الحلقة 11
وتين دفها ماتين وتخش تحت المية معاش تطلع الي داخل زي مؤيد وقيس وفراس ، كرم ونادر وماتين برا
ماتين قعد يشبح ومصدوم البنت معاش قامت راسها
وعلى طول نقزلها
كلهم خافو يشحها وتين من راسها
وتين قامت راسها انفجرت ضحك
قمر:حيوانة تتسهوكي
فرح: ياباردة خلعتينى
فادية: فجعتينى فجع
مروة: كله وكوم ووجه ماتين كيف ولى كوم تاني😉
ماتين فنص فيها: ياسرك دوة اني لغالط نسمع في كلامكم دفيتها كان هذا شن جيبنى ليها بالله وين كان عقلي اصلا
وتين: خيركم حصل خير بلعاني نتسهوك قلت نكمل تمثيلية
ماتين: مدايرة روحك تعرفي تعومي
وتين: من كاذب عليك وقالك منعرفش نعوم
ماتين واخد الموضوع بهزوة: ايه نعرف كيف البنات الي يعرفو يعومو كيف ينقزو عالاساس ساطو 😂
لبنات كلهم يشبحو لبعضهم🙂
قمر: والله لحني مهزبين
فرح : لكن فاتك كيف مروة دفت قيس معاها تحي عالجو انتقمت منه حتى هي
وتين: ماهو جت مع بعض كل وحدة صارتلها حاجة
فرح : اني قعدت نشبح في الي غرقت والي نقز والي تعيط اني فسع مخشيت وقمت راسي نسدمت السراحة😂( رققت صوتها في الكلمتين الاخيرات تتسهوك )
وتين: ووك😂😂 واني هذا كله قعدت لوطا
مروة: اني وقيس نضنا نضاحكو
وتين: لا انتي فظيعة😂
وتين اهني استاقضت لروحها انها خشت بحوايج مش متاع عومان خافت البلوزة تطلع شفافة هي توا متبانش تحت لمية والوشاح كيف امالا
وتين: حي يابنات
لبنات :شني
وتين بشوية: بنطلع اني اقل شيء نلبس لبس يعومو بيه الناس ملك سروال اني للابساته حي والبلوزة
قمر : تحمرة متبين في شيء
مروة:باهي نطلعش متلصقش ترا علي روحك شوية
وتين قعدت تشبحلها هكي🙂
مروة: خيرك
وتين: قصدي اني واقفة هكي
لبنات كلهم : تبصريي
موني: طبعا وتين كانت اقصر وحدة فيهم وقصييرة يعني طولها يعني 1،49درية هلبااا😂 حتى هما قصار لكن وتين فاتتهم 😂
وتين: نعيط راه هذا طولي ربي هكي خلقني شن بندير اني
فادية: استغفر الله حصلتي كل مواصفات الجمال معادا الطول
وتين تعجب فيها: ننننن مواصفات الجمال القصر
قمر: والله لما نسال لولاد نقولهم شن احلى في البنت
وتين: اسكتي حشم حالك عالاساس انت الطوويلة اني اقصر منكم بشوية الفرق بيني شنتيات كل وحدة وطولها لكن كلكم قصار
قمر: اسكتي بنسال الولاد اني اني
قمر: ياولاااد
لاولاد : هااا
فرح: لوااا وخبطة عالوطاا
قمر: بنسالكم
كلهم قربو ولو مدايرين زي الدويرة ولاد وبنات
قمر:انتم شن تحبو اما احلى البنت الطويلة ىلا القصيرة شن هي من مواصفات الجمال
مؤيد: كله حلو ومن مواصفات الجمال الا انتي بس مفيكش حتى صفة من صفات الجمال
قمر: هاهاها نضحك ولا مزال النكتة مكملتش
مؤيد: مبردك
قمر: انت متفهك
مؤيد: حرجتي
قمر: ليس على المريض حرج
مؤيد: المثل ينطبق عليك هذا علاش منحرجج منك اني
قمر: وووه مداير روحك تقصف راهو مش قصف هذا
مؤيد : والي ادير فيه انت مش قصف طولة لسان
فراس مداير روحه شاد ميكروفون
فراس: اعزاء المشاهدون ابتعدو من هنا فاصل ولن نواصل
كلهم ضحكو عليه
فراس رد صوته عادي: تعالو فوتهم هاذو الزوز ديما يتناقرو زي الفار والقطوس لكن متدخلوش فيهم 😂
فادية: فظيعين
فراس شبجلها وبدي يقدم : انا متأسف جدا اختي وبدي يغرق فيها
كلهم يكلمو فيه سيبها
نادر يجي لفراس ويبدا يغرق سيبها ياعيل
فراس: تي اختي حيرك انت شن وعجم في الموضوع
نادر: تي اختك وبتقتلها
فراس يرقص في حواجبه: باش تتعلم اديرلي نفص بالدحي لما نقوللها ديريلي
فادية: برا مبردك
ندى: خيرك عليها البنت قريب ماتت ناوي تقتلوحدة انت اليوم
فراس مصدوم
محمد جي : وتين اهو انتي خشيتي خليني نخش
وتين: خش باهي هي متجيش هني خليك بعيد
مروة: والله لما مكسد مفيش من سنه بكل في العيلة
وتين: عادي هو متعود احني متعودين على بعض اصلا تحسابوني بنخليه بروحه لالا بنمشيله نقعد نعوم اني وياه
فادية ابتسمت: الله محلااكم ومحلاااك كيف تحبيه وتخافي عليه هو ولد خالتك
وتين اختفت ابتسمتها وجوها كله
ماتين هني لاحظها عادي هو مركز هذا كله يبي يعرف شن صاير
وتين: ايه ولدخالتي
فادية:امك متوفية بوك حق عايش
وتين بان عليها علامات التوتر وخوف وكل شيء تجمع عندها: خيرك فرح في حاجة
فادية حست روحها غلط انها سالت السؤال : اه اسفة مش قصدي شيء سالت بس
وتين وملامح باردة: ياريت معاش تسالي اسئلة خصوصية وابتسمتلها
فرح وهي متعصبة: عادي سالت سؤال جداا عادي وبعدين حست رىحها غلطت تأسفت علاش شايفة روحك انتي راهي اكبر منك كان متندريش
وتين : متشوفوش لعمري راني كبرت قبل وقتي اني
فرح: قصدي هي سالت وعرفت روحها غلطت وتأسفت علاش تجرحي فيها انتي
وتين حست روحها زودتها بس هي تجاه هذا الموضوع ديما تتحسس هلباا وتنقلب كل متحاول تنسى يفكروها : خلاص اسفة فادية بس ياريت معاش تسالي باهي
فادية ابتسمت : صح سؤال غلط معاش حنسئل وندخل في حاجات مش ليا الواحد يدير زي ندى ونقولو خيرها ندى انطوائية تفتكت من اهي طلعت من الحوض قعمزت بروحها متحبش الدوة هلبا مرة بعد قداش باش تتكلم صح ليها هذا الصح هوا حتى اني ياوتين معاش بتسمعي مني كلمة
وتين اضايقت: فادية
فادية: نعم شن تبي
وتين: والله مقصدي يجو اليامات وتعرفي كل شيء وحتعرفي علاش اني هكي ندير لما ننسال اني منبيش الماضي منبيشي وبدت تبكي عيييت اني تعبت كل منحاول ننساه ضروري متفكروني وتزيد تبكي وتشهق توربي منبيه الماضي اني مش زيكم تعرفو كيف تتذكرو في ماضيكم انتم وتضحكو عليه اني نبكي عليه انتم تتمنو تولي ايام قبل اني معاش نبيها تولي
مروة تهدي في الوضع وفي البنات
قمر: خلاص اهدي وتين
وتين تلفتت اعطتهم بالظهر ومسحت دموعها ول كانها كانت تبكي وابتسمت وردت تشبحلهم وهي مبتسمة
هني كلهم نصدمو في الحركة
كرم: شفتو الي انا شفته يشباب
نادر: اني اعمل نفسك ميت
قيس: جدياات حي على جد الحركة
مؤيد: ول كانه صار شيء تحسها البنت وراها هلبا قصص وغامضة هلبا
فراس:ايه ومتحملة هلبا وزي مقالت كابرة قبل عمرها
ماتين بصوت واطي يدوب ينسمع: واني حبيتها بجميع حالاتها قىتها تحملها وصبرها وغموضها وجمالها ورحها الحلوة وضحكتها وعيونها
فراس كان واقف حنبه : شن اتمتم بروحك انت 😂
ماتين شبحله بنص عين وفاته
هني لبنات قعدو يشبحو للولاد
مروة: ريتو ماتين تعلم منك الشبحات متاع زوز وربع 😂
وتين: نننن مبردكم
مروة: حرام عليك اني مبردني
وتين: حاشاك الباهية
كلهم ضحكو
حو النساوين يعاركو
فاطمة : اطلعي انتي وياها
ثرية: والله متتحشمو احني النساوين الي نطيبو تقول مافيش صبايا
نجمية: اطلعو
طلعو لبنات
مروة: طلعنا زي المهزبات
طلعو ويدلو كلهم لبسو تشرتات وسروايل معادا وتين لانها تلبس في وشاح فمتقدرش تلبس تشرت
لبست سروال ابيض وبلوزة سماوية على لون عيونها بالزبط بس كانت اداخل في الدار فنحن وشاحها لانه مفيش حد وشعرها مبلول فخلاته مفتوح
خشين لبنات بشعورتها
ثرية: اطلعي انتي وياها اطلعي البسو شاربات وتعالو خشو تبونى ناكلو شعر امالا
فادية: اني شعري قصير
فرح: احلى حاجة شعر مروة ينعرف برتقالة😂
مروة: هاهاها مضحكش
وتين: هذا كله حسد بلعاني شعرك حلو يهبل حتى نقشك حلو
لبنات كلهم يشبحو هكي :🙂
قمر: قصدك احني شينات
وتين🤦🏻♀️: تلا كلكم حلوات كل وحدة وجمالها الخاص
فادية: لكن الحق مروة احلى وحدة فينا راه
وتين: شكلك تحبي الشعر البرتقالي
فادية: كيف عرفتي😂
وتين : لانكم كلكم حلوات مفيش وحدة احلى من وحدة وكل وحدة وذوقها شن تحب بتقول احلى فمروة يلي شعرها برتقالي قلت احلى وحدة
قمر: حتى اني حلوة معناها ☺️
وتين 🤦🏻♀️: كلكم حلوات خلي نمشي اني
ندى: لكن انتي مشاءالله شعرك
مروة: اعترفي شن اديرله
وتين: اني شكلي كله نسخ من ماما الله يرحمها واقسم بربي نوريكم صورتها مش حتميزو تبي تركييز باش تعرفي اما هكي نفسها
قمر: اني شكلني بنت الجيرات لا جبت لا من امي لا من بوي 😂
فاطمة : انتم قاعدين تميعدو تطيبو بسرعة العشي بتتفكو منه ديرو توا الصلايط وخلاص لانه شواء وسهور من توا نتعبوش باش تنوضو بكري
مروة: ماما احني جايين بنتزردو ولا نتعذبو
مشت فاطمة وخلتهم
مروة: ماما خلتني مهزبة ✅😂
__________رواية مابعد هذا الظلام؟________
في مكان قداش لينا عليه خلي نحكو شن صاير فيهم اليامات الي فاتو
زياد في يوم كان فايت ويسمع في امه تكلم راجل امه
سمية:.....
مراد: انتي تهددي فيا
سمية:......
مراد:......
سمية:..........
مراد تعفلق وطلع بس قبل ميطلع زياد لبد
زياد لقي السي دي حوله في اللابتوب ورد السي دي في مكانه
طبعا كانو زوز فيديوات
فتح الفديو الاول ونصدم :😳...يتبع
شن صار في وتين والباقي وزياد شن سمع والسي دي الي لقاه شن فيه كله حنعرفوه في الحلقات الجاية تفاعلو وادعموني واعطو رايكم وشكراا
أنت تقرأ
مابعد هذا الظلام؟
General Fictionرواية: مابعد هذا الظلام ؟ بقلمي : Mone المقدمة وتين كانت تشبح ومصدومة شافت جريمة لاقرب الناس ليها ماتت قدام عيونها وهي في عمر صغير منظر شنيع شافاته موت شخص تعرفه وقريب منها هلبا مات قدامه ومات مقتول وبمنظر ميوصفش وتين : باه خلاص والله منتكلم بالل...
