الحقيقه الكاذبه

التنمر

"صحيت من النوم على ريحه اكل الريحه كانت حلوه قمت بسرعه غسلت وشي و نزلت "
رامي :صحيت في وقتك تعالى كل بسرعه علشان تروح المدرسه
يوسف :هو انا هروح المدرسه النهارده
رامي :ده اكيد لازم تعرف يا يوسف ان بدايه معرفتك للحقيقه و انتقامك هو تعليمك
يوسف :خلاص خلاص انا هروح المدرسه
"بدأنا اكل و فجأه الدموع نزلت من عيني من غير ما احس "
رامي :خير في ايه ليه بتعيط
يوسف :لا مفيش بس افتكرت اكل بابا بس بصراحه انت بتعرف تطبخ
رامي :ده اكيد يابني انا قلتلك اني عايش لوحدي من فتره طويله اكيد بعرف اطبخ
"الضحكه طلعت مني طلقائيا من غير ماحس "
رامي :ايوه بقى اضحك و فكك
يوسف :قول لنفسك
رامي :تصدق اني استحق الضرب بالجزم علشان حكيتلك قصتي
"ضحكنا احنا الي الإتنين مع بعض و لما خلصت اكل طلعت غيرت هدومي و رامي وصلني للمدرسه "
رامي :خلي بالك من نفسك انت هتسمع النهارده كلام كتير هيضيقك متسمحش للكلام ده يأثر فيك
يوسف :متقلقش حتى لو حد ضايقني انا و طارق صحبي مش هنسيبه
رامي : لا اله الا الله
يوسف :محمد رسول الله
"دخلت المدرسه و لقيت طارق زميلي من بعيد ناديت عليه بس هو مردش فكرته مسمعنيش فرحتله لقيته بيتجنبني و معرفتش اكلمه و لما دخلنا الفصل رحت اقعد جمبه بس هو زعقني علي الأرض "
طارق :انت بتعمل ايه
يوسف : انت الي بتعمل ايه انت من الصبح و انت بتتجنبني هو انا عملتلك حاجه و حشه
طارق :حد قالك قبل كده اني مبكلمش ايتام روح شوفلك حده تانيه تقعد فيها
يوسف :انت بتقول ايه ده مكاني و مش اليتيم ده بردو الي كنت بتمشي وراه زي الكلب
"طارق ضربني ووشي نزف وفي واحد شدي و قعدني في كرسي ورا جنب واتنين احمد و بسنت انا من صدمتي بكيت من الم الضربه الي طارق ضربهالى و زعلي على نفسي لأني كنت معتبرو افضل صديق ليا "
طارق:بتعيط اجبلك مامي من التربه علشان تطبطب عليك يا حبيب مامي
"الفصل كل ضحك ماعدا احمد و بسنت احمد اداني منديل "
بسنت :البقاء لله هما عند حد افضل سيبك منهم هما دايما كدا هتتعود زينا بمرور الوقت
"سكت و معملتش اي ردت فعل اه احمد و بسنت 
الإتنين دول ماسلموش من التنمر من اول يوم ليهم في المدرسه ده لانهم افقر ناس في المدرسه صحيح انا مكنتش بتنمر عليهم بس بردو مكنتش بدافع عنهم و حاليا هما الي واقفين جنبي دلوقتي انا قديت طول اليوم لوحدي كنت بتجنب اني اقابل اي حد حتى  بسنت و احمد مكنتش بكلمهم اليوم مر عليا كأنه سنه كنت مستني بفارغ الصبر ان اليوم يخلص و امشي من هنا المكان بقى مختلف عن زمان كنت زمان الطالب المتفوق الي اي حد يتمنى يصاحبه بس حاليا انا الطالب الي الكل بستعر منه و بيتنمر عليه كل ده علشان بقيت يتيم و معنديش فلوس "