نرجعو للحاضر عام2018
كنت عايشة حياتي او الناس تشبح فيا عايشة حياتي عادي واني انسانة سعيدة بس ميندروش ميعرفوش بكل شيء
في الصبح نضت خشيت الحمام وغسلت وجهي يعني درت روتيني وصليت ولبست سروال اسود وبلوزة كحلة وودجاكة غليضة بيج صوف مع شنطة كحلة وسبورت عالي بيج ووشاح بيج ولبست ساعتها وخواتم وحديدة لكن ما دارتش مكياج محطتش حتى حاجة في وجها كانت محترمة هلبا رغم انه مفيش حد واقف عليها ( هذا مش يعني انه كل مش من واقف عليها حد اديري في بنات خكي مش واقفين عليهم ومحترمات وفي واقفين عليهم ومش محترمات مش موضوعنا هذا توا)
ومشت بدلت لمحمد لبساته كويس صقع برا وهي كدلك لابسة تحت لبلوزة مش عارفةكم فانيليا😂
لبستله ونزلت لوطا بتعطيه حاجة ياكلها
سما كانت نايضة حتى هي لابسة بس مش محترمة نهائي هذاكا المكياج والبرفان الي ينادي من بعيد امالا
سما: غر صبحي علينا
وتين : صبح يافتاح
سما بدت تعلي في صوتها: شن قلنا حني باش اديري هكي
وتين طنشتها عارفتها ادور في مشاكل خدت محمد بعد مفطراته وحطتله فطور في شنطته وعطاته مصروف ومشت
ورفعاته للمدرسة بسيارتها كانت سيارتها رانج روفر كحلة ومظلمة كلها حطت حمودي ومشت
درست متخلاش من العيون الي كلها عليها
الكل يحسابها متكبرة وادير هكي تبي تلفت انتباه الناس بس هي ولا هامها اصلا بالعكس تتوتر لما تلقا الكل يشبحلها تتوتر كملت محاضرتها وروحت مشت لمحمد روحت بيه وروحت وروتين عاد
روحت للحوش وتيت لمحمد حويجه وخليته يبدل واني بدلت لبست سروال اسود فيه الشدة من لوطا وتوب قصير كمه طويل احمر وقامت شعرها قرين ( ديل حصان) ولبست شخشير اكحل قصير ولبست شبشب الحوش كان احمر وفسطه فوق زي الريش ونزلت لوطا ( دارها فوق وجنبها دار محمد ) نزلت هي ومحمد قعزت تقري فيه وتخلي فيه يكتب وتقعمز تقرا
مراد خش ينادي : سمو ... هدو
هدى وسما : نعم بابا
مراد : قعمزو بنياتي وين امكم
هدى : مشت طلعت هي وصاحباتها
مراد وهو مش عاجبه الوضع : باهي
ومشي خش للكوجينة لقي الخدامة
مراد: ديرلي قهوة
ومشي قعمز عالطاولة
عند وتين مشت بتجيب امية من الكوجينة خشت وياريتها ماخشت متحبش تتقابل معاه صح بوها بس هي تشبح في شطان مجرم
خشت خدت امية ولا كانها شافاته
مراد
بنتي مفروض نحبها بس لما نشبحه ادكر بيا في شيء نكره روحي لما ندكره الشيء هذا كل منحاول ننساه لما نشبحها نذكره ديما نضرب فيها نهزب فيها نكرها لهذا السبب
مراد: قولي حتى كيف حالك يابابا خيرك مش زي خواتك
وتين شبحتله على جنب بهزوة وضحكت وجت بتمشي بس بسرعة مشدتها يد من شعرها
مراد بعصبية : لما نتكلم اني تردي عليا فاهمة
وتين بملامح باردة متالمتش نهائي ونبرة صوت جدية وتكلمت بصوت هادييي: لما تعاملني زي خواتي تو نولي زيهم
مراد: ولا ودرتي لسان وزاد شحلها شعرها
وتين تالمت بقوة وقعدت تبي تفك شعرها من يديها: باهي اطلقني حول
مراد بنبرة فيها لوم : عمرك شبحتي بنت هكي تعامل بوها
وتين ردت عليها بنفس النبرة الي تكلم بيها : عمرك شبحت بو هكي يعامل بنته
ويجيها الكف رد بالك تغلبيه في الكلام لانه وقتها حيستعمل الشي الي متقدريش اديريه فضربها كف وخدي قهوته وطلع وهو متعصب منها
وتين ساوت شعرها وغسلت وجهها وخلتها روحها عادي وابتسمت ( زي متعودت ديما هكي ادير )
وولت للدار وكملت تقرا وقرت حمودي
جي للعشي عسفرة للعشي كلهم عالطاولة الاكل مراد مقابلهم كلهم يعني يمينه تلاتة كراسي ويساره تلاتة كراسي ومقابله كرسي وكان على يمينه سميه جنبها سما جنبها زياد ومن اليسار هدى ومحمد ووتين حطاته في الوسط
ديما هكي تقعميزتهم
مراد: غدوة جايين ضيوف صحابي محد يطلع
سمية جت بتتكلم بس قاطعها
مراد: حتى انتي ياسمية جايين نساوين من بيستقبلهم والبنات حتى هما باش يقدمو القهوة محلاها والخدامة هي الي تقدم
سمية: ضيوف شني هما لدرجة حتى لبنات يقعدو
مراد: غدوة تعرفي وسيب الشوكة والسكين وناض
كانو منظمين وعالاساس اتيكيت كان قصر بقوانينه
ناضو كلهم وخشو رقدو ومستغربين من الضيوف بس مش هكي بعدين مراد حكي من الضيوف لسمية في الدار بروحهم قالها انه ضيوف صاحبه يبيه وقاله انشاءالله متردنيش قاعد معرفش علاش
تاني يوم لعشية جو الضيوف
سمية خشتلي في الدار
وتين: كم مرة نقولك طقطقي قبل متخشي
سمية: سكري فمك هذا والبسي الضيوف جو وتعالي بسرعة قدمي القهوة
وتين قامت حاجبها وشبحتلها من فوق للوطا وضحكت بهزوة : وعلاش وين بناتك انشاءالله
سمية ادكرت كلامها هي ومراد لما جو الضيوف وعرفو علاش استاذنو الزوز وتفاهمو وكيف عبت راس بوها : بناتي مهناش وبوك قالي قولي لوتين بري البسي حاجة قنينة واطلعي بسرعة وطلعت قبل حتى مترد عليها
وتين لبست سروال باذنجاني واسع للخصر فوق وفيه حزام وبلوزة بيضاء ودارت شعرها كودة بسرعة بهمش يعني شعرها من الجناب طايح هكي وهي شعرها كان ناعم ولبست اكسسواراتها ولبست شبشب الحوش لونه ابيض المهم البنت طلعت خيال وخشت على دار حمودي شافاته لقاته يلعب بروحه بالتلفون حشيشته ببجي ونزلت طيبت القهوة وخشت تقدم فيها كان في زوز نساوين وعيونهم منقاموش بكل من وتين
قدمت وطلعت
( خلي نحكي عالنساوين)
جميلة عمرها 37جوهرة عمرها40
سمية: ايه شني ياجميلة
جميلة: هي كم مواليدها حسيتها صغيرة
جوهرة: مش قصة العمر هو شبحها وله وقال نبيها
سمية: طالما هو اختارها انت ديما خلوكم برا الموضوع وضحكت
جوهرة ضحكت: ايه معاك الحق
جميلة: عادي انت باهي تعطيها بنتك قصدي متقوليش بنتي صغيرة ومزال الوقت قدامها يعني مرات تحصل شاب او تحب البنت وقت توا مش زي اي وقت
سميةابتسمت : بنيتي اكيدة ديما نتمانلها كل شيء حلو وهي تو بدير مقابلة وافقت باهي موفقتش باهي الي تبيه هي الدنيا نصيبات اني منجبرهاش على شيء
Mone : قداش ماهيا كذابة تتمانلها كل شيء حلو وووه صدقت 😂😂
عند وتين جاها بوها
مراد: البسي كويس وتعالي متخليش الراجل يستنى وطلع وخلا وتين الي تشبح ومصدومة
وتين : ايه يعني النساوين الي قدمتلهم جايين
... يتبع
وخدي الحلقة 2 انشاءالله تنال اعجابكم حيزيدو الاحداث مع الرواية تفاعلو واعطوني رايكم وشكراا
أنت تقرأ
مابعد هذا الظلام؟
Ficción Generalرواية: مابعد هذا الظلام ؟ بقلمي : Mone المقدمة وتين كانت تشبح ومصدومة شافت جريمة لاقرب الناس ليها ماتت قدام عيونها وهي في عمر صغير منظر شنيع شافاته موت شخص تعرفه وقريب منها هلبا مات قدامه ومات مقتول وبمنظر ميوصفش وتين : باه خلاص والله منتكلم بالل...
