الحلقة 9
مروة: خلي نعبو المية
وتين: هاتي نعبيه اني عبت المالقي وحطت طواسيه في صفرة مالقي مرش كان وقاماته
مروة: خليتك انت لترفعيه هاتيه
وتين: والله مصارت مش اني مش ضيفة ومن اهل البيت خلاص امالا
مشت خشو وهني
زياد :و😳
وتين طاحت منها السفرة
ايه هو زياد عمهم المهدي يكون طليق مرت بوها
وتين طاحت منها السفرة
الكل مصدوم شن في شن صاير
زياد ناض شدها من رقبتها ولصقها عالحيط( متقولولش طيب حتى هو مرة مرة يرن عرق من امه ديما تعبيله في راسه لكن كان مرة مرة يدافع عليها بس بعد مهربت قعد يتحلف فيها حتى هوا وامه زادتهم ) شدها من رقبتها ولصقها عالحيط وقعد يتكلم بعصاب وعياااط وصوت عاالي: علااااش درتي هكي بس علاااش علااااش فهمينيييي
وتين خلاص نفس بدي يتقطع عليها وتبكي وتشهق مش قادرة نفسها بيهرب عليها
الكل في حالة صدمة يشبح وبس
والولاد الي هوا يكلم في زياد يبي يفكها وجايين بيفكو زياد من وتين بس كان شاد باقوى معنده
يجي ماتين يفكها بقوة ويشد وتين ويخليها وراه
قعدت وتين تاخد في نفس بقوة مش قادرة
ماتين : مروة جيبيلها مية
ماتين: ترا مسها توا يا راجل والله منحسابك هكي ياولد عمي تستقوى على بنت
زياد: ماتين خلينى اصغار عم اصحاب وحباب وانت مش فاهم شيء وتخلي وحدة فا🤬🤬🤬زي هادي تفسد بيناتنك
يجيه كف من ماتين : مكنتش نبي نمدها ايدي بس انت اجبرتني
كرم وفرح كان مهناش ( متلاقيين ياحنة ميقدروش 😂)
فراس: ماتيين زياد استهدى بالله شن الكلام هذا يازياد قدام البنات
قيس : استهدو بالله شن اديرو راكم صغار عم
ماتين تلفتلهم وهو معصب :انتم راضيين عليه شن يقول عالبنت وله
زياد حط ايده عل الكف : قتلك خلينى اصحاب وحباب ومتخربهاش على شان وحدة متسواااااش انت مش فاهم شيء انت مش عارف ان الي دافع عليه هي وحدة هاربة من بوها هي وولد خالتها
هني كلهم انصعقو وبالاخص ماتين لكن ميحاسبش انه في حاجة حتصعقه اكتر ماتيين 💔
ماتين تلفت لوتين لقاه تبكي في حالة ومنزلة راسها لوطا وتشهق وترعش مع بعضها
ماتين وهو معصب : صح لكلام السمعت😡
وتين زادت تبكي وتهد براسه وتشهق
ماتين شدها: نكلم فيك صح لكلام الي قاله
وتين اهني تجمعت كل قوتها وبدت تعيط : اييه ايييه الكلام الي قاله كله صح بعد تغيرت نبرة تحولت لنبرة توسل ( اذل حتى في روحها اهم شيء يقعد محمد في امان ) زياد بالله عليك متقولش لحد انت تعرف كل شيء تبيني نولي غادي انت قبل مش راضي علي يديرو فيه زياد انت كل تعرفه منبيش حد يعرف بالله زياد دير روحك عادي جاي لحوش جدك ومشيت مش حيفكرو ان هني بكل زياد بالله
زياد بدي يهدى: خلااص اسكتييي واطلعي
طلعو لبنات ووتين يهدو فيها
والولاد يهدو في زياد وماتين
ماتين: زياااد
زياد: شن مزال تبي
ماتين: نبي نعرف الي تعرفه انت
زياد بعدم فهم: شن مفهمتش
ماتين بعصاب : متستعطبش علياااا تو نبي شن هو الي كل شيء تعرفه
زياد : مش كل شيء لازم تعرفه وطلع
لحقه ماتين: نكلم فيك متخلينيش نفصل
زياد: كل شيء في وقته حلو سورها وتطلع الحقيقة وفي حاجات متنقالش المفروض متعرفهاش وركب في سيارته وسكر الباب وفتح الروشن : متبي شيء ياولد العم
ماتين: اقلب وجهك سيورني ونعرفك وكلامك عالبنت احني مش هكي متربيين يازياد ومشي وزياد
ماتين خش للولاد اداخل
كرم : شن صاير مشيت شوية قالولي الدنيا نقلبت
ماتين ضحك: مشاءالله احرف من امزيكي انت وياه في نقل الدوة سكت شوية بعدين .. ال صار هني توا يندفن هني وتوا
فراس : لا ياولد عمي تعرفنى احني هني صار وهني ندفن
قيس: تعرفنا حني عاد شن صدقت تحسابنى امزيكي حاق
حبو يلطفو الجو شوية
مؤيد : اسكتي فرياال خانم ( على كرم )
نادر: ايه وفراس امزيكي
منير: وماتين سعاد خانم
وبدو عاد هادوكم يتجارو وراهم
مؤيد: التوبة فرياااالوو
كرم: ياريت حق نشبه فرياال 😂😂
مؤيد: لا ياعقيد معتز انت
قعدو يتسهوكو بعدين قعمزو ولمو المرش نتاع المالقي( لبنات الي لموه اكيدة مستحيل الولاد يقعمزو جنبه عادي عندهم 😂)
اذن لعشي وتين فسع مغيرت جوها متعودة تعيط من هني تمسح دموعها وتبتسم
عند لبنات
يديرو في العشي والنساوين دورة دورة تخش وحدة تهزب وتقلهم خفو رواحكم
فاطمة : تحي عليكم ستة صبايا وقاعدين في عشي
مروة: حتى هو ياماما مشاءالله انتم هلبا
فاطمة: ياسرك طولة لسان ياريت فالحة في التطييب زي مفالحة في الدوة
مروة: شكرا امي🙂
قمر: ايوا عمتي فاطمة قصف جبهات😂
فاطمة: اسكتي حت ى انتي الهي في الي ديري فيه
قمر :🙂 شكرا
فادية: مهزباااات😁
خشت نجمية ام فرح وفادية
نجمية : هذا فاش فالحة حتى انت غر في الدوة الفاضية بالك اديروها لفلاحة هادي في التطييب والضمان
فرح: كلكم نفس لكلام الي تجي تهزبني وتقول نفس الكلام
نجمية: ماهو حتى انتم كلكم نفس البيارة معادا ندو حبيبتي
ندى تخدم وساكتة ☺️
قمر: تي اختي لفعة متعرفوهاش 😂
ثرية ام ندى وقمر :تي والله مفيش حد عاقل
نجمية: لالا ندو حبيبتي
فرح: حتى احني بناتك محبيتيناش زي ندى
وتين تضحك وساكتة وتخدم
كملو بدو يتسفو في السفر
جت جوري ومنار ومودة يتعشو معانا
احني عالسفرة تلفون جوري يشرين مسكتش ترن ترن ترن وصوت رسايل
جوري بدلع : هدا ختيبي اكيدة نشغل لاني سكرت فجاءة عليه
فرح شبحتله نظرة اضحك وقعدت تعجب فيها بدون متلاحظ: ختيبك
فادية تعجب فيها تتكلم بدلع :بري شوفي ختيبك راه ينشغل عليك
قمر: فكينى بعدين يهد علينا
مروة: ايه يجينى راعش غر راهو يقلب تاجوراء كلها على خاطرك
وتين خلاص ميتة ضحك هي وندى
وتين حتى هي لسانها طويل بس متبيش تلقح لانها مش زيهم بنت عمهم عادي
وتين تهمس لفرح: مبعدك منها الحمدلله انها بتتزوج قبلك
فرح بهمسفي وذن وتين: ايه اسكتي ساكتة
( طبعا اهني طلعت جوري تكلم في ختشيبها 😂)
منار : خيرك تتهامسو تقرمو عيني عينك
وتين شبحتله بنظرة تقتل ديما عندها وتين نظرات مش لازمها تتكلم بمرد متعطيها نظرى خلاص بس هي متقدرش شبحتلها شبحة: وانتي من كلمك
منار: لا بس نشبح فيكم تتهامسو
وتين: نتهامسو ايه في حاجة ضايقاتك في الموضوع
منار سكتت
وتين: ايواه الاحسن انك تسكتي وتلفتت لفرح وقعدو يضحكو عالصامت داب متبان الابتسامة
منار : اني بنروح خلاص ليل
مروة: بري مروح
منار بعصاااب: مروة راك زودتيها سكتلك هلباا اني راه
مروة: مقالك حد اسكتيلي
منار ناضت تبكي : اني شن درتلكم علاش هكي اديرولي
حني قعدنا نشبحو ومصدومين طبعا كنا عاطيين البابا بظهرنا وهي تشبح يعني لو حد خش سمعنا صوت النساوين ورانا جايبين السفر ولولاد كلهم تخيلي احني عرفنا يعني هي نصبتلني كمين عالاساس 😂
عبير: سمله عليك بنيتي خيرك
منار زادت تبكي كان ممثلة بابداع : يامامي هما مفهمتش خيرهم عليا يلقحو اخرتها قالولي نوضي معاش تاكلي معانا وانت اغسلي لماعين زي الشغالة وزادت تبكي
احني مصدومين
مروة تهمسلنا : احني حتى كان بنديرو حاجة دوة المفرخ هادي منقولوهاش وضحكت وكلنا ضحكنا بس من تحت لتحت وردينا نسمعو ومصدومين في كذبها
امهاتنا: انتي وياها خيركم على بنت عمتكم
مودة: لا وزادو قالولها انه انت وحدة بايرة ومديري في شيء ومتاع ولاااد وصايعة كل لكلام قالووهولها وشوفي ضربوها حتى الضرب
لولاد يسمعو ومصدومين
فاطمة: من امتى الصرب والكلام هذا لبنت عمكم
مروة: ياماما والله والله مدرنا حاجة
فرح: تتكذب عليكم علاش احني هكي بنديرولها
منار زادت تبكي : خايفين من وتين هي الي دار كل شيء
عبير: اصلا عارفة اكيدة هي لانه بناتكم معندهمش في الضرب
ثرية: تخيركم عالبنت علاش باهي هكي درتولها
مودة: اسالو وتين هي لتعبيلهم في راسهم وزيادة هي لهزبت وتين
خديجة :خيرك ياوتين عالبنت
عبير نضات تهزب: خيرك على البنت شن دارتلك اخرتها تجي وحدة زيك تقلب لبنات على بعضهم وادير هكي في بنتي وحدة زيك مش متربية
وتين ساكتة ومصدومة مش متعودة ادافع على نفسها لانه في ناس كبار
على خشت حليمة: الي جرح وتين بكلمة توا توا يتاسف منها
عبير: معقولة يما جايبتلنا بنت زي هادي متربية في الشوارع متندريش عليها حتى بنت صايعة ضايعة متاع ولاد مش متربية تقول في كلام وتقلب في صغا العم بنت شوارع زي هادي تخليها بيناتنا
حليمة : عبييير هلبااااا شن لكلام هادي توا تتأسفي من وتين انت وبناتك
عبير: يما تنقولك ضربت بنتي وقالولها هلبا كلام
حليمة: لازم تعلمي بنتك وتربيها هي الي مش متربية متعلمتلك الكذب هلباا
عبير سكتت وطلعت هي بناتها يطنفرو
جوري جت : نشاءالله ستريحتي وتين فرقي العيلة وخلاص
وتين ساكتة ومنزلة راسها وخلاص
مروة: مدوريهمش ديما هكي يحبو لمشاكل
ضمو الكوجينة وكملو كل شيء وكل واحد روح لحوشه
تاني يوم
ناضت الصبح ضمت ودرت فطور ليها ولمحمد وحليمة وقعمزو يفطرو
حليمة: سامحيني يابنيتي امسحيها في وجهي بنتي متعرفش شن تقول وقت تتعفلق بكبر سنها قاعدة مش عارفة شن تقول بناتها لعبولها بعقلها
وتين: عادي ياحناي اني معرفتش بس شن مشكلتها معاي
حليمة: فوتيهم هكي يحبو لمشاكل اسئلي لبنات ديما عراكات
حليمة: ايه بنسالك
وتين: نعم
حليمة: خيرك مسجلتيش محمد في مدرسة
وتين: قلت بنسجله اليوم بناخد منك الاذن وبنمشي للجامعة ونشوف موادي ونشوف بنات غادي ناخد منهم شن خدو عليا
حليمة: اي بري يابنيتي تمشي تسجليه محمد بروحك قصدي منطقة متعرفيهاش تو نكلملك واحد من الولاد يرفعك منطقة جديدة واكيدة متعرفيش الطرق والمدارس القراب والجامعة وين
وتين: تمام امتى بتكلميهم
حناي : توا هي
كملو ولمت الحوسة
حليمة كلمت كرم مش فاضي بحكم خدمته دكتور اسنان كان اصلا كلماته مردش بكل لانه مش فاضي وماتين عنده معرض سيارات
مؤيد ونادر ومنير خشو محاسبة وادارة اعمال وكملو وبدو يخدمو
سراج تخرج وقعمز لا يخدم لا شيء متاع سهور وبنات وكل شيء 😂
المهم كلمت ماتين جاها
وتين كانت لابسة سروال اخضر واسع وتشرت ابيض قصير صيفي بما انه الجو بدي سخون خلاص
ومدايرة شعرها قرين طالعة هلبا كيوت مع خدودها الوردات وفمها المرسو جميييييلة
ماتين خش ينادي حليمة من الدار المعيشة متشوفش فيه طبعا
حليمة: خش خش
ماتين خش كان لابس تشرت ابيض هكي مفصله عضلاته من فوق وسروال اسود مع ساعة وخاتم وسبيدرو ابيض طالعة طرف مطرفف😂
ووتين طالعة طالعة من الدار الي فيها حناها وتمشي وتشبح لحناها وعاطية البابا بظهرها
وتين: معناها جاي هوا توا
حليمة: ايه
وتين تلفتت وماتين خش و💥
خشو في بعضهم وتين قريب طاحت شدها ماتين
ولحظة صمت وتبادل نظرات فقط وكانو قراب من بعض هلباا كانو عيونهم معلقين في بعض ماتين كان دايب في جمالها وجمال عيونها وكل واحد سارح وكل واحد حس بشعور غريب نفس الشعور هو بس معرفوشي قلبهم يدق بسرعة لين قطع عليهم صوت حناهم
حليمة دارت الحولة🤣: مااتين وليدي خش
هني الزوز استاقضو
ماتين توتر من الي صار تنحنح: احم
وتين ولا وجها كله احمر طماطم من الحشمة والموقف ونزلت راسها لوطا وطلعت بسرعة
ماتين قعمز حنبها حناه وحاول يكون عادي بس دور دورة يرد يتخيل الموقف وكيف كان قراب من بعض هلبا وهو شاد ايدها
حليمة: هي خلي نمشي نقولها تخف روحها
وتين بدلت لبست عباية او جبة ( منعرفش الفرق بيناتهم الحق الي نلبسو فيها ديما نطلعو بها) كانت بنفسجية وفيها قصات ولبست شاربة وردية مع شنطة بيضاء وسبيدرو ابيض ولبسة ساعتها طاعلة خيااال كل شيء تلبسها البنت يطلع عليها البنت جمييلة وجذاابة
مشت هي ومحمد لقاته مع حناه يهدرز
ماتين: واتيين
وتين وهي منزلة راسها وبصوت يادوب مسموع : ايه
ماتين: هي متبي شيء ياغالية
حناي: سلامتكم ورد بالك عبنيتي ووليدي
ماتين: تمصرع بعتينا
حناي: امالا شني
ماتين: نحطهم في عيوني نشاءالله هي ماشية هيا حمودي
ومشو ركبو في سيارة ماتين كانت مرسيدس عاليا
ركب هو ومحمد من القدام ووتين من تالي
ركبت وتين وبصوت واطيي وهاديي : السلام عليكم
ماتين: وعليكم السلام
مشو طول الطريق وتين ساكتة ومحمد وماتين يهدرزو سجلو محمد ومشو نزلو مواد وتين وهكي طول الطريق باقيته ساكتة وكان طول الطريق ماتين يشبحلها
روحو درس السيارة محمد نزل
جت بنزل وتين: صحيت بارك الله فيك تعبناك معانا سامحنى
ماتين : عادي لكن استني نبيك قداش ليا نبي نقولك حاجة
محمد جي : تهيا وتين
وتين: خش انت شوية ونحي اني
وتين: تفضل نسمع فيك
ماتين: مش هني خشي وتو نجي اني
وتين: حنااك اداخل راه
ماتين: عارف اصلا توا قايلة اكيد راقدة خشي واني لاحقك
وتين تمام
خشت
محمد: اسمعي وتين توا كلمني مؤيد قالي اني مع الولاد في المربوعة نلعبو في بلاستيشن تعال معانا
وتين: تكبار انت شن جيبك ليهم
محمد: هما قالولي
وتين: باهي برا وردبالك تقل ادبك ولا ادير شيء باهي
محمد وهوا طالع باه مشي للولاد
خش ماتين
ماتين: تعالي اهني في دار المعيشة
مشت قعمزو في الدار المعيشة
ماتين: اسمعي اني بنقولك حاجة قداش ليها ادور في دماغي معاش عرفت اني
وتين كانها عرفت عشن يحكي وخافت وتوترت واعصاب المعدة بدو ينوضو عليها وحست انه ايديها يرعشو : نعم قول
ماتين :... يتبع
هادي كانت حلقة اليوم نشاءالله تنال اعجابكم وتفاعلو واعطو وايكم وشكرااا
أنت تقرأ
مابعد هذا الظلام؟
General Fictionرواية: مابعد هذا الظلام ؟ بقلمي : Mone المقدمة وتين كانت تشبح ومصدومة شافت جريمة لاقرب الناس ليها ماتت قدام عيونها وهي في عمر صغير منظر شنيع شافاته موت شخص تعرفه وقريب منها هلبا مات قدامه ومات مقتول وبمنظر ميوصفش وتين : باه خلاص والله منتكلم بالل...
