بقلمي : موني
الحلقة 20 والاخيرة
جمال سحب سلاحه : اما واحد فيكم بسرعة اختارو مفيش وقت نبيك تتعذب اني مش تموت طول
وقنص على راس وتين وضغط عالزناد
بوسرعة ميجي ماتين طيح وتين بس جت في كتفه وطاح فوقها
وتين تشبح ومصدومة
ماتين محس بشي في البداية بعدين حس بحاجةومس كتفه لقاه دم
وخشو الشرطة بسرعة مقامو جمال ومراد وسمية بعد ما حاتم اعطاهم الادلة كلها روح هو وفادية اليوم بس حطها ترتاح ومشي هو لمركز الشرطة ودار خطة الي قال عليها ماتين
محمد مصدوم ويتكلم بحسرة: وليدي بيريح من بين ايديا
وبسرعة ماجو للولاد وقامو ماتين وحطوه في السيارة ومشو ووتين تبي تمشي معاهم بس محلوهاش قاللها تصير حاجة احيكلنا
والكل عرف القصة الي صارت برا وحليمة حكتلهم قصة وتين كاملة ومحمد ولد خالتها وانها هي مدايرة كل شيء على خاطره وانه متحملة مسؤليته وانها محملة روحه انها السبب في موت الكل كان طول الوقت وهي يآنب فيها ضميرها
اما سمية وجمال ومراد
جمال نحكم عليه مؤبد وطلق وتين ومراد جاته سقطة قلبية توفى وهو نادم مات حسرة وسمية انتحرت بعد ما سما قتلها بنسكنو مع بابا الي هو المهدي وهدى معاهم يعني قالوهالها قبل ميحكمو عليعا مؤبد بعدين حكمو عليها وهي مقدرتش انتحرت
ماتين كان في المستشفى قالهم الدكتور خلوه يرتاح بس وتين قعدت ادور في اين وتكلم لين خششوها
ماتين اول مشبحها ابتسم: انت بخير
وتين بحزن: انت الي بخير
ماتين: ايه اظن جي وقت تحكيلي كل شيء
وتين بدت تحكيله وكل مرة تزيد تبكي
وتين : وبس هذا لين يوم جيتكم وحناك زي متعرف خالة ماما صح كانت بعيدة بس هي كان تقول حناي فعلا
ماتين : معقولة هذا كله ومتجيش تحكيلي
وتين تنهدت : مكنتش نبي نذكر الماضي علااش رميت روحك قدام الرصاصة
ماتين: شن تبيني ندير
وتين وهي تبكي: علااش مخليتهاااش تجي فياا علااش علااش مخليتنيش نموت ونرتاح تخيل انك متت هي
ماتين وهو مش قادر ينوض شادلها ايدها ويمسح عليها ويهدي فيها: اهدي شن تبيني نخلي الرصاصة تجي فيك تعرفي انك وتيني وروحي يعني لو متي انت حنموت حتى اني حطيها في راسك هذي الي يئذيك يأذيني حطيهااااا في رااسك
وتين زادت تبكي: لو صارلك شيء مكنتش حنسامح نفسي اني طول عمري اذى للناس الي نقرب منهم كلهم ناذي فيهم
ماتين: ها شوفي اهو مصارلي شيء ونهدرز معااك وانت عمرك مكنتي اذى لحد انت في كل مكان تمشيله تعبيه فرحة وبركة وكل شيء حلو انت الشخص الي تعاشريه تغيريله حياته للاحسن والاذى الي منك يامحلاه
وتين زادت تبكي وصوت شهقاتها يعلو: اني كنت السبب في كل شيء اني سبب موتي امي لو مجيتش على هذه الدنيا كانت اطلقت عادي اني سبب في موت خالتي وراجلها لو مقتلهمش ونبيهم ينقدوني راهو بابا مقتلهمش اني وزادت تبكي وتشهق لو تحملت وسكتت لين متت ومخلتيش خالتي وراجلها يجوني راهو متوفوش ويتمت ولد صغير ميعرف شيء خليته يتيم مهما كنت تحاول نعطيه دور الام والاب بس نفيش زي حنان الام وزي اب يسندك صح ملحقتش ممكن حنان الام شوية بس في الاخير لحقت شوية على حنانها وسند بوي واني السبب في ضربتك خليتك بين الحياة والموت
ماتين : انت مكنتيش السبب انت تعرفي من مان السبب ومش ذنبك جيتي على هذي الدنيا وولد خالتك انت عوضتيه على كل شيء انت تحملتي كل شيء على خاطره وانت مكنتيش في سبب شيء من هادم انت كنت سبب في فرحة عيلتنا كنت سبب في فرحتي كنت سبب في كل شيء حلو لياا اني من اول مشوفتك واني حبييتك من اول مشفتك قلت ياما في من وراها حكايات اول مشوفتك وقلت هي حتكون ليااا وحندير المستحيل عشانك وتيني
وتين ابتسمت : واني كنت نقول دنيا علاش حياتي كلها هكي ظلااام يعني نكد وعيشة حرفة وهم احرف بس ديما نقول شن في بعد هذا الظلام طلع في انت انت النور الي ضويت حياااتي انت احلى حاجةصارت في دنيتي نحبكك
أنت تقرأ
مابعد هذا الظلام؟
Fiksi Umumرواية: مابعد هذا الظلام ؟ بقلمي : Mone المقدمة وتين كانت تشبح ومصدومة شافت جريمة لاقرب الناس ليها ماتت قدام عيونها وهي في عمر صغير منظر شنيع شافاته موت شخص تعرفه وقريب منها هلبا مات قدامه ومات مقتول وبمنظر ميوصفش وتين : باه خلاص والله منتكلم بالل...
