مابعد هذا الظلام؟

تابع حلقة 5

ماتين كلم حتى مؤيد الي ماشي بيجيبلهم عشي هو ومنير وكلمو لبنات كلهم وجو للمربوعة كلهم
ماتين: هي توا وحدة من لبنات تمشي معاي
منار: اني نمشي
مروة: هني روحك وهفتي تعالى وخيي نمشو اني وياك
ومشو
وتين وقعدت تدعي ودموع ينزلو : ياربي ساعدني مش قادرة
الروشن متاع السيارة طق فتحاته
ماتين: تقدري تجي معانا توا
وتين مسحت دموعها: وعلاش
مروة: اهلا
وتين تشبح ومستغربة: يعني
ماتين 🤦🏻‍♂️ : قصدي في بنات مناش ولاد بروحنا تقدري تجي معانا
وتين: اسفة بس منقدرش خلاص امشو على حالكم اني بنرقد في السيارة لين يجي الصبح ندور على حوش للايجار وشكرا وبارك الله فيكم
ماتين شبحلها وقام حاجبه: وعلاش انت وين تسكني وعلاش جاية
وتين: يعني مش لازم تعرف كل شيء
ماتين: احني معاك كان تبي مساعدة وتبي شيء احني هني بس ياريت تخشي تباتي في المربوعة اليوم هيا انزلي معانا
وتين: خلوني في حالي قلت صحيتو وبارك الله فيكم وله
ماتين تعفلق وبدي يعلي في صوته: تي انزلي الزح خيرك هكي عنايدية
وتين. تاشرله بمعنى اسكت: تي اسكت متشبحش فيه راقد تخيرك الزح
ماتين مصدوم من كلمة الزح الي تقول فيها ومصدوم في الولد الي معاها: من يكون هذا
وتين: خوي
ماتين: وين امك وبوك شن اديرو تفهمينى يابنت الناس
وتين: قتلك خلوني في حالي وصحيتو بارك الله فيكم
ماتين: متخلنيش نفصل انزلي ونزليه معاك هيا توا
مروة: اسمعيني انزلي اهو اني والبنات نقعدو نباتو حتى معاك تعالي معاي ونزليه على خاطره حرام يرقد في السيارة في الصقع
وتين تدكرت كيف لما رقد امس وناض قعد يقول رقبتي وجعتني وفي الليل كيف صقع
وتين تنهدت: اصلا اني كل شيء ندير فيه على خاطره ونزلت من السيارة ولفت بتقيمه
ماتين: هاتي عليك نوصله مسافة ورزين عليك
وتين: صحيت منبيش نتعبك تو نرفعه عادي ولا تو نوضه يمشي على رجليه
ماتين: حرام عليك هاتيه وخداه قامه وسكرت السيارة وجت
خشت للصالة كل يشبحله طبعا كان عيونها حمر من البكي وخشمه وخدودها من الصقع ويديها مجمدات
قعمزة كلهم
مروة: قعمزي
وتين قعمزت
ماتين: تفضلي ياختي نسمعو فيك
وتين شبحتله وقامت حاجبها: تبصر صاح
ماتين : يارب الصبر اختي حني جايين بنساعدوك هادو كلهم صغار عمي وعمتي
وتين : والمطلوب مني
ماتين: احكيلنا خيرك
وتين: خيرني انت كبرتو القصة اني جاية من بعيد باهي ووصلت مخر وقعدت ندور في مكان ندرس فيه السيارة نرقد باش الصبح ندور حوش ناجره بس
ماتين ضحك: بس يعني هي هادي القصة
وتين: ايه هي هادي
مودة : تخيركم مكبرين القصة اني ماشية بنرقد ومشت طلعت
وتين شبحتله واشرت على الباب وين مطلعت مودة: زي ماقالتلكم هي علاش مكبرين الموضوع
ماتين: من جدك تحكي انتي
وتين ابتسمت: لا من حناي
وكلهم قعدو يضحكو
ماتين: تو متاكدين نفسها الي كانت خايفة ونتبيش تجي وتبكي
قيس: للاسف نفسها ياخي
وتين: باهي خلاص عرفتو كل شيء المطلوب مني توا
ماتين ضحك: لا تتسهوكي انت قصدي تحسابينى بنصدقو
وتين: مقتلكش صدق بالسيف اني
قيس همس لمؤيد ونادر ومنير:شكله لسانها طويل وتقصف 😂
سمعه ماتين: سمعتك سكر فمك خير منجي نسكرهولك
وتين: تباهي يارا شن تبي توا
كلهم يشبحو لبعضهم ومصدومين
فراس: قالت يارا وله ولا اني نسمع غلط
قيس: لا كلنا شكلنا نسمعو غلط
منار: اعيي خيره اسلوبك هكي مش حلو بكل
وتين: تي انتي فوتي شكلك كله وحركاتك واسلوبك وتصرفاتك وصوتك المتصنع اليعي وجيتي لي اسلوبي
هني كل نفلق ضحك
مروة همست للبنات: والله قصفتها قصفه قداش لينا ندورولها فيها
منار: تضحكو شن قالت يضحك هيا
فرح وهي ميتة ضحك : قصفاتك وكملت تضحك
وكلهم ضحكو على لقطة فرح
وتين : هي اسكتو حي عليكم ينوض
منار: صدقتي روحك شكلك
ماتين بعصبية: مناااار اسكتي خيرلك ايواه
وتين اضايقت وقالت معاها الحق : اسفة مقصديش نزعجكم في الليل وقفت وجت بتقيم محمد وتطلع
وقف قدامها ماتين: ماكش طالعة الليلة من هني
مروة: يابنات كلكم بايتين الليلة اهني وله
كلهم قالو ايه معادا
فادية & قمر: شن رايك انتي وناضو يضاحكو
مروة: ياربي عالتفاهة الي انتو فيها
كرم وقف جنب فرح وكلمها بصوت واطي : افتحي النت مش تلهي في الهدرزة
فادية : اني معاكم عالخط ☺️
كرم🤦🏻‍♂️ وطلع
قمر شبحت لفراس وجاته: اطلع سادك شبح تحسابني مش معاك في الخط ياندو 😂
فراس شبحلها ونصدم
قمر : اطلع اطلع خير منفضح بيك
مروة: هيا انتم خيركم قاعدين اطلعو احني بايتن
قيس: غر دقيقة شن بتقول لي امهاتكم انشاءالله على خير
مروة: ساهلة يعني نخشو لحناي نهدرزو عليها ونحكولها ونقولولهم حناي قتلنا باتو عندي انتم برو خير ميجي توا بابا وعمامي شن يطلعكم منها بعدين ليلة محورفة 😂
قيس: باهي باهي وانت زي العزايز
مروة: كان اني عزوزة انت شني شباني مكحكح
قيس ضحك: من يقدرك في اللسان ووك عليك وطلع
وتين تشبح ومبتسمة: جوو انتم
فادية: كان تشبحي امالا قمر ومؤيد فار قطوس
فرح: تي لكن مروة وقيس ميغلبهم حد في التلقيح لبعض
وتين: منعرفش حد بعدين عرفوني عليكم
مؤيد: كانكم تكلمتو عليا راني قاعد
قمر: خزي عليك اطلع شن قاعد ادير مع البنتة
مؤيد : حتى خوك نادر قاعد وهو ومنير وسراج وماتين خيركم مكلمتوهمش
نادر & منير: ورا بعض
نادر: اني طلعتت
منير: حتى اني
مؤيد يشبح ومصدوم: حي عالبيوع
قمر: ياقعادك يبيعو فيك
مؤيد: حسستيني انت يشرو فيك
قمر: والحمدلله كلهم يبوني
مؤيد: باه🙂
قمر: مهزب
مؤيد : مفيش غيرك مهزب
قمر: نعلمك تقصف
مؤيد: غر تغلمي كيف تردي بعدين القصف يسخرله ربي
قمر: وقح
مؤيد: مبردك
قمر: مبسلك
مؤيد: مبرد دمك
قمر: مصح وجهك
مؤيد: مشناك
سراج : مشناكم الزوز وطلع
كلهم ضحكو
منار: مهزبين
تلفتوله الزوز مع بعضهم : انت سكر فمك مدخلكش وشبحو لبعضهم
الكل قعد يضحك
مؤيد طلع
منار: كانه كلهم طلعو الا انت ماتين
ماتين: انت سكري فمك من عليا
فرح: فدو حبيبتي
فادية: اصلا بنمشي نقولها وانتم قولو لحناي
قمر: اني نمشي نقول لماما ندى انت اقعدي
فادية تلفتت: حي ندى انت هني عاش من سمع صوتك
وضحكو كلهم
ندى: بري مبسلك تعرفيني اني ديما هكي
فادية: ترا احلفي اني نعرفك نحساب روحي منعرفكش
الكل😂😂😂
مشو خشو حكو لحناهم القصة زي ماهي وحشو الداخل وسكرو المربوعة الخارجية وامهاتهم قالو عادي وروحو كلهم والبنات لابسن توت طبعا جابوهم من الحوش مساكين بيرقدو كانو
بدو يفرشو
وتين: سامحوني تعبتكم معاي
فرح: تشن تخرفي احني فرحانين انه قداش لينا على بيتة هكي
فادية: متنسيش النوضة متاع حناي كيف بتنوضنا بكري
البنات ضحكو
قمر: لكن حسيته فسع متعودنا عليك وخشيت فينا
مروة: ايه تقول نعرفوها قداش لينا
منار بحقد: الا اني شكله مجانيش الشعور هذا
قمر: من الحقد الي فيك بيجيك امالا
منار: تعرفي تسكتي ىاحترمي نفسك اكبر منك راه
فرح: مفهمتش خيرك مدرتيش زي اختك ومشيتي
على جية مودة
مودة: السلام عليكم قلت اكيدة متقدروش ترقدو بدوني
فادية: ايه تعرفي حتى العيش منقدرىش نعيشو بدونك
مروة: لولاك منقدروش نعيشو تعرفي
وتين بعفوية: علاش هي اكسجين ولا مية ولا شاورما
كلهم نفلقو ضحك
مروة: قوية شاورما هادي
مودة : جاية لحوش حناي وتلقح علينا زيادة
كلهم لبنات هاجو فيها
فرح: تعرفي تسكري فمك وترقدي تقول مكتوب باسمك
مروة: بروحك قلتيها حوش حناي
فادية: يعني ماهوش حوشك
قمر: يعني حناي هي الي تتكلم تكان نحرشو فيك حناي تلزك انت
منار: باهي ووه عليكم خيركم نقلبتو كلكم دفاع عليها معندهاش لسان هيا
وتين: عندي لكن في الاخير انتم بنات عم تتفاهمو اما اني بنوض نريشها كان هذا
البنات ضحكو معادا مودة ومنار
فرح: ايه شن حقا خيرك قاعدة بحوايجك ووشاحك واحكيلنا من وين جاية وامتى وصلتي
وتين: اني طالعة من بنغازي امس في الليل مع 4:00 في الليل هكي ومرة خطمت عبيت بنزين ومرة خشينى للحمام حشاكم ومرة وقفنا نشرو حاجة محمد ياكل اني معنديش نية في شيء اصلا وصلنا على شوفتك الساعة 12 اهني وقعدت ندور وين ندرس السيارة بنرقد لبين ميجي الصبح ودورت على ايجار
كلهم يشبحو
مروة: عادي نسالك سؤال كان مفيش احراج
وتين عرفت سؤالها: تفضلي
مروة: وين امك وبوك مخليينك انت صغيرة تسوقي قصدي حتى رخصة معندكش اكيد كيف انت وخوك صغيرين جايين بروحكم نبي نفهم
وتين سكتت : اني بنمشي للسيارة نجيب حاجة نلبسها ونجي طلعت
لقت ... يتبع
وهادي الحلقة 5  نشاءالله تنال اعجابكم تفاعلو واعطو رايكم وشكراا