلهُ بخوف" م مالك حصلهُ حاجه يا تميم أنتَ أنتَ بتعيط كده ليه

تميم بدون مقدمات اترمى فى حضنها " انا غلطت غلطه كبيره يا فرح ومستحيل اسامح نفسى عليها انا شكيت فى صديق طفولتى ومصدقتهوش مقدرتش اعرف الحقيقه رغم انها كانت قدامى انا معرفتش اكون ابن كويس ولا صديق كويس يا فرح

فرح قومتهُ من على الأرض وقعدته على السرير وهى واخده فى حُضنها " لا يا تميم إللى حصل مش ذنبك....مش ذنبك انه والدتك طلعت مريضه بالشكل ده أنتَ مغلطش الموضوع كله سوء اختيار عمى معرفش يختار الشخص الصح إللى يشاركه حياته والنتيجة انتوا ....انتوا إللى دفعتوا التمن اما أنتَ فأ غلطك الوحيد هو انك صدقت الكلام إللى اتقالك من غير ما تتاكد كان المفروض يكون عندك ثقة اكبر فى صديقك بس انشالله مالك هيقوم وهيبقى كويس صدقنى وعلاقتكم هترجع زى الأول

تميم طلع من حضنها ومسح دموعه وهو بيبصلها بسخرية " وأنتِ فاكره انه مالك ممكن يسامحني بعد كل ده

ابتسامة هاديه اترسمت على وشها " مالك قلبه طيب يا تميم وهو بيحبك اووى صدقنى...
المهم دلوقتى انه نروح ونطمن عليه مينفعش نسيبهم بالشكل ده

اخد نفس وهز رأسه بهدوء " طيب قومى جهزى نفسكِ علشان نروحلهم

هزت رأسها بالموافقه وقامت جهزت نفسها وتميم اخدها وطلعوا ومعاهم رهف وغسان
__________________

- مش قولتلكِ يابت انى واخد عقلك

تولين التفت وبصتله بصدمه ممزوجه بفرحه وقربت وقفت جنبه وهى بتتكلم بخوف وقلق  " أنتَ أنتَ كويس انا هروح انادى الدكتور

ابتسم بتعب " اهدى انا كويس متخفيش

- طيب انا هروح اشوف الدكتور وارجعلك

تولين طلعت وبلغتهم انه فاق والدكتور دخل وفحصه وطمنهم عليه

مالك بمرح وهو واخد سوزان فى حضنه " يا ست الكُل منا كويس اهوو بتعيطى ليه

سوزان بدموع " خوفتنى عليك يابنى