الحقيقه الكاذبه

الجريمه

(و اول لما وصل لبيت رامي لقاه مقفول فبسرعه عان المسدس و سأل واحد في الشارع من اهل الحي )
عصام : لو سمحت
الراجل : اتفضل
عصام : هم الناس الي سكنين هنا فين
الراجل : ااه اقصدك الأستاذ رامي
عصام : ايوه
الراجل : ده سافر هو ومراته
عصام : سافروا فين و هيرجعوا امتى
الراجل: هيسافروا الريف و هيرجعوا بعد شهر
( مشي عصام و ساب الراجل و روح بيته و كان تفكيره ازاي يقتل رامي حتى لو هيدخل السجن و الكره و الحقد ملا طيبه قلبه و بقى اسود من الليل و تاني يوم راح رامي عند سالم )
سالم : خير يا ابني مالك
عصام : انا خلاص قررت
سالم : قررت ايه
عصام : انا هقتله
سالم بدهشه : بتقول ايه يا مجنون
عصام : انت هتستعبط مانت كمان عايز تقتله متعملش فيها طيب و اهبل
سالم : انت بتقول ايه اكيد انت مش في وعيك
عصام : لا يا راجل مش انت كنت برده الي كان بيحب حنان بس مردتش تقول لحد و انا اتاكدت من ده لما قلتلك اني بحبها كانت نظرات عيونك و ملامحك بتدل انك كنت عايز تقتلني و حاليا الي اتغير ان الي اتجوزته يبقى رامي ،، اقدر اقول دلوقتي انت معايا و لا تحب تموت ؟
سالم : معاك يا صاحبي بس احنا هنعمل ايه
عصام : متخفش انا عندي خطه
سالم : ابدع يا فنان
عصام : اول لما رامي يرجع من السفر علطول انا هدخل البيت و هستخبه و اول لما رامي يبقى لوحده ههجم عليه و اقتله
سالم : طيب و انا هعمل ايه
عصام : هبقا اقولك بعدين
( بعد ما رامي و حنان رجعوا من السفر )
رامي : شيلي انتي الشنطه دي دخليها و انا هشيل الشنطه دي
حنان : استنه
( رفعت حنان الشنطتين )
رامي : انتي بتعملى ايه
حنان : بشوف مين الأخف علشان اشلها و علا فكره بقا انت كنت مديني الشنطه التقيله
(ضحك رامي و طلعوا هما الإتنين لبيتهم بس جه اتصال لرامي )
رامي : تمام يا فندم هاجي حالا سلام
حنان : في ايه
رامي : عيزني في الشغل ضروري
حنان : انت هتمشي دلوقتي
رامي : ايوه معلش
حنان بإبتسامه : ترجع بالسلامه
( حضنها رامي )
رامي : خلي بالك من نفسك هنا
حنان : يعني هي اول مره
رامي : على رأيك بس انا قلبي مش متطمأن
حنان بضحك : قوله يطمن
( راح رامي الشغل و بعد اقل من ٣ دقايق اتسلل عصام لبيت رامي من الشباك و دخل اوضه النوم و لما حس ان في حد جاي استخبه و را الباب و اول لما حنان فتحت الباب ضربها عصام بالسكينه علشان كان مفكرها رامي ، وقعت حنان على الأرض و من صدمه عصام شلها علشان يوديها المستشفى و شال حديده في ايده علشان يحمي نفسه لو رامي جه بس اول لما نزل من على السلم حنان و قعت منه و في نفس اللحظه رامي دخل البيت

                 ********************