الحلقة 14
مشي محمد
فات الوقت
وتين كأنه عطل
حليمة: كلميه
وتين تكلم ميردش
وتين بدي الخوف يتسللها ووجها باين عليه وايديها يرعشو
حليمة: بري شوفي حد بسرعة
وتين مش منتبهة على لبست متاع الصلاة وطلعت وهي خايفة وترعش طقطقت على حوش محمد
فتحلها مؤيد
مؤيد نخلع من وجها: وتين خيرك
فاطمة تسال ساعتين نقولولك مني وشافت لقت وتين : وتييين خيرك بنيتي
مروة كانت في حوش عمهم عمر
وماتين روح يتغذا وبيولي طلع بيمشي لقاهم
وتين بخوف وهي ترعش وبتبكي خلااص: زوود يامؤيد محمد من مبكري بعته للمحل معاش جي
ماتين وهو يلبس في دجاكته: اهدي اهدي مفيش يء اهو ماشي نشوفه وشاف لمؤيد بمعنى الحقني
طلع ماتين بشوف ولحقه مؤيد وباقي الشباب بس كان مش موجود سألو عليه مكانش موجود نهائي
فاطمة: خشي يابنيتي
وتين لالا اهو بنستنى برا
وتين قعمزت برا تتسنى فيهم والتلفون في ايدها تتصل على أمل يرد او حاجة وقلبهاا نااار
______رواية مابعد هذا الظلام؟______
مراد وجمال وصلو باهي قريب الظهر مشو لشخص يعرفوه قعدو عنده وعندهم حد يراقب في المكان يجيهم اتصال ويقولهم
مجهول: الو
جمال: شن صار
مجهول : تم عندي تبي تستلمه تعالي سالم مستلم
جمال: تمام وسكر
تلاقو واعطاه الامانة الي هي ...
وجمال اعطاه لفلوش والراجل طلع من الموضوع خلاص
الامانة هي محمد
حطه عالكرسي وربطه
محمد يتكلم كان شجاع خكي علماته وتين بس في الاخير هو صغير حيضعف : حوول علااش جايبني لهني
جمال قرب عايه وطبسله: اشي الحلو عنده اللسان اكيد طالع لبنت خالتك
محمد عطاه نطحة براسه : الحلو معنداش لسان بس عنده يدين ورجلين ورااس☺️
جمال نتض يتالم ويتكلم بصوت عالي: جيوااان حندمك غر توا نبيك بس حندمك انت والكلبة الي مربياتك
محمد عيط عليه: منسمحلكش تقول عليها
جمال: نستنى في تسمحلي عقاب فرخ فكني من دوتك
جي مرااد خش
محمد هني عرف مكانش يعرف من يكون جمال يالزبط بس عرف مراد
مراد ضحك: اكيد عرفتيني
محمد: انت متحبهاش علاااش اديرلها هكي علاااش
مراد ميحبش السؤال لانه اجابته تعرفوها علاش يكرها: يكرله فمه دوته هلباا
جمال: هي تكملو خطتنا وطلعو تلفون محمد وتصلو
عند وتين كانو كلهم سمعو وطلعو برا يواسو فيها والرجالة الكل يدور رغم انه طريق هني معروفة ومحل قريب الا انه مخططين عرفو كيف يلعبوها الوقت بداات لعبوه صح
وتين حطت ايديها على وجها وتنهدت وتدعي
شرين التلفون
وتين فرحت محمد محمد يتصل بس عالواتس واستغربت
هني كلهم يشبحو لبعض
وتين ردت
مراد باستفزاز: وتين صح وضحك
وتين : هذا انت صح كنت متوقعة كل مصيبة انت تحتها
مراد: خيرك بنيتي تكلمي في بوك انت راه
وتين: اني معنديش بو اني بوي متوفي من زمان
هني الكل يشبح ومصدوم كلمو الولاد روحو بسرعة
جمال خدي التلفون : ايه المهم فوتينى من دوتك الزايدة الموضوع انه محمد عندنا
وتين: الدليل انه عندكم
جمال: اول شيء هذا تلفون محمد تاني شيء فتح الكاميرا هذا مني ياترى
وتين بعصاب وتتكلم من بين سنونها : شن تبي تكلم هي شن عندكم عندنا مزاال اه حياتكم وطلعنا منها شن مزال تبو
ماتين بجرئة قدامهم مدورش ولا واحد وجي جنبها وبصوت هادي: اهدي هكي مش حينحل اعطيني التلفون نتفاهم
وتين شبحتله بعيون دابلة كلها خيبة امل وكانها ضعف بس وتين في داخل الضعف مش ليك ياوتين
وتين: تكلم شن تبيييي
جمال: نبيك انتي
وتين هني نهارت علاااش بس علاااش شن تبي فيا اني طلعت من حياتك طلعت من الجحيم بتردوني ليه علااش
جمال: بكيفك ديري الي يريحك وحني حنديرو اللي يريحنى لمحمد
ماتين سحب التلفون: تعرف انك انت ماكش راجل طالما تستقوى على بنت وعيل صغير ياريتك كنت شجاع وراجل وجيت واجهتنا بدون خطف ودوة مفرخ زايدة بس انت واحد جبااان شن تبي توا باش ترد العيل
جمال: انت مدخلكش هي تعرف شن نبي ومعاها مهلة لمدة يومين والا تشوفو شن حنديرو وسكر
ماتين : شن يبي قولي
وتين حست روحها بتضعف قدامها وبتنهار وفسع بتخش الداخل بس ماتين شدها وتين منزله راسها متبيش تتكلم لانها حتنهار
ماتين فهم بروحه وخش وراها
منين جايبة هالجئة ياماتين مسألش عالعيلة شن حيقولو وشن حيديرو وقتها يفكر بس في وتين قلبه معاها
العيلة برا مصدومين في ماتين المبار بفهمو وعقلهم كبير بس خلوهم
مروة ضحكت وخمست للي جنبها تحسابن قمر: والله وماتين طاح على وجهه
قيس ضحك: متوقعتاش ماتين العاقل هكي يدير
مروة شبحتله: انت شن جيبك اهني
قيش ضحك : كرعيا
مروة ضحكت: برا مبردك
فادية: قصدي تسبحو في الجو كيف محمد مخطوف معندكمش قلب
مروة &قيس : مدخلكش
وشبحو لبعض
مروة: الانسان يحس من الداخل مش من البرا زي وتيت شبحتوها كي فمبكيتش بس هي من الداخل منهارة
وقعدو هادوم يهدرزو هكي ونمشو لوتين وماتين
وتين خشت بستكر الباب الدار بس دف برجلها قبل ميتسكر وخش وسكره
وتين اهني بدت تنهاار وتبكي
ماتين: فهميني شن يبي
وتين انهاارت : خلااااث خلااااث يااااسر نسكر الماضي يردوه علاش لاحقيني علااااش بس علاااش
ماتين: من هما هادوم
وتين تبكي وقعمزت قعدت تبكي بالصووت وتشهق
ا😭😭😭💔 ياربي ساعدني انا بحاجتك انت وحدك اعلم بيااا وتقدر ياااارب احميه يارب
ماتين معاش قدر خداها في حضنه وقعد يهدي فيها
ماتين: اهدي اهدي
وتين زادت تبكي وكانها محتاجاته هالحضن : اخخ تعرف كم محتاج لهاالحضن اني من لما ماما توفت معاش شفته تذكر يومها يكف حضنتني هديكا مانت اول مرة نحس روحي كاني رتحت
ماتين: حتقعد حاضنك لامتى متبي بس احكيليلي مني وشني باش نساعدك
وتين باعدت عليه: اني مش بحاجة حد
ماتين: ردها ليه وتين اسمعيني مش قادر مش قادر نشوفك هكي واني عاجز احكيليلي حنكون معااك
وتين: اني السبب في كل شيء اصلا اني كل منقرب من حد نضره رد بالك تقرب مني اني كل الي قراب مني انضرو وكل من حاول يساعدن انضر اني نضر في الناس اني خطر عليهم وقعدت تبكي
ماتين: اشش اهديي وبصوت هادي مينسمعش انتي احلى حاجة تصير في حياتهم يكون في علمك
وتين: تعرفي ان هذا بابا و و وقعدت تبكي من جديد
ماتين استغرب بوك ومني
وتين: بابا وصاحبه الي كان يبي يتزوجني
ماتين النار شعلت فيه
ماتين بعصبية بس خاول يعدي روحه: وهو شن يبي منك
وتين: هو يبيني اني
ماتين النار ولعت فيه خلاااص بيشيط
ماتين يفكر بخبث : تمام اهدي انتي مش حيقدرو يديرو شيء
وتين ردت تبكي بالصوت : لالا منقدرش لازم نسلم روحي منقدرش كله الا محمد
ماتين: اهدي قتلك مش حيقدرو يديرو شيء
وتين: انت متعرفش شيء انت متعرفهمش
ماتين وهو مستغرب : شن حيديرو يعني وادمر الفيديو
وتين : هما خطيرين هما حطر على حياة محمد اني عشا كل عمري على خاطره لانه امانة عندي ونحافظ عليها نضحي بروحي على شانه لو هو مش موجود اني كنت ميتة قداش ليا بس هو الي خلانس نقعد فلو صارتلي شيء مستحيل نسامح روحي ولا حنعيش من بعدها بس نبيك توعدني اني حنسلم روحي نبيك تودعني تحط محمد في عيونك
ماتين: تي شن تقولي انتي رد بالك رد بالك انت خليك اني نعرف نتثرف بس رد بالك اديري حاجة من وراايي
ومشي ماتين جاب الفلاش
وتين نصدمت وين لقيته هذا
ماتين: مش مهم وفتحه
وتين: المعنى مفهمتش
ماتين: تجاوبني كل واحد مني
وتين سمتله وهي تبكي وترجف
ماتين: امك باين عليها قوية طالعتيلها تشبهيلها هلببا حتى في شخصيتها الباين انها تحملت حاجات هلبا عشانك وانتي تحملتي حاجات عشان محمد خاطر نفهم شن قصتك اني
وتين يجي الوقت وتعرف المهم توا مش حنحاسبك ليش واخد الفلاش بس قولي شن ليه دخل
ماتين: انتي ديما هكي غبية ولا تتغابي
وتين: كييف
ماتين 🤦🏻♂️: حنهددهم بيه
وتين ابتسمت بخبت: مش بالزوز بواحد بس وبالتاني لوقت تاني ومش حنمسحوه حنديرو نسخة
ماتين اهو دماغك بدي يشتغل
وتين هي جابت كرسي لماتين جنبها وقعمزو في الكنب وجابت لابتوب متاعها وحطاته وحطت وايفاي ودورة دورة تتنهد تنهيد حزن بس في نفس الوقت فرحانة انها حتخلص من ايديهم وصلها فيديو الفيديوات الي تنفتح مرة وحدة بس ببلعاني دارو خكي باش ميقعدش عندها دليل للشرطة او هكي فتحت الفيديو كان فيه كيف يضربو في محمد ويعدبو فيه زغم انه صغير بس كان يضربو فيه باش يبعتو الفيديو
وتين شبحاته وقعدت تبكي : اسففة اسففة مش بايدي محمد اني حننقدك جاياتك اسفة كله بسببي
ماتين يشحل ومصدوم كيف يضربو في عيل بدون ميرفلهم جفن
ماتين حيوانين مدايرينه مشهدة مرة واحد فقط
وتين : متهزاش عليهم راهو اذكياء
ماتين فرح: تم قصته اجزاء اجزاء وبعت نقطع صغير منه
ماتين: ايه حقا توا فهمت زياد منين يعرفك وتعرفيه بديت نفهم في القصة كلها والي حط الفيديو في الدار هو زياد
وتين : اييه ايه صح بس اني متاكدة انه في تكملة للفيدو او اكيد في فيديو في ه اعترافات او شيء لكن في نفس الوقت نشك لانه البيان انه سمية هي الي مخلية الفيديوات ومستحيل تخلي دليل عليها هي
ماتين : كلامك منطقي مداما زياد يعرف حنستيعنو بيه
واتصل بي وحكاله
زياد ابتسم: الحاجة الي مندمتش عليها اني بعت الفيديوات
ماتين: منور ياصقر هي نكمل وننكلمك
زياد: تم ياغالي كمل واحكيلي شن صاير
وسكرو وبعت الفيديوات وصلوهم
قعد الزوز جنب بعض ومتوترين ويتنو امتى يشوفوهم
وين & ماتين بفرحة: شافوهم
شوية وبدو يكتبو فجاءة تحول لتسجيل يستنى ف تسجيل فجاءة اتصلو
مرااد:... يتبع
وهادي كانت الحلقة شن حيصير في مراد وجمال هل حيردو محمد او عندهم خطة تانيا وماتين ووتين هل علاقتهم حتقعد عادية او حتطور استنو في الحلقات الجاية جايين مفاجاءات تفاعلو وادعموني واعطو رايكم وشكرااا
أنت تقرأ
مابعد هذا الظلام؟
Fiksi Umumرواية: مابعد هذا الظلام ؟ بقلمي : Mone المقدمة وتين كانت تشبح ومصدومة شافت جريمة لاقرب الناس ليها ماتت قدام عيونها وهي في عمر صغير منظر شنيع شافاته موت شخص تعرفه وقريب منها هلبا مات قدامه ومات مقتول وبمنظر ميوصفش وتين : باه خلاص والله منتكلم بالل...
