⟨ Unicode Version ⟩
Me, Myself & Bad Romance
- EP 01 -
“ .... နောင်နှစ်အနည်းငယ်အတွင်း ယောင်္ကျားလေးများ ကိုယ်ဝန်ဆောင်နိုင်ဖို့ အမှန်တကယ်ဖြစ်လာတော့မှာဟု တောင်ကိုးရီးယားထိပ်တန်းဆရာဝန်များမှ သုံးသပ်ခဲ့ကြပါတယ် .... ရှေ့ဆက်ပြီး ... ”
တီဗွီမှာ လာနေတဲ့သတင်းကိုကြည့်နေရင်း လက်ထဲက ရေခဲမုန့်ကို ခူးခပ်စားလိုက်တဲ့ ကလေးငယ်လေး။ ဘေးနားမှာတော့ သူ့ထက်၅နှစ်ငယ်တဲ့၅နှစ်သားလေးကလည်း သူ့လိုပင် ရေခဲမုန့်ကို တစ်ဇွန်းချင်းစီ စားနေသည်။ သို့ပေမယ့် နားတွေကတော့ သတင်းကို နားထောင်နေတာမို့ ဘာတွေကြေညာနေလဲဆိုတာ နှစ်ယောက်လုံး သေချာကြားပါသည်။
“ ... မဖြစ်နိုင်တဲ့သတင်းတွေ ကြေညာနေတာပဲ ... ”
သူ ရေရွတ်ရင်း ဘေးနားက သူ့ထက်အငယ်ကို ကြည့်လိုက်မိသည်။
" ဂုဂီ! မင်းကော ... ယောင်္ကျားလေးတွေ ကလေးမွေးနိုင်တယ်လို့ ထင်လား ..."
၅နှစ်အရွယ်ကလေးကတော့ သူ့မေးခွန်းကြောင့် သူ့ကို မော့ကြည့်လာသည်။
" ... အင်း!! ဖြစ်နိုင်တယ်လို့ထင်တယ် ... တီတီကဖြစ်နိုင်တယ်လို့ပြောတယ် ... ဘာဖြစ်လို့လဲ... ကိုကိုက ကလေးလေးလိုချင်တာလား ... ဒါဆိုရင် သားသား ကြီးလာကျရင် ကိုကို့အတွက် သားသားနဲ့တူတဲ့ကလေးလေးမွေးပေးမယ်လေ ... သားသားလေးရော မီးမီးလေးရော မွေးပေးမယ်!! "
ဘာမှ နားမလည်သည်မို့ အစ်ကိုဖြစ်သူ စိတ်ချမ်းသာအောင် ဖြေလိုက်ပုံပေါ်သည်။ သို့ပေမယ့် ၅နှစ်အရွယ်ကလေးငယ်လေးရဲ့စကားကြောင့် တစ်ဖက်က ၁၀နှစ်သားလေး ပြုံးလိုက်မိသည်။
" ... မင်းစကားနဲ့ မင်းနော် ... အဲ့ဒီ့အချိန်ရောက်မှ ထွက်ပြေးရင် ငါမင်းကို တစ်သက်လုံးပြန်မခေါ်ဘူးမှတ် "
" ဟာ ~~ ကိုကိုကလည်း သားသားအပေါ်ကို အဲ့လိုမလုပ်ရဘူးနော် ... သားသားမှာ ကိုကိုကလွဲရင် ဘယ်သူမှ မရှိတာမို့လို့ သားသားကို မခေါ်တာမျိုး မလုပ်ရဘူးနော် "
YOU ARE READING
Me, Myself & Bad Romance【Completed】
Fanfic" For me , all i need is me, myself and Jungkook. " - Kim Seok Jin • This is a Jinkook Story •
