الحلقة 16
وخش زيااد وكان معاه هدى اخته
كلهم انصدمو بس فرحو ديما يهدرز عليها زياد عكس سما
وتين شبحتلها
مروة شبجتلها وابتسمت: هدى وله
هدى ابتسمت : ايه
قمر: صغيرووونة
مؤيد: ياااي انتي ياكبيرة
زياد: خاطري قمر تقول كلمة بدون ما مؤيد يعلق
منير: حتى اني خاطري
منار قربت منها: اني بنت عمة زياد
لبنات قعدو يشبحولها
هدى ادور بعيونها على وتين لقتها تشبحلها
هدى بعيون معبياات حزن وشوق: وتيين
وتين جتها تجري حضنتها: دودي حبيبتي والله ااستاحشتك
هدى: انت اخي الحوش تعرفي كل منبي نحكي نهدرز مفيش حد انتي تعرف سما وماما
وتين : اشش متكلمنيش عليه الموضوع بككل
هدى: حمودي وقربت ليه وحضناته
محمد: خنقتيني
هدى: لسانك قاعد طوييل 😂😂
محمد: استاحشتك واستاحشت كيف نتعاركو اني ويااك😂😂
نادر: ايه شن حطر عليك تجيب اختك معاك
زياد بجدية: تبينى نروحو
نادر ضحك: تخيرك ياراجل
زياد ضحك
وقعدو كلهم يهدرزو
مودة: ايه هذى مواليد كم انتي
هدى : 2006
مودة قرصتها من خدها: صغيرونة اصغر مني بهلباا
وتين شبحتلها: لكن عقلهاا اكبر منك
مودة شبحتله: شن قصدك انتي
فادية: خاطري نقعمزو بدون عراك
منار: وتين هي الي لسانها ميهنيش
وتين: معاكم انتم بدااات وضحكت
ماتين في داخلها: ياربي على جراءة عالبنت ولسانها
منار: وعلااش شن درنالك احني
وتين ابتسمتلها: كل خيير وايه انت تقصدي انه شن حديرولي صح وغمزتلها😉
منار توترت : ءء شن تخرفي انتي
وتين ضحكت: شي شي
ماتين قعد يضحك عليها
وتين شبحتله كيف يضحك وهامت في ضحكته
وتين في داخلها ياريت ديما تضحك هكي وتنحي ملامحك الجدية
قمر: اخخخ يبنااات نوضو بيهدو عليينا
لبنات ناضو
ولولاد ناضو مخلوعين
مروة: حي علينا بسرعة
ماتين: شن في خيركم
قيس: من الي بيهد عليكم
لبنات ضحكو
وتين: القوات المسلحة وممكن معاهم السلطاات العلياا
الكل:😂😂
وبوووم هدو عليهم😂
فاطمة: نبي نفهم مش تعرفو انه اليوم جايين ضويف لحناكم
ثرية: عندنا الصبايا مشاءالله لكن هاتي من تخدم
نجمية: بيااارة مريتش زيها
مروة همست : القوات العليا هدت زعما يجو السلطاات العليا
حليمة جت : النساوين بيجو هي انت ويااه وشبحت لهدى
حليمة: اختك هادي يازياد
زياد 😅: اييه
حليمة ابتسمت: كييف تجيبها ومتجينيش اني الاولة تسلمو علياا
زياد جي سلم عليها: والله كنت خاش بعدين خشت سلمت لهيت في الهدرزة معاش طلعت وجي سلمه على حناه وكب على ايدها
هدى جت سلمت
حليمة ابتسمت: شن اسمك
هدى : هدى
حليمة : عاشت الاسامي وشبحت للبنات وهيا انت وياها نوضو راهو مش حاجة كبيرة خي قهوة وشاهي والعشي بس بطيبو الحاجات الحلوة مطيبينهم
فادية اتمتم: مفهمتش اني مجوش في العرس علااش بس جايين توا مبردهم ويوم جمعة
حناها: سمعتك والناس هذا وين قدرو ولازم نقدرو ظروف الناس وبارك الله فيهم حتى جو اصلا
فادية😅: حتى ياحناي عازمة هلبااا
حناي : عرس احفادي ونعزم من نبي
منير شبح لفادية وضحك: مهزببة
فادية: نننننن وقلبت عيونها
لبنات في الكوجينة
مروة فتحت الثلاجة وقعدت ادور
مروة: يبنات
لبنات: شن في
مروة: طاجين البسبوسة ملقيتاش
وتين : تبصري وجت ادور
وتين: مفيش شيء
ومشت مروة تجري للولاد
عند لولاد
حاطين طاجين البسبوسة
مؤيد: احسن حاجة درتها ياقيس
قيس : تكول كول وضرب كاشيكه
قيس: جهتي هادي متمسهاش
منير: مؤيد يافرخ كملت جهتك وجايني برا بعييد وشبحله كول زياد شكله مخاطراش
زياد شبح لمؤيد: رد بالك تقربه وجبد منه كشيكه وقعد شاده
مؤيد: تصلا عادي منورين ياشباب
قيس : كملت جهتي وعمز لمؤيد على من نهجمو
قيس قام الطاجين منهم ووقف بيهرب ويجي طايح هو ومروة
مروة تشبحله
قيس فسع مشبح الولاد ناض
مروة وهي متعصبة :علاااش
قيس: هما اني مدخليش
مروة : ووواااااك علااش هكي ووهي قريب تبكي
قيس: تهوا عقاب طاجين بسبوسة
مروة: عقاب طاجين بسبوسة هذا ال تحكي عليه نشبح فيك مكمله
قيس😅: مش بروحي راااه
وتلفت لقي الولاد ماشيين
قيس : حي عالبيعة
مروة وااااك مبردك مبردك مبردك ومشت وهي متعفلقة
وخشت قربعت الباب وجت تطنفر وتقربع
وتين: خيرك
مروة: فرخ قيس واخد الطاجين ولقيته ياكل فيه هو ولولاد
وتين: خلاص فوتي في حاجات تانيا
مروة: فتت حتى اني وقلبت عيونها بملل اخخخ
وكملو ودارو العشي وبدو يتعشو
تاني يوم
وهي توتي في روحها للجامعة ومتوترة من الامتحانات طالعة تلبس في سبيدروها
ماتين : هي يالحب خيرك عطلتي
وتيم ابتسمت: ركبت وهي تربط في سبيدروها
ماتين: خيرك غابقة في روحك
وتين : سهرت واني نقرا مش عارف الساعة كم بالزبط خداني النوم شكله واني نقرا بالك مع الساعة6 ونص 7 الصبح هكي شكله حداني النوم نضت لقيته 8 وقت قعدت غابقة
وتين: اجري اجري وقت
ماتين ضحك عليها
وتين خايفة من الامتحانات وتشبح للطريق وتهر في رجلها بقوة
ماتين: فيك شيء
وتين: شوية توتر من الامتحان
ماتين ضحك: قتلي شوية ياسوسة في الاخير تسكري الدرجة
وتين: لا والله هلبا خاييفة نحس في روحي مش حنجاوب
ماتين شدلها ايديها الي مضغوطين وفكهمله وطبطبت عليهم : اقري المعوذات وتعودي من الشطان وقولي ادعية واقري اية الكرسي وانتي قارية وربي معاك ىباذن الله حتجاوبي
وتين ابتسمتله بحب شكراا ونزلت
ماتين قعد يشبحلها لين باعدت ومشي
في المرواح
روح بيها
ماتين: شن صار في امتحانك
وتين ابتسمت : باهي جاوبت
فاتو يامات مفيش شيء جديد
ملاحظة
موني : منذكرش اني قلت هي شن متخصصة نسيت حتى شن تخصصها 😂😂 اعتبروها هندسة معمارية و خلااص 😂
_______رواية مابعد هذا الظلام؟_______
مراد بجدية: قتلك اني حنسحب ايدي منقدرش عندها ورقة رابحة ليا
جمال ابتسم بخبث: بس اني لا وسكر
جمال: حتشوفي وياترى شن حتكون ردت فعلك لما تعرفي انه فاتحتك مقرية قداش ليها وتعرف انه مفيش حد حيقدر يمنعني الخطة هادي حتكون ناجحة وناض يضحك بشكل هستيري : حندمك على هروبك ورفضك ليا الي ميهمنيش حناخدك وغصب عليك وعلى الكل
... يتبع
وهادي كانت حلقة اليوم مافيهاش احداث ترقبو الاحداث كلها في الحلقات الجاية وزعما جمال شن يخطط وهل حتنجح خطته استنو في الحلقاات الجاية تفاعلو واعطو رايكم ووادعمونني
ونتأسف عالاخطاء الاملائية نكتب بسرعة ومنلحقش نراجع والنهاية بدت تقرب وشكرااا
أنت تقرأ
مابعد هذا الظلام؟
Ficción Generalرواية: مابعد هذا الظلام ؟ بقلمي : Mone المقدمة وتين كانت تشبح ومصدومة شافت جريمة لاقرب الناس ليها ماتت قدام عيونها وهي في عمر صغير منظر شنيع شافاته موت شخص تعرفه وقريب منها هلبا مات قدامه ومات مقتول وبمنظر ميوصفش وتين : باه خلاص والله منتكلم بالل...
