الحلقة 12
في مكان قداش لينا عليه خلي نحكو شن صاير فيهم اليامات الي فاتو
زياد في يوم كان فايت ويسمع في امه تكلم راجل امه
سمية: اني مدرت شيء انت الي درت كل شيء وكل شيء مسجل في السي دي
مراد: انتي تهددي فيا
سمية: اني قتلك في الفلوس معنديش يما ارحميني توا اترد وتين تدور عليها جمال عنده هلبااا فلوووس واني نبيهم
مراد: هبلتي شكلك هذا كله الي عندك مش فلوس
سمية: الفلوس يمشو في عروقي اني باهي مدخلكش وايه نحب نذكرك حتى الي درته في ام وتين في السي دي
مراد تعفلق وطلع بس قبل ميطلع زياد لبد
زياد قعد يفكر شن في في السي دي اني لازم نعرف
طلعت سمية
وفاتو يامات جت الفرصة لزياد انه امه وبوه مهناش وخش يدور في السي دي دور ودور ودور وهو يدور يسمع في صوت حد جاي للدار وفجاءة شبح السي دي
خداه وطلع بسرعة حوله في لابتوب ورد السي دي في مكانه
فتح الفيديو الاول ونصدم
زياد: هذا مراد صح
فتح التاني وزاد نصدم
اما بوها فعرف وتين وين ومخطط هو وجمال وحيديرو شيء
زياد حب يساعد وتين لانه يعرف بانه مراد وجمال يخططو لشيء وهو شم عارف شن يدير مفيش من معاه هدى بس يقدر يوصق فيها سما بنت امها 😂
نرجعو لوتين
كان جوهم جميل للعشية لما جو حوش عمتهم 😂
البنات اداخل
مروة: هي نطلعو برة
وتين: هي نلبس متاع الصلاة اني 😂
وطلعو وجو حوش عمتهم
فرح: نلعبو جراءة وصراحة
فادية: مع الولاااد
قمر: وتين مش حتعلب
مروة: تشن وتين شم حتلعب بنت عمنا حتى هي خلااص راهو في صلة قرابة من حنااي😂😂
وتين: انتم صغار صغار خالة امي 🤣
ندى: تهيا نلعبو
ومشو للولاد
وقاللهم باهي
محمد يتفرج عليهم
ماتين كيف بتكلمي ميبيش يلعب: انيي مقاطعاته
مروة: نادو على وتين حتى هي بتعلب معانا قتلنا برو اسئلو للولاد قبل
ماتين ضحك وسكتت
نادو على وتين
قيس: قوية انتي تقول بنقولولك لا اسئلو الولاد
مؤيد بتسهويك: هي لا اصلا منبوكش تلعبي معانا
فرح: تي اصلا خلاص وتين تعودت علينا ولت من العيلة
منار: صح ممكن تعودت لكن مهياش من العيلة
وتين ردت عليها ببرود: عالاقل مش من العيلة بس العيلة اهيا الي اني مش منها منكذبش عليها وندير. في الخبت ونحسد فيها وابتسمتلها
اهني نصدمو في ردها
مروة همستلها: والله شنك رد ردك قوي الصراحة وضحكت
منار سكتت معاش عرفت شن تقول:
وبود يلعبو كان لبنات جنب بعض ولولاد جنب بعض ودائرة لكن
المرة الاولى جت في قيس ومروة
قيس: جراءة ولا صراحة
مروة: اكيد صراحة
قيس بخبت: حبيتي حد وشبح للشباب وتو روحك باش نشنقوها 😂
مروة:🤦🏻♀️ ياربي عالغباء اسئل زي الناس
قيس: باهي خلاص اني نحب الفتنة هي نبي نفتن من اكتر وحدة قريبة منك من البنات تحبيها اكتر وحدة
مروة: برا يافتان كلنا نحبو بعض زي بعض مفيش فرق
مودة: ايه في وحدة متحبش وخياتها
شبحتلها مروة بنص عين وخلت روحها عادي
قيس : ياريتني سالتك انت يامودة
مروة بتموت
مودة ابتسمت وتكلمت بدلع: عادي امتى مخاطرك تسال حاجة عادي اسئل
قيس شبح لمروة حس بيها بدي يزيد يغايض فيها: ايه رقمك عندي تو نهدرزو بعدين
مروة: ياسر وانتم فاتحين ميعاد قدامنى شن هذا هيا نلفو الشيشة دور مني
قيس غمز لمروة وناض دا روحه بيشرب امية ومشي من جنبها همسلها : غرتي ولا شني
مروة : وعلاش بنغير على مني عليك انت ومن من من مودة وضحكت هههء ضحكتني
قيس: مزاال تو نضحكك هلباا
ومشي ولا لمكانه
لفو الشيشة جت على قمر ومؤيد
مؤيد: جراءة ولا صراحة
قمر: صراحة
مؤيد: تعرفي اطيبي
قمر : معاك طباخة قمر
لبنات يشبحو ومصدومين في الكذابة
مؤيديعني مش حاجة معينة يعني تعرفي تطيبي كل شيء مشاءالله
قمر: تي ايه
مؤيد جسها تكذب او عرفها بس فات
قيس ونادر يشبحو جو بيتكلمو بعدين سكتو
لفو ورجعت على مؤيد وقمر
مؤيد فرح
قمر: تمصرع كيف كانت علينا
مويد: جراءة ولا صراحة
قمر: اني جريئة لكن هدي المرة بنختار صراحة
مؤيد : امتى اخر مرة كذبتي🙂
قمر: مبكري شوية
كلهم ضحكو😂😂
قيس : اني كنت بنتكلم
نادر: حتى اني لكن سكتنا
لفو وجت على نادر وفادية
نادر: اكيد جراءة
فادية ضحكت: تلقطها عالطاير
نادر: لما بنروحو نبي سينابون
فادية: علاش حتى اني نختار في جراءة وتحد عالاساس قدها
نادر: خلاص مدخليش نبي سينابون
فادية: باهي وانت همك بطنك
كملو لعب وسهرو وتهدريز وتسهويك ومنار مرة مرة تقول كلمة لوتين وتين شم معبرتها اساسا مرة تردها عالسنون ومرة تفوتها زي المهزبة وفات الوقت وجي الليل وشوو واجواء زرادي تعرفوهم متاع الليبين
تسريع في الاحداث
روحو في وجي يوم الجمعة وتلاقت مع زياد زياد مدارش اي ردة فعل خلى روحه عادي وقت حس ان الكل مش منتبهله نسحب مشي دار حاجة
منار : وين كنت زيااد
زيااد شبحله باستفزاز: وانتي شن دخلك
قعمزو يهدرزو
سراج: اييه وتين شاركين الحديث
وتين مش طايقاته
وتين: نشرب امية ونجي مشت
وقعدت تصب في امية
لحقها سراج بدون مايلقت انتباه حد بس في حد الفت انتباهه
خش واها بدون متحس
كانت واقفة تشرب في امية تتلفت تلقاه نخلعت طاحت منها الطاسة
سراج : خيرك نخلعتي
وتين: شيء حول خلي نمشي
سراج بدي يقرب منها : وعلااش خلييك
وتين بكل جدية وقارنة حواجبها: سراج حولل بالله
قعد سراج يقرب وهي توخر لصقها عالحيط
وتين قعدت ترعش: سراااج باللله علييك وادف فيه وتبكي بس هو كان شادلها يديها
سراج: منبي منك شيء اعطينى رقم بس
وتين: باهي وخرر سراااج
كانت الدار بعيد عن المكان الي في هما فميسمعوش فيها
وفجاءة يجي بوكس
سراج شبحله ومسح الدم الي على فمه
سراج:انت من تكون بااش تضرب
ماتين: انت الي من تكون وشن ادير واحد حقيير زيك
سرااج: احترم نفسك راني في الااخير ولد عمتك
ماتين: معنديش ولد عمة زيك اني
سراج: يردله البوكس تعرف تمشي ومتدخلش خيرلك
ماتين ضحك: غر شن تقول تتحلم ويضربه كف وبوكس ويطيح فيه ضرب ويتعاركو
وتين تبكي وتحز
وتين: ماتيين بالله خلااص
ماتين : انت اسكتي وخشي اداخل بس
وتين : ساده خلااص
ماتين ناض من فوقه وهو داهش ويمسح في مكان الخبطه جهة حاجبه دم: توربي ندمك عاليوم الي نولدت فيه
سرااج : ناض وطلع بسرعة قبل ميشوفه حد
وتين كان تبكي : كله مني كله اني جيت خربت الدنيا كلها كلام منار صح
نحكيلكم
جت مرة منار قعدت تقول في كلام لوتين
منار: انت مش من العيلة انت جيبك الهم بس للعيلة ويجي اليامات وتشوفي انك مجرد حاجة زايدة علينا ومسؤلية زايدة وهم وتخرب في حياتنا وبس وحتفرقي بين العائلات وكله حيكون بسببك
نرجعو لوتين
ماتين: علاش شن قتلك منار
وتين : مش مهم شنق تلي بس كلامها صح اني حنخرب كل شء ونفرق بين الصغار العم
ماتين: تعرف لو مجيتش مش عاف شن كان ممكن يصير
وتين قعدت تتذكر في الموقف كيف وقعدت تبكي
وتين تبكي: اني اني وقعدتت تبكي
وتين: اني علااش هو هكي علاش هكي يدير 😭💔
ماتين: قعد يهدي فيها
ماتين: خلاص اهدي وتين
وتين بدت تهدى شبحت بعدين يديه كيف ينزفو
وتين: اقعد شوية هني باهي ونجي
مشت جابت معقم وشاش وجت
قعدت تعقمله في مكان الجرح في يديه وعطاته
وتين: هاك دير يديك وحاجبك
ماتين: مش مهم فوتيهم
وتين: شن فوتهم عاجبك الالم
ماتين: خداهم جي بيدير حاجبه مقدرش
ماتين: عادي اديروهولي
وتين تحشمت بس بعدين قعدت اديرله
ماتين كان سارح فيها
فجاءة تلاقو عيونهم في بعض
وقتها كان صوت قلبهم مسموعات قعدو عيونها معلقات في بعض وتين حست بحاجة غيربة قلبها بيطلع وماتين كذلك
فجاءة خشت مروة: توينكم
وتين وخرت بسرعة وماتين : درق حاجبه وناض دار روحه عادي
مروة ابتسمت بخبث: حي عالجو
ماتين: خيرك
مروة: خلي نمشي نقولهم شن شفت
ماتين: شدها حي عليك تقولي لحد حي عليك
مروة: اووو في حاجة خطيرة معناها
ماتين: مشي وفاتها
مروة: تغر تعالي احكيلي تكيف طيحتي خوي تخوي على قد مجرو وراه بنات عمره مطاح لبنت وكيف بسهولة هااديي تتعالي احكيلنى
وتين : تبري شكلك فاضية مفيش منها الدوة هادي اني والحب اول شيء منتلاقوش ومني خوك ماتين تي احلام العصر شكلك انتي 😂😂
مروة: صفي نية وخيتي
وتين مشت وفاتتها
كلمو يومها جو وتسهويك
جي الليل
روحو كلهم
خش محمد لداره ووتين لدارها
وتين خشت لمحت حاجة
________ رواية مابعد هذا الظلام؟________
مراد يتكلم في التلفووون: غدوة في عز النهار
جمال : اني خلي نوتي روحي ورانا طريق طويلة
مراد: من توا بنتسقدو هياا
جمال: تمام وسكر
جمال اني جيتك ياوتين معندك وين هاربة مني تشوفي شن حندير
وتو روحهم وطلعو ماشيين لتاجوراء
وهادي كانت حلقة 12 وتين شن شبحت وجمال ومراد شن هي خططتهم كله حنعرفوه في الحلقات الجاية وهادي هي حلقتنا نشاءالله تنال اعجابكم وتفاعلو وادعموني وشكراا
أنت تقرأ
مابعد هذا الظلام؟
Genel Kurguرواية: مابعد هذا الظلام ؟ بقلمي : Mone المقدمة وتين كانت تشبح ومصدومة شافت جريمة لاقرب الناس ليها ماتت قدام عيونها وهي في عمر صغير منظر شنيع شافاته موت شخص تعرفه وقريب منها هلبا مات قدامه ومات مقتول وبمنظر ميوصفش وتين : باه خلاص والله منتكلم بالل...
