القصه واللي كان..

"٢" اسمها ع قلبه...

#القصه_واللي_كان💔.
_part: 2
ــــــــــــــــــــــــــــــــــــــــــــــــــــــــــــــــــــــــــــــــــــــ
_وكان لماضيه دور كبير فـ تجسيد خطايا حاضره...
******************************************
وضعت سعاد اخر طبق طعام ع الطاوله الكبيره..
ثم هتفت وهي تتجه للمطبخ: يلا ي مرزوقه ودي طبق الفراخ ده وروحي قولي للحج ان الغدا جهز..
مرزوقه وهي تنفذ ما امرتها به سعاد: حاضر ي ست الناس..

_ذهبت سعاد وفتحت باب غرفة ابنتها لتجدها تجلس ع هاتفها ومندمجه به..
سعاد بتنهيده غاضبه: وانا اللي فاكراكي بتذاكري، طيب قومي ساعديني فتجهيز الغدا..
نور بملل: عندك مرزوقه وسالي فكك مني بقي..
سعاد بحده : ملكيش دعوه بسالي هي مش هتدخل المطبخ تاني غير بعد امتحانتها عشان هي فأخر سنه وفطب هاا ي بتاعت تجاره، وبعدين اخلصي يلا غيري هدومك وتعالي عشان خالد ويحي هيتغدو معانا..
نهضت الاخري عن فراشها بحماس: خالد جه بره..
سعاد وهي تشير لها باصبعها بتحزير: نور اياكي تحتكي بخالد قدام ابوكي..
نور باعتراض: ولي بقي ي ست ماما، هو مش خطيبي؟!..
سعاد بحزن: لا مش خطيبك ي نور انتي بتوهمي نفسك بكدا، ابوكي طلب منه تبقي كل حاجه رسمي وهو رفض يبقي مش عايزك متوهميش نفسك بيه عشان قلبك ميوجعكيش ي قلب امك ويلا غيري هدومك وتعالي اتغدي..
_ دلفت سعاد للخارج تاركه خلفها ابنتها وحيدتها ودموعها تنهمر ع وجهها بألم من حديث والدتها..

_ بعد مده من الوقت..
ـــــــــــــــــــــــــــــــ
_كان الجميع يجلس ع مائدة الطعام..
مندور بجديه وهو يشير ليحي وخالد: اسمعو انتو الاتنين الغدا هيبقي كل يوم هنا يعني لو وراكم اي هنتجمع ع الغدا ده اساسي وانت ي يحي ده خلاص بقي بيتك واللي قاعدين معاك دول اهل بيتك فاهمني..
يحي بهدوء: فاهم ي حج من غير متقول..
نظر مندور لذلك الذي يعبث بطبقه دون ان يتناول اي شئ واردف بحده: لو زعلان اووي هجيبهملك هنا واعمل اللي عايزه رغم ان ملوش لازمه انت وقفتك قدامه وانك مخوفتش منه ده عندي كبير ي ابن اختي..
خالد بتنهيده: بس معرفتش احميك ي خالي و...
مندور بصرامه: وانا للدرجه دي عاجز، اسمع ي خالد اللي حصل تنسااه وخلصنا خلاص فأفرد خلقتك دي..
نهض خالد واردف بضيق: حاضر هروح انا ارتاح شويه..
تابع وهو يشير ليحي: وابقي قول للباشا يجي يقعد معايا عشان مش راضي وعايز يقعد فأوضة السطوح..
يحي بهدوء: كبر دماغك ي خالد انا مرتاح فوق وبعدين عشان تاخد راحتك فشقتك..
مندور بجديه: اخر كلام فالموضوع ده هتقعد مع خالد لحد متدفعلي مقدم الشقه اللي قدامها واقعد لوحدك عشان انا مبسكنش حد عندي كده وخلاص او ببلاش..
خالد بابتسامه جانبيه: حصل ده انا اللي ابن اخته بيدفعني ايجار..
_ضحك جميعهم وغادر خالد للخارج وهو يشير بعينااه لتلك التي ترمقه بغضب بأن تلحقه دون ان يلاحظ احد..
نور بتوتر: اا انا طالعه اقعد فوق شويه ابقي حصليني ي سالي..
سعاد بضيق فهي تعلم الي اين تذهب ابنتها: براحتك ي نور..
_ذهبت الاخري للاعلي..
مندور وهو يذهب لغرفته: مش عايز شاي ي سعاد اعملي ليحي وانا هريح ساعه وانزل الورشه تحت..
سعاد بأيماء: عينيا ي حج..
يخي وهو يذهب للخارج: طيب هستاءذن انا..
سعاد: طالع السطوح ي يحي..
يحي بهدوء: ايوه..
سعاد: طيب ي بني هبعتلك الشاي وراك..