الحقيقه الكاذبه

التدريب

"اليوم عد ببطئ و خرجت من المدرسه لقيت رامي مستنيني بالعربيه قدام المدرسه "
رامي :خير حد ضايقك
يوسف :مين يستجرى يضايقني
طارق : يا يتيم يا فقيييير
يوسف :مش بيكلمني انا بيكلم حد تاني
"رامي حضني و دموعي نزلت سيول من غير ما احس "
رامي :متزعلش ده لازم يحصل بس انت حاول انك متخلهمش يتمادوا في اذيك الي يضربك اضربو و الي يشتمك اشتمو و الي يعيرك عايره لازم تخلي شخصيتك قويه ولازم تعرف انك بقيت و حيد بين وحوش
يوسف :ده صعب اوي اني اكون لوحدي ضد مجموعه كبيره انا مش هقدر اني اكمل
رامي : لا هتقدر لازم تقدر متخليش حد يحبطك
يوسف : هحاول بس انت خليك جنبي
رامي :اكيد انا معاك انت وي ابني اركب العربيه علشان تروح تاكل و انا عايز اوريك حاجه
"ركبت العربيه و روحنا و اكلنا سوا "
رامي : تعالى انا عايز اوريك حاجه
"رامي خدني لبيت صغير بالنسبه لبيته و قريب منه"
يوسف : ايه ده انت هتخليني اعيش لوحدي
رامي :افتح بس الباب
"فتحت الباب و لقيت اجهزه رياضيه كتير "
رامي :انت لازم تدرب في سن صغير علشان تتعود و انت كبير
يوسف :هي الأجهزه فخمه و كل حاجه بس هو انا لازم اتدرب
رامي :مش تتدرب بس لازم تذاكر و تطلع الأول دايما لأني زي ما قلتلك بدايه انتقامك هو اجتهادك
يوسف :بس ده صعب اوي
رامي :كل لما تحس انه صعب افتكر الحجات الوحشه الي ممكن تحصلك لو مدربتش
يوسف :هحاول
"اتدربت لمده ساعتين تدريب شاق جدا وكنت كل لما استسلم افتكر ان حق بابا و ماما مش هيرجع فبقوم بسرعه بفتكر لحظاتي السعيده مع طارق و ازاي بقى يتنمر عليا فبتبقى عزيمتي تقوى بعد ما خلصنا تدريب روحنا البيت و طلعت علشان انام "
رامي :انت رايح فين
يوسف : انام
رامي :انت ذاكرت
يوسف : لا
رامي :هات كتبك و انا هذاكر معاك
يوسف : بس انا تعبان مش قادر
رامي : هات الكتب و تعالى من غير تناقش
"قالها بنبره حاده طلعت بسرعه اجيب كتبي و نزلت اذاكر معاه و بعد ما خلصت "
يوسف :واخيرا خلصنا اطلع انام دلوقتي
رامي : اتفضل تصبح على خير اه قبل ما انسى انت هتصحى بكرا الساعه ٤
يوسف : ليه
رامي :علشان تتدرب الصبح بدري و تبقى نشيط
يوسف : تصدق اني ندمان علشان جيت معاك
رامي :شكرا نام بدري علشان تعرف تصحى بدري
"سبته و طلعت انام و اول ما حطيت راسي على المخده نمت بسرعه من شده الإرهاق "