🖤البارت الرابع عشر🖤
مالك وقف مصدوم وهو شايف تميم قاعد على ركبه قدام سوزان وماسك ايدها وهى قاعدة قدامه على الكرسى وحاطه ايدها على راسه، اتعصب ونزل تحت وتولين نِزلت وراه وهى مش فاهمه حاجه
مالك مسك دراع تميم وقومه وهو بيبصله بغضب"أنتَ ايه جابك هناا.
سوزان بهدوء"اهدأ يا مالك تميم جاى علشان يعزمنى على فرحه وعاوزنى اكون معاه هو وفرح فى اليوم ده.
مالك بغضب"ماما حضرتك مش هتروحى لمكان هو يقدر يكلم صفيه هانم ويطلب منها تكون معاه فى اليوم ده.
تميم كور ايده بغضب لمجرد ذكر اسم والدته وبص لمالك بغضب مكتوم
سوزان بصت لتميم بحب" لا يا مالك متنساش انه انا اللى ربيت تميم وكمان فرح ومينفعش اسيبهم فى يوم زى ده.
تميم ابتسم ونزل ايد مالك اللى ماسكه دراعه وقرب من سوزان وباس رأسها وهو بيبصلها بحب شكرًا يا امى واتمنه تقنعى مالك يجى النهاردة وبص لمالك وتابع بخبث"مهو مينفعش الاخ يسيب اخته فى يوم زى ده.
مالك كور ايده بغضب وهو بيبصله بنظرات حزن وعتاب
تميم لف وشه الناحيه التانيه وهو بيحاول يتجاهل نظرات مالك ليه، باس ايد سوزان واستاذن ومشى ومالك اتعصب وطلع اوضته
تولين بتساءل "ماما هو فى ايه ومين ده.
سوزان بحزن"بعدين يا بنتى هحكيلكِ دلوقتى اطلعى وشوفى مالك.
تولين هزت راسها وطِلعت فوق لقت مالك قاعد جنب السرير وكل حاجه فى الاوضة متكسره وعيونه حمراء وجواها دموع رافضه تنزل
تولين قعدت جنبه وحطت ايدها على كتفه وهى بتبصله بحزن وخوف من حالته "مالك هو ايه اللى حصل لكل ده؟
مالك بصلها ودموعه نزلت غصب عنه "هتتجوزه يا تولين، هتتجوزه بعد كل ده انا حبيتها اووى وطول السنين اللى فاتت ديه مقدرتش احب حد غيرها او ادى مكانها لحد، انا ربيتها على ايدى معقولة بالسهولة ديه هتروحله صدقينى انا مش هقدر اشوفها بتروح منى والصدفه والوجع الأكبر انها هتتجوز اقرب صديق ليا واللى بقاا دلوقتى اكبر اعد*ائى بسبب حاجه انا معملتهاش.
تولين قومته وقعدته على السرير وقعدت قُدامه على ركبها وهى بتبصله بدموع وحزن" بس أنتَ مينفعش تضعف دلوقتى يا مالك هو عاوز يكسرك وأنتَ بالحالة ديه بتخليه يفرح بِانتصاره عليك وبعدين الحب والنصيب مش بايدنا يا مالك واحنا ملناش سُلطه على قلوبنا أنتَ لازم تكون قوى عن كده وتقدر تقوم وتنساها وتثبِتلهُ انه ميفرقش معاك لانه لو عرف انه البنت ديه هى نقطة ضعفك وقتها هيحاول بكل الطرق يستفزك ويكسرك عن طريقها
تولين قامت وقعدت جنبه وكملت" كمان أنتَ لازم تروح الفرح النهاردة وصدقنى هو هيضايق اول ما هيشوفك، اما بخصوص الموضوع إللى خلى صديقك يبقه اكبر اعد*ائك فأ أنت لو متاكد انك معملتش حاجه فأ لازم تثبت للكل برائتك
مالك مسح دموعه وقرر يسمع كلام تولين قام ودخل الحمام وهى بصتله بحزن وخوف وبعد دقايق مالك طلع وهو ماسك الفوطه وبيمسح وشه
مالك بصلها وابتسم "أنتِ عندك حق تميم لو حس انه فرح نقطة ضعفى وقتها هيحاول ديما يضايقنى بيها علشان كده انا قررت اروح الفرح النهاردة واَقف جنب بنت عمى ومسبهاش.
تولين قامت وسقفت بأعجاب" برافوا يا حِلو أنتَ كده صح بس انا عاوزه اطلب مِنك طلب صغنن.
مالك بصلها باهتمام" طلب ايه.
تولين برجاء" عاوزه اروح معاكم الفرح.
مالك ابتسم وهز كتافه باستسلام" موافق
تولين فضلت تتنطنط بفرحه وهو فضل يضحك على جنانها
مالك بهدوء" انا هنزل اكلم ماما وأنتِ روحى على أوضتك وجهزى نفسك
تولين ضحكت بعفويه" ماشى
تولين طلعت ومالك نزل علشان يكلم مامته
____________________
تميم رجع البيت لقه عاصم واقف ومربع ايديه وبيبصله بغضب" روحتله علشان تكسره مش كده
تميم ابتسم وقعد قدامه ببرود" لا طبعنا انا روحت علشان اشوف ماما سوزان وادعيها على فرحى وكمان ادعى مالك هو برضوا ابن عم البنت إللى هتكون مراتى ولازم يكون حاضر
عاصم هز رأسه بيأس وسابه وطلع اوضته وهو مضايق
تميم التفت وضحك اول ما شاف غسان داخل
تميم قام وحضنه بفرحه " حبيبى حمدلله على السلامه
غسان بغيظ " بقااا عاوز تتجوز من غيرى يا حيو*ان.
تميم بضحك " انا اقدر اعمل كده.
غسان كان هيتكلم بس قاطعه دخول رهف
غسان بصلها بحب وهى بصتله بغضب ورجعت بصت لتميم" تميم اطلع كلم فرح عاوزه تتكلم معاك.
تميم " ماشى اقعد يا غسان وأنتِ يا رهف اطلعى ونادى بابا علشان يسلم على غسان.
رهف بغيظ" عيونى يا تميم
تميم طلع فوق وغسان قام ومسك ايد رهف " ممكن اعرف مبترُديش على مكالماتى ليه
رهف بغيظ" وانا ارد عليك ليه صحيح قولى اخبار العروسه ايه.
غسان بضحك " يقطعنى هو انا مقولتلكيش.
رهف بغيظ" لا يا خويا مقولتليش.
غسان بصلها وغمز" مهو خلاص بقاا مفيش عروسه هو انا اقدر اتجوز غيرك يا جميل.
رهف ضر*بته على صدره وسأبته ومشيت
غسان بضحك" لا انا شكلى هتعب معاكِ اووى الفترة الجايه
قال كده وقعد يلعب فى الفون بتاعه
_________________
تميم طلع اوضة فرح وخبط ودخل لقاها قاعده وبتفرك فى ايدها
تميم بهدوء" مالكِ يا فرح
فرح بخوف وتوتر" تميم انا ممكن اطلب منك طلب.
تميم بابتسامه" طبعنا اطلبى
فرح اخدت نفس عميق ووو....
#نهاية البارت الرابع عشر
#رواية
#طفلة_التميم 💖
رأيكم مهم 🖤وانتظرو البارت القادم 🖤
طيب ده البارت ال14 وال15 نزل قبله الصبح وده لانى حصلت لخبطه أثناء التنزيل❤🎶
أنت تقرأ
طفله التميم
Romantizmتميم كان قاعد بيشتغل ومركز فى الورق إللى قُدامه بس قاطع تركيزه صوت الموبيل اتنهد وفتح المكالمة وملامح الصدمة ظهرت على وشه والفون وقع من ايده اول ما سمع خبر وفاة والدته الدموع بدأت تتجمع فى عنيه وفضل يهز رأسه بعدم تصديق، أخد فونه وطلع بسرعة وبلغ عما...
