هادو كلهم صغار عم
العيلة عندهم حوش حناهم جدهم متوفي
هما 5 عمام وعمة
حناهم: حليمة
الولد الاول
رجب مرته خديجة
كرم89 هذا هو وفرح يحبو بعض جوري90 مخطوبة براني شافوها وخطوبها يعني زواج تقليدي لكن حبو بعضهم
التاني
محمد ومرته فاطمة
ماتين92 مؤيد94 مروة98
التالت
فتحي ومرته نجمية
فراس 92 فرح 95 فادية 96
الرابع
عمر مرته ثرية
قيس93 نادر94 ندى97 قمر 99
الخامس
المهدي مطلق عنده بنت وولد البنت معاش شافها من لما اطلق بس الولد قاعد يواصل في بوه وحتى الجمعة لما يلتمو كلهم يجي معاهم
العمة
عبير راجلها جمعة
سراج93 منير 94 منار 96مودة 98
عندك مؤيد وقيس ومنير ونادر هذا جوهم ضحك وبس ميفوت عليهم شي كل شيء يعرفوه خبيثين 😂😂ماتين اكتر واحد عصبي فيهم سراج حشيشته البنته ديما وهو يكلم في بنات كرم هذا هادي وعالاساس عاقل 😂
😂 وفراس هذا ماشي مع الماشيين وجاي مع الجايين 😂😂 يعني في مشكلة يفزع في ضحك يقعمز يضحك يعني ويبي ندى وخايف تطلع مرتبطة او تبي حد ولا حاجة
لبنات مروة اطيب وحدة بيناتهم جوها يهبل منار ومودة مفيش حد يحبهم شياطين على هيئة بنادمية قمر وفادية يخوفو جوهم ضحك هبلات يبان عليهم لكن وميفوت عليهم شيء يعرفو ابليس وين يبات 😂😂 وفرح تحب كرم وندى الانطوئية فيهم ديما هي ساكتة مش زي مروة وقمر وفرح وفادية تهادو لسانهم ملوي على رقبتهم
وجوري عاد متخالطش فيهم عساس كبيرة ومخطوبة 😂😂
كلهم كانو يسكنو مع بعض معادا العمة كانت بعيدة شوي يعني نفس الشارع لكن هنا في سانية وحدة اما هي لا
وهادو الشخصيات الي حيكونو جزء من الرواية
تفاعلو واعطو رايكم وشكراا
أنت تقرأ
مابعد هذا الظلام؟
Ficção Geralرواية: مابعد هذا الظلام ؟ بقلمي : Mone المقدمة وتين كانت تشبح ومصدومة شافت جريمة لاقرب الناس ليها ماتت قدام عيونها وهي في عمر صغير منظر شنيع شافاته موت شخص تعرفه وقريب منها هلبا مات قدامه ومات مقتول وبمنظر ميوصفش وتين : باه خلاص والله منتكلم بالل...
