[Unicode]
//လေးနက်ပြီးရိုးသားတဲ့ ဒီခံစားချက်တွေက ချစ်မြတ်နိုးရတဲ့သူနဲ့ပဲ ဖြစ်တည်လာရတဲ့အရာတွေပါပင်//
ပိုင်ကျီမှာဆန္ဒကြီးကြီးမားမားမရှိတဲ့အပြင် ရှိတာနဲ့ ရောင့်ရဲကျေနပ်တတ်သူလဲဖြစ်၏။ ကျီကွေ့ချန်နဲ့မဆုံသေးခင်ကဆို စားစရာနဲ့သောက်စရာရေရှိရင်ပဲ အလွန်အမင်းပျော်ရွှင်နေတတ်လေသည်။ ကျီကွေ့ချန်နဲ့တွေ့ပြီးနောက်မှာတော့ ပိုင်ကျီအတွက်ပျော်ရွှင်မှုဆိုတာ ပိုလို့ပင်လွယ်ကူသွားခဲ့သေးသည်။ သူ့ဘေးမှာ ကျီကွေ့ချန်ရှိနေပေးပြီး သူနဲ့စကားပြောနေရုံလေး လက်လေးကိုင်ထားရုံလေးနဲ့တင် နတ်ဆိုးလေးရဲ့နှလုံးသားထဲမှာ မီးရှူးမီးပန်းတွေဖောက်နေသလိုပင်ခံစားနေခဲ့ရ၏။
"ဒါပေမယ့် ကိုယ်ဒီညတော့မင်းနဲ့အတူ အိမ်ပြန်လို့မရဘူး"
ပျော်ရွှင်နေတဲ့ ပိုင်ကျီလေးတစ်ယောက် ဒီစကားကြားတော့ ဝေခွဲမရစွာခေါင်းမော့ကြည့်လာသည်။
ကျီကွေ့ချန်သူ့လက်ကိုလွှတ်လိုက်ရင်း သူ့ကိုကြည့်လာသည် "ဒီနေ့အတွက်လုပ်စရာလေးရှိသေးတယ်။ ဒီနေရာကနေပဲ လမ်းခွဲသွားကြတာပေါ့"
ပိုင်ကျီ့နှုတ်ခမ်းတွေမသိမသာလှုပ်ရှားသွားခဲ့ပြီး အခုလေးတင် ပျော်ရွှင်နေသေးတဲ့သူ့ခံစားချက်လေးတွေအစရှာမရအောင်ပျောက်ကွယ်သွားတော့သည်။ ပိုင်ကျီခေါင်းငုံ့ထားပြီး အတော်တန်ကြာမှ အသံတိုးတိုးလေးဖြင့်ပြောလာ၏။
"မင်း မင်းအလုပ်များနေတာပဲ"
ကျောင်းဆင်းသွားတော့ ကျီကွေ့ချန်တကယ်ပဲအရင်ထွက်သွားတော့တယ်။ ပိုင်ကျီသက်ပြင်းချမိလိုက်ရင်း သူ့ရှေ့ကကျောက်တုံးလေးကိုကန်ထုတ်လိုက်၏။
"ဦးလေး ကျွန်တော်ကစိတ်အနှောက်အယှက်ဖြစ်စရာပဲလို့ ကျီကွေ့ချန်ထင်နေတာများလား"
"သူကဘာလို့ အဲ့လိုထင်ရမှာလဲ"
ပိုင်ကျီ နှေးကွေးစွာပြန်ဖြေလာသည်
"အဲ့ဒီ့ မျန်ဆိုလား ဘာလားမသိတဲ့ကောင်မလေးကဲ့ ရည်းစားစာကိုကျွန်တော်လက်ခံမိလိုက်တာလေ။ ကျီကွေ့ချန် ကျွန်တော့်ကိုနားလည်မှုလွဲသွားတယ်ထင်တယ်"
ESTÁS LEYENDO
ငါဗီလိန်ကြီးရဲ့Fan boyတစ်ယောက် ဖြစ်လာပြီ(MM Translation)
FantasíaTitle: 我成了反派脑残粉[快穿] Eng Title: I become a fanboy of Villain Burmese title:( ငါဗီလိန္ႀကီးရဲ႕Fan boy တစ္ေယာက္ျဖစ္လာၿပီ) Author: 不著一字 (Zawgyi +Unicode) #this is not my own story #just translation #credit to Author Stated Date: (6.7.2021)
