#Unicode#
ကျီကွေ့ချန် မေးလိုက်သည့်အသံက နားမလည်နိုင်သော ထူးဆန်းသည့်အငွေ့သက်တစ်ချို့ဖြင့် သူ့နားထဲသို့တိုးဝင်လာကြသည်။ ပိုင်ကျီ သူ့နှုတ်ခမ်းတွေကိုကိုက်လိုက်ပြီး မျက်လုံးထောင့်ကနေ တိတ်တိတ်လေး လှမ်းကြည့်လိုက်သည်:
"ငါလုပ်မှာက"
သူပြောပြီးသည်နှင့် ပိုင်ကျီ့နှာခေါင်းကို လှမ်းကိုက်လာသည်။ ပိုင်ကျီမျက်လုံးပြူးကျယ်သွားကာ သူ့နှာခေါင်းထိပ်လေးကို လက်ဖြင့်ထိကြည့်လိုက်ပြီး ကျီကွေ့ချန်ကို ယောင်ယောင်အအလေး ငေးကြည့်နေတော့တယ်။
ပိုင်ကျီ့ပုံလေးကိုမြင်လိုက်ရတော့ ကျီကွေ့ချန် မနေနိုင်စွာပဲ ခပ်ဖွဖွရယ်မိလိုက်သည်။ မူလက အေးစက်မှုအချို့ရှိခဲ့သော သူ့မျက်နှာမှာ ယခုအခိုက်အတန့်တွင် သက်ဝင်လှုပ်ရှားလာပြီး သူမျက်လုံးများသည်လည်း ငယ်ရွယ်တက်ကြွမှုတို့ဖြင့် ပြည့်နှက်နေတော့သည်။
ပိုင်ကျီ သူ့မျက်နှာကိုထိကိုင်နေရင်း ရပ်တန့်မိသွားကာ ကျီကွေ့ချန်၏ ထိုပုံရိပ်ကို ပါးစပ်လေးဟပြီး စိုက်ကြည့်နေတော့သည်။
"အရူးလေး မင်းရဲ့လက်တွေ့ဆီအာရုံပြန်စိုက်" ကျီကွေ့ချန် အခုထက်ထိမှင်သက်နေဆဲဖြစ်သော တစ်စုံတစ်ယောက်အား ကြည့်ကာ ကူကယ်ရာမဲ့စွာ ပြောလာသည်
"အခုထိအတန်းချိန် အာရုံမစိုက်ဘူးဆို ငါမင်းကိုနမ်းလိုက်မှာနော်"
"Ok!"
ပိုင်ကျီ ပျော်ရွှင်စွာပင် ရှေ့သို့ကိုင်းပေးလိုက်ပြီး လက်တစ်ဖက်က သူ့ပါးလေးကိုပုပ်ပြလိုက်ရင်း "ဒီကိုနမ်း ဒီကိုနမ်း"
ထိုသို့တုန့်ပြန်မှုကြောင့် ကျီကွေ့ချန် ထိတ်လန့်သွားရကာ စကားထပ်မပြောခင်အနည်းငယ်တုန့်ဆိုင်းသွားရသည်
"...ဒါက အပြစ်ပေးတာလေ၊ နားလည်ရဲ့လား?"
"အပြစ်ပေးတာ?" ပိုင်ကျီသေချာစဥ်းစားလိုက်သည် "ဒါဆို ဒီလိုအပြစ်ပေးတာကိုလိုချင်တယ်"
“အဲ့လိုမဟုတ်-” ဒီကိစ္စကို သေချာပြန်မရှင်းပြနိုင်လောက်ဟု ကျီကွေ့ချန် ခံစားရလိုက်ရတယ်။ အပြစ်ပေးတယ်ဆိုတာ ကောင်းတဲ့ကိစ္စမမှန်း ပိုင်ကျီ့ကို ရှင်းပြဖို့ နေ့တစ်ဝက်လောက်သေချာစဥ်းစားနေချိန်မှာပဲ အတန်းထဲမှ အလွန်ကျယ်လောင်သောအသံထွက်ပေါ်လာတော့သည်။
ČTEŠ
ငါဗီလိန်ကြီးရဲ့Fan boyတစ်ယောက် ဖြစ်လာပြီ(MM Translation)
FantasyTitle: 我成了反派脑残粉[快穿] Eng Title: I become a fanboy of Villain Burmese title:( ငါဗီလိန္ႀကီးရဲ႕Fan boy တစ္ေယာက္ျဖစ္လာၿပီ) Author: 不著一字 (Zawgyi +Unicode) #this is not my own story #just translation #credit to Author Stated Date: (6.7.2021)
