وتين سكتت : اني بنمشي للسيارة نجيب حاجة نلبسها ونجي طلعت لقت
ماتين مقعمز عالركاب قدام الباب الحوش يشبح للسماء وواضح انه يفكر اول مفتحاته تلفتلها
وتين جت بتمشي بس
ماتين: عفوا تقدري تقعمزي شويي نبيك
وتين : شني تبيني
ملتين: غر تعالي قعمزي
قعمزت جنبه في الركابة ( تعرفوها شن هيا الركابة زليزة زي الدرجة قدام حوش كلهم في فراندا السانيا كانت كبيييرة في كنشيلوو كبير في بداية السانية باقيته تلقي الحياش وكان حوش حناهم في الوسط
قعمزو
ماتين: اني من مبكري ادور وراي اسالة قصدي كيف بنت هكي نلقاها في الليل تلود بالسيارة وجاية من منطقة بعيد الواضح ومعاها خوها الصغير وهي صغيره اصلا في الشك عندها حتى رخصة قصدي وين اهلك معندكش حد شن طلعك باهي من منطقتك اصلا وكيف تسوقي تراك فرخة تشكلك 15 16 سنة كيف ادوري بس نبي نفهم قصتك اني
وتين: اول شيء اني معمريش 15 16 اني مسكرة 18 وخاشة 19 عمري 19 سنة
ماتين مصدوم شكلها ميعطيش انها كبيرة بكل
وتين بتكمل تتكلم بس قطعها
ماتين: بالله عليك متكدبيش منحبش الانسان الكذاب اني
وتين: باهي كان قلت منقدرش نقولك احسن من اني نكذب عليك
ماتين: وعلااش متقدريش
وتين : منقدرش منقدرش
ماتين: قصدي من اي ناحية شن هو السبب الي يخليك انك تسكتي
وتين: علاش انت هكي مضايق من الموضوع هلبا وتفكر فيه هلبااا
ماتين: بالله حتى عندك خو صغير اعتبريني خوك الكبير صديق بو شن تبي بس تبي مساعدة معاك وراسك احكيليلي نحس فيك غامضة هلبا وفي وراك قصص هلبا ياريت تحكيلي وكان تبي تقعدي عندنا تقدري تقعدي تسكني مع حناي اعتبرينى كلنا عيلتك حنوقفو معاك بس انت احيكلنا باش نعرفو كيف نساعدوك
وتين بدت تبكي وتشهق : انتم خلوني في حالي وبس اني هادي حياتي لو قررتو تساعدوني حتنضرو ياسر اني ضريت هلبا ناس منبيكمش تنضرو حتى انتم خلاص لهني وبس اني قلت انه من اليوم حيكون كل شيء مختلف بالله عليكم اليوم واهو بتت وهو قريب يصبح الليل وليا يومين مرقدتش ونمشو ولا كان صارت حاجة ولا كان جتكم بنت زي مجيت في ثواني خشيت انسوني في الثواني هادوم
ماتين في خاطره هلبا كلام مش قادر يقوله خاطره يقولها انك في الثواني هادوم خشيتي القلب عمركم سمعتو بحب سريع هكي هذا الحب او النصيب تقدرو تقولو كان خاطره يقولها اعطيني حملك والي مضايقك وكل شيء اني في الثواني هادوم الي تقولي عليهم ثواني اني حبيتك فيهم توا وين صدقت انه في حب من اول نظرة صح كيف تبيني ننساك في ثواني تكيف بعد مخشيت القلب انتي خشيتي قلب عمره مضعف لبنت ولا عمره حب بنت ولا عمره فكر في العلاقات والحب كان دايما معنداش في المواضيع هادي كلها نهائي كيف بس خليتيني نحبك في ثواني بس كيف بس مقدرش يقول حتى كلمة من هذوك في الاخير بروحها قالتها ثواني لكن هو كان خاطره يقول خذا لكلام بس مش مستوعب مزال كان خاطره يقول كلام بس هو مش عارف شن هوا
وتين: وين مشيت
ماتين:ءءء لهدرجة يعني علاش بتلحقيلنا الضرر
وتين: رد بالك تحاول تساعدني لانك حتندم وحتنضر خلاص ساد الي نضرو بسببي الي نحبهم كلهم انضرو بسببي على قد متقدر تباعد عليا ابعدلانك حتنضر اني عمره محد تقرب مني ومنضرش ف بالله خلوني الليلة وبعدها انسوني وشكرا وبارك الله فيكم ومعروفكم مش حننساه والي تبوه اني فيه اني خطر عليك وعلى الكل ( كانت تقول في كل كلمة بوجع وكسر وتزيد تبكي ) فارجووووك محد يكون قريب
مني زي مكنت وحيدة خلوني نكمل حياتي وحيدة
ماتين وجعاته هلبااا : لهدرجة لهدرجة
وتين: لهدرجة واكتر
ماتين: لكن اني مستحيل نسيبك
وتين:😳
ماتين: انت احكيلي واني حنكون معاك
وتين: سامحنا منقدرش وناضيت مشت للسيارة
ماتين : تاستني قعد يلحق فيها
وتين قعدت تبكي وتتكلم : بالله عليك خليني بالله عليك وربي حتنضر معاي رد بالكم تساعدوني حتندمو اني ضريت هلبا ناس اني حاجة مش كويسة متخلينيش نضركم حتى انتم بالله
ماتين يسكت فيها
ماتين: اشش اشش خلاص معاش تبكي دموعك تمو كل شيء ليه حل قوليلي بس من انتي
وتين: بعد منعرفش حتى اسمك اني
ماتين: اسمعي تقدري تقعدي عندنا الفترة هادي كلها خير من انك تاجري حوش تقعدي بروحك انت وخوك تقدري تسكني مع حناي حناي متقول شيء
وتين: منقدرىش اني منبيش نقعد حمل على حد اني وكان سكنت بروحي مش حيصيرلي شيء
ماتين: البلاد توا معاش امان جديدة عالمنطقة وتسكني بروحك يسمعو بيك خصوصي كان عندك فلوس تمتلك حتى لو مقدروكش حيكون خوك في خطر حيخطفو ويطلبو فدية ومرات تكون مش قدها الفدية انت تعرضي في حياتك للخطر ومش حياتك بس حياة حتى خوك في فرق لما تبدي بروحك في فرق لما يكون معاك حد
وتين: عارفة اصلا لو كنت بروحي مكنتش هني توا بس حتى لو كنت متعرف شيء بس نبيك تتاكد انه كل شيء على شانه اصلا كان مش منه ممكن اني ميتة قداش ليا عملية انتحار متلا ( وضحكت)
ماتين كان مصدوم فيها
وتين: حول من قدامي شوية بناخد حاجة من السيارة ( وشافت الساعة) حي عليك الساعة 2
وفتحت الصندوق متاع السيارة
ماتين كان مصدوم في الشناطي بمعنى انه هادي بجديات منتقلة شبحها كيف فتحت شنطة كانت معبية حوايج طلعت منها توتة وشبحها كيف طلعت شنطة صغيرونة متاع اسيت مش شنطة الي طالعة بيها كانت فيها ( مشط وتوكات فرشاة اسنان ومعجون اسنان وبرفان ومزيل وحاجات خاصة يعني
وخدت شنطتها الي كانت لابستها فيها تلفونها شفرتها لوحتها ومركبة شفرة جديدة كانت فيها تلفونها ونت وباور وشحن وسماعات
وقامت شنطة الكحلة الصغيرة هادي عادي في اديها والتانية الشنطة متاع السيت قعدت شادتها ومن جهة التوتة
ماتين: نساعدك
وتين: شكرا وتصبح على خير
ماتين: وانت من اهلو
ومشت خشت
عند لولااد كلهم رقدو الا كرم يستنى في فرح تفتح نت وفراس الي ندى مش رايحة من باله كان يفكر فيها وقيس ومنير ومؤيد ونادر هادوم في النوم العميق
لبنات مقعمزين يهدرزو لين طق الباب والي هي وتين
لبنات : خشيي
وتين خشت ابتسمت
مروة : اهو الحمام هذا بدلي فيه
خشت بدلت وقامت حوايجها في الشنطة لبست بجامة كلها خضراء ومشطت شعرها وضفراته وبخت برفان وغسلت سنونها وتوضت وطلعت
لبست متاع الصلاة جايبتها معاها صلت قيام الليل ودعت دعت وناضت
مروة: تعالي اهو خوك جنبك
وتين ابتسمت سامحوني تعبتكم
قمر: تعبك راحة
مروة: ارقدي ارقدي حني ساهرين انتي تاعبة اكيدة
فرح: مشاءالله شعرك طويل
وتين ابتسمت: هي اني بنرقد امالا وضحكت : تصبحو على خير
وتين كانت تعبان لدرجة فسع مرقدت رغم انه مكان غريب عليها بس خشت في سبات عميق يومين مش راقدة
منار: محبيتهاش الحق
مودة: راهي تسمعك
منار: تواضح راقدة تقول حوش بوها
فرح: احترمي نفسك البنت يومين مرقدتش
مروة: اسمعو تعرفو اسمها في وراها قصة لكن تحسيها طيوبة هلبا البنت
قمر: تتهبل كلها على بعضها تحسيها
فادية: شن رايكم نسالو بالك تقعد مع حناي خير من انها تسكن بروحها صعب راه الباين انها صغيرة بس عقلها كبير
ندى: تعطيها حتى 14 البنت
مروة: هو الشكل هكي يعطي بس حسب مشوفتها اليوم اكيدة اكبر لكن تحسيها تحملت مسؤلية مش لعمرها بكل
وقعدو لبنات يهدرزو
خلي نرجعو لبنغازي وين مافي بوها
لما طلعت وتين في اليل تاني يوم الصبج الي وتين قاعدة فيه في الطريق
ناضو الصبح
قعمزو روتين عادي مفقدوهاش لبس ولكم الشيخ ومشي بيقرو الفاتحة قرو الفاتحة ومش حيديرو عرس خلاص بيروح بيها على طول
مراد: تفضل للمربوعة تو نادي عليها
وخش
سمية: شن صار
مراد : نقرت الفاتحة وينها فرخة الشطان خلي تطلع راجلها يراجي برا
سمية: برا اركبلها انت نادي عليها
ركب مراد بيفتح باب الدار لقاه مسكر قعد يحاول يفتح : افتحي يافرخة غر منفتحه بطريقتي ونقتلك
مفيش رد
مراد: قعد يخبط عالباب ويصيح: بتفتحي ولا نفتحه بطريقتي ويشوف شن يصيرلك قولي
سمية : خيرك تعيط شن في
مراد: بنت الكلبة متبيش تفتح ولا تبي رد عليا ساعة نكلم فيها متردش
سمية: ميري ميري ( الخدامة)
ميري: نعم مدام
سمية: وين مفتاح احتياطي للغرفة هادي
ميري: دقيقة مدام
مشت جابتلها مفاتيح هلبا وقعدو يجربو لين لقو المفتاح
مراد. فتح الدار ونصدم مفيش حد
سمية نفس الشيء
مراد: وين مشت بنت الكلبة وخش يدور في الدار لين لقي الورقة الي خلتها وتين
مراد قامها قعد يقرا وهو مصدوم 😳
سمية خدت منه الورقة وبدت تقرا : ... يتبع
وهادي الحلقة6 انشاءالله تنال اعجابكم تفاعلو واعطو رايكم وشكراا
أنت تقرأ
مابعد هذا الظلام؟
General Fictionرواية: مابعد هذا الظلام ؟ بقلمي : Mone المقدمة وتين كانت تشبح ومصدومة شافت جريمة لاقرب الناس ليها ماتت قدام عيونها وهي في عمر صغير منظر شنيع شافاته موت شخص تعرفه وقريب منها هلبا مات قدامه ومات مقتول وبمنظر ميوصفش وتين : باه خلاص والله منتكلم بالل...
