⟨ Unicode Version ⟩
[ Me, Myself & TharThar]
Me, Myself = Seok Jin
" တော်လိုက်တော့ ဂျွန်ဂျောင်ကု!!!! "
ဟိန်းထွက်သွားတဲ့အော်သံအဆုံး ငါးနှစ်သားလေးရဲ့ မျက်ဝန်းက ဝိုင်းစက်ကြည်လဲ့လာကာ ပြိုတော့မယ့် မိုးအသွင်ဖြင့် အသနားခံသည်။
" တားတားကို တိုတို အော်လိုက်တာယား "
** သားသားကို ကိုကို အော်လိုက်တာယား **
မပီ့တပီအသံသေးသေးက ထွက်လာတော့ ဆော့ဂျင်မျက်ဝန်းတွေ အေးခဲကာ စိုက်ကြည့်မိသည်။
" .. သားသားရေ! တီတီ ပြန်ရောက်ပြီ !! ဆော့ဂျင်!! သားသား "
တစ်ယောက်မျက်နှာတစ်ယောက် ကြည့်နေဆဲအခိုက်အတန့်မှာပဲ အရှေ့ကနေ မာမီ့အော်သံကြားတာနဲ့ အသနားခံနေပုံရတဲ့သားသားမျက်နှာ ရုတ်ချည်းပြောင်းကာ မတရားခံနေရတဲ့အနေအထားဖြစ်ပြီး ချက်ချင်း စားပွဲဝိုင်းကနေ ပြေးထွက်သွားသညိ။ လုံးတုံးတုံးနဲ့ ပြေးထွက်သွားတဲ့ သားသားနောက်ကို ရင်တမမနဲ့ လိုက်လာသူက ကင်ဆော့ဂျင်ဆိုတဲ့ကိုကို။
" တီတီ!! အူဝါးးးးး !! တီတီ !!! ကိုကို သားသားကို အနိုင်ကျင့်နေတယ် !! တီတီ!! ကိုကို သားသားကို ~~ ဟင့် ~~ တီတီ!! "
အားကိုးတကြီး အပြေးသွားကာ ဆီးကြိုလာတဲ့ တီတီ့ကို ဖက်တွယ်ရင်း တိုင်တန်းမိတော့ ကိုကိုက သားသားကို မျက်မှောင်ကြုတ်ကာ ခါးထောက်ကြည့်သည်။ ဘာကိုမှ သေသေချာချာမသိသေးတဲ့တီတီကတော့ ငိုချင်ယောင်ဆောင်ဖို့ ကြိုးစားနေတဲ့သားသားကို ပွတ်သပ်ချော့မြူသည်။
ငိုချင်ယောင်ဆောင်နေတယ်ဆိုပေမယ့် သားသားရဲ့မျက်ဝန်းဝိုင်းဝိုင်းတွေကတော့ နီရဲစိုစွတ်နေပြီဖြစ်သည်။
" ဆော့ဂျင် သားသားကို ဘာလုပ်လိုက်ပြန်ပြီလဲ ပြော "
ဆော့ဂျင်ပြောပြရင်လည်း အဆူခံရမယ့်သူက ဆော့ဂျင်ကိုယ်တိုင်ပဲမို့ ဘာမှ မပြောဘဲ ပေတေတေနဲ့ မာမီ့ရင်ခွင်ထဲက သားသားကို စိုက်ကြည့်သည်။ မာမီ့ကို ဖက်တွယ်ပြီး တိုင်တန်းဖို့ ပြင်ဆင်နေတဲ့ငါးနှစ်သားလေးဟာ လက်ချောင်းလုံးလုံးတွေကို သူ့ဘက်ညွှန်ကာ မျက်နှာကို ဖွက်ပြီး စကားတွေ စတင်ရေရွတ်လာတော့သည်။
YOU ARE READING
Me, Myself & Bad Romance【Completed】
Fanfiction" For me , all i need is me, myself and Jungkook. " - Kim Seok Jin • This is a Jinkook Story •
