الحقيقه الكاذبه

بلا صديق

"صحيت تاني يوم على رامي و هو بيرمي عليا مايه بارده "
يوسف: في ايه
رامي :يالا اصحا
يوسف : هي الساعه كام
رامي ٤:٠٠
يوسف :طيب خليني انام شويه
رامي :لو مصحتش دلوقتي هرمي عليك الجردل كله
يوسف :يييييوه
"قمت و لبست هدموم رياضيه "
رامي :يلا بسرعه
يوسف :حاضر
"نزلنا نجري في الشارع كان المكان سكت بكم ده طبيعي الساعه ٤ الصبح "
رامي :اجري بسرعه اكتر
يوسف : انا معرفش ايه الي خلاني اجي معاك كان زماني قاعد معزز مكرم في بيت عمي
رامي :خليك في الي انت فيك دلوقتي و اتكلم بعدين
"كملنا جري و لما روحنا كان جسمي اتكسر بجد "
رامي :هاه حسيت بنشاط
يوسف :انا حاسس اني هموت
رامي بضحك :طب روح استحمى
"طلعت استحمى و نزلت لقيت رامي عمل الأكل،كلنا سوا و بعدها وصلني للمدرسه وزي ما حصل في اليوم الي قبله كلهم هانوني بشويه كلمات و اضايقت و جه و قت الغدا سبت الكل و رحت اتغدى مع نفسي
بصراحه كنت حاسس بالوحده كنت شايف كل الطلاب بياكلوا في مجموعات حتى بسنت و احمد كانوا بيكلوا مع بعض "
طارق :اليتيم بياكل
يوسف :عايز ايه من يا طارق
طارق :انا حر في الي انا عايزه
"و حط الأكل بتاعه على بتاعي و حط عليه مايه و عصير و طلع موبيله و بدأ يصور "
طارق :كل يا فقير انت مش هتاكل اكل حلو زي ده كل يوم
"انا اتعصبت و ضربته بس للأسف شافني الأستاذ و اخدني على مكتب المدير و اخدت انذار، خلص اليوم بعد عناء طويل خرجت من المرسه بس ملقتش رامي مستنيني و جالي رساله  على تلفوني "
رامي :معلش يا يوسف روح انت لوحدك النهارده علشان انا عندي شغل كاير و مش هعرف اجي البيت النهارده هتلاقي الأكل في التلاجه و في فلوس في غرفتي خدها لو حبيت تشتري حاجه
"فجأه لقيت طارق سحب التليفون من ايدي و رماه على الأرض و داس عليه "
طارق :انت مفكر اني هفوتلك الضربه الي ضربتهالي
"كان في عيال اكبر مني جنبه و بدأوا كلهم يضربوني و انا مقدرتش ادافع عن نفسي "
طارق :سلام يا يتيم
"مهتمتش بالضرب الي انضربته ان اهتميت ان اكتر شخص كنت  بعتبره صديق المفضل هو الي ضربني "

"شافني احمد من بعيد و اداني مندايل و جبلي تليفوني "
احمد : معلش تليفونك اتكسر بس مش اوي
"اخدت منه التليفون و جيرت بسرعه و انا بعيط بعيط على الصاحبي الي كنت بحبه و بعيط على نفسي على سوء اختياري للاصدقاء في الوقت ده انا حسيت بالندم الشديد و قلبي وجعني اوي "