#Unicode#
ဒါတွေက Systemရဲ့အမှားမဟုတ်ဘူးဆိုတာ ပိုင်ကျီ သိပင်မဲ့ အနည်းငယ်တော့ ထိတ်လန့်နေသေးသည်။သူ ကျီကွေ့ချန် လက်မောင်းကိုကိုင်ပြီး တိုးတိုးလေးပြောလိုက်သည်
"တောင်းပန်ပါတယ်"
ကျီကွေ့ချန် သူ့ကို လျစ်လျူရှုထားပြီး
နောက်လာမည့်အတန်းအတွက် စာအုပ်တွေပြင်ဆင်နေသည်။
ပိုင်ကျီ စိတ်ပျက်သွားပြီး ကျီကွေ့ချန်ဆီက အိမ်စာစာအုပ်ကိုပြန်ယူကာ ခေါင်းငုံ့၍ အချိန်အကြာကြီး စိုက်ကြည့်နေလေသည်။ထိုစဥ် ရုတ်တရက် ပိုင်ကျီ့နောက်ဘက်မှ လက်တစ်ဖက်ဆန့်တန်းလာပြီး ပိုင်ကျီ့လက်ထဲရှိ စာအုပ်ကိုဆွဲယူသွားသည်။
ပိုင်ကျီ လန့်သွားပြီး "ဟေး!"
လော့လဲ့ ခါးသီးမျက်နှာဖြင့် သူ့နောက်တွင်ရပ်နေကာ သူ့ဘေးနားရှိ ကျောင်းအုပ်ဆရာကို လက်ညှိုးထိုးပြလာသည်။
အိမ်စာစာအုပ်ရှိ စာရွတ်တွေကို တစ်ရွက်ပြီးတစ်ရွက် လှန်ကြည့်ရင်း လျှိုကျုံးရဲ့ မျက်နှာသည် မည်းမှောင်လာတော့သည်။ထို့နောက် သိသိသာသာကို ဒေါသထွက်နေသောအသံဖြင့်ပြောလာသည်
"ဒါ ဘယ်သူလုပ်တာလဲ"
ပိုင်ကျီ မျက်တောင်ပုတ်ခတ်ပုတ်ခတ်လုပ်လိုက်ကာ ဆရာဘာကိုဆိုလိုသည်ကို နားမလည်လိုက်ပေ။
ထိုစဥ် သူ့နောက်ဘက်မှ ကျီကွေ့ချန်၏အသံထွက်ပေါ်လာသည်။ထိုင်ခုံကို ပြန်တွန်းလိုက်၍ မတ်တပ်ရပ်လိုက်ပြီး အလွန်တည်ငြိမ်သောလေသံဖြင့် ပြောလာသည်
"မတော်တဆ ဖြစ်သွားတာပါ"
လျိုကျောင်း ထိုစကားကိုကြားတော့ ပေါက်ကွဲတော့သည် "ကျောင်းသားတစ်ယောက်အနေနဲ့ ဒီဆရာက မင်းကို အမှတ်တွေအရမ်းကောင်းနေဖို့ မတောင်းဆိုပါဘူး၊ ဒါပေမယ့် မင်းမှာမှန်ကန်တဲ့ သဘောထားရှိရမယ်။မင်းရဲ့ အိမ်စာတွေကို မင်းဘယ်လိုသဘောထားနေတာလဲ။ မင်း-"
"သူ မလုပ်ဘူး!"
ပိုင်ကျီ အလျင်စလို ကြားဖြတ်ဝင်ပြောလိုက်ပြီး သူ့ထိုင်ခုံမှထကာ အနည်းငယ် စိုးရိမ်တကြီးဖြင့် "ကျွန်တော် လုပ်လိုက်တာပါ"
ESTÁS LEYENDO
ငါဗီလိန်ကြီးရဲ့Fan boyတစ်ယောက် ဖြစ်လာပြီ(MM Translation)
FantasíaTitle: 我成了反派脑残粉[快穿] Eng Title: I become a fanboy of Villain Burmese title:( ငါဗီလိန္ႀကီးရဲ႕Fan boy တစ္ေယာက္ျဖစ္လာၿပီ) Author: 不著一字 (Zawgyi +Unicode) #this is not my own story #just translation #credit to Author Stated Date: (6.7.2021)
