⟨ Unicode Version ⟩
• Me, Myself & Bad Romance •
အပိုင်း ၁၂
" တောင်းပန်ပါတယ် တီတီ ~~ "
သီချင်းသံသဲ့သဲ့ပျံ့လွှင့်နေတဲ့ ကော်ဖီဆိုင်ခန်းငယ်လေးထဲ သူ့အသံက တိုးတိုးလျလျ။ စိတ်ခိုင်လွန်းတဲ့တီတီကတော့ သူ့ကိုမျက်ဝန်းနီနီနဲ့ ကြည့်သည်။ သူ တီတီနဲ့ မတွေ့ရတာ လေးနှစ်ကျော် ငါးနှစ်နီးပါးပင်။
" ... ပိန်ကျသွားလိုက်တာ ကလေးရယ် ..."
သူပြောတာကို မမှုဘဲ ရီဝေနေတဲ့မျက်ဝန်းတွေက ညှိုးငယ်စွာကြည့်ကာ သူ့လက်ကိုဖမ်းဆွဲဆုပ်ကိုင်လာသည်။
" ... မင်းအဖေလိုမျိုး သိပ်အသည်းမာတာပဲ သားသားရယ် ... တစ်ယောက်တည်း အများကြီးပင်ပန်းနေခဲ့မှာ ..."
သူ့လက်ကနေတစ်ဆင့် သူ့ပါးပြင်လေးကို ပွတ်သပ်ပြောတော့ သူမျက်ရည်လည်လာမိသည်။ သူ တီတီ့ကို အထင်လွဲနေခဲ့သည်မှာ အချိန်တစ်ခုအထိ ကြာမြင့်နေခဲ့ပြီဖြစ်သည်။ သူ့မွေးမိဘတွေ သေဆုံးရခြင်းအကြောင်းရင်းက တီတီ့ကြောင့်လို့ သူထင်ထားခဲ့ပေမယ့် သိပ်မကြာသေးခင်က သိလိုက်ရတဲ့အမှန်တရားကြောင့် သူ အမှားတွေ လုပ်မိခဲ့ပြီဆိုတာ နားလည်လိုက်ရသည်။
" .. တီ တီ .. တီတီ သားသားကို မမုန်းဘူးလားဟင် ..."
ခေါင်းငုံ့ကာမေးမိတော့ တီတီက သူ့လက်တွေက သူ့ကိုဖျစ်ညှစ်လာသည်။
" .. ဘယ်လိုလုပ် မုန်းရက်မလဲ သားသားရယ် တီတီ မင်းကို တီတီ့သားလေးတစ်ယောက်လိုချစ်တာကို ... တီတီ အမြဲစိုးရိမ်နေခဲ့ရတာ ... "
တီတီ့စကားကြောင့် သူမျက်ရည်လည်လာတော့ တီတီက သူ့ကျောကို ပုတ်ကာ နှစ်သိမ့်ပေးသည်။
" ..... လက်ထပ်ထားတယ်ဆို ... ဘာဖြစ်လို့ ဖိတ်စာလေးတောင် မပို့လာရတာလဲ ... သားသားမှာ မိသားစုရှိတယ်လေ .. သားသားမှာ တီတီရော သားကိုကိုရော အစ်ကိုထယ်ဟျောင်းရော ရှိတယ်လေ .. "
" ... "
" ပြီးတော့ သားကိုကိုနဲ့သား ... မခေါ်မပြောတော့ဘဲ ဆက်ဆံရေးကို အဆုံးသတ်တော့မှာလား ... "
YOU ARE READING
Me, Myself & Bad Romance【Completed】
Fanfiction" For me , all i need is me, myself and Jungkook. " - Kim Seok Jin • This is a Jinkook Story •
