الحلقة 17
بعد فترة فرح وندى حملو مع بعض. الفرق بيناتهم قولو ايام خمس شهور كانو وكانت العلاقة بين مؤيد وقمر كانها تزيد وقيس ومروة وروحو طبعا قدا ليهم من السفر
وتين: شن عندك تطبيق غدوة
محمد: حسااب
وتين : باهي برا اقرا
محمد: تي لقرايا للحمير الذكي ميقراش
وتين🤦🏻♀️: ايه واضح الذكاء وانت صف كم باش تقرا القرايا هكي
على خشت مروة وقمر وفادية
لبنات: هاااي
محمد شبح لوتين: هي اهم جوك تو بعدين نقرا
مروة: خيرك متبيش تقرا
محمد: تقتلكم قرايا للحمير الاذكياء ميقروش
وتين بجدية: محمد برا اقرى خيرلك
محمد ناض وخش لداره يقرا
مروة: بالشوي عليه خيرك
وتين: ماهو كان مشديتلاش من الاول حيستهزا بالقرايا ومعاش حيقرالي
فادية: بس هكي يزيد يكرها
وتين: تبوني نقوله متقراش ونببيه بس في نفس الوقت حنحببه فيها بالشوي بالشوي
قمر: اييه صح كلامك
وفاتو هدرزة وهكي
وروحو وفاتو يمات وروتين عادي
وتين وماتين بدو متقربين لبعض هلبا وكل يوم يزيد حبهم لبعض
في يوم الجمعة
ماتين خش يحسابه وتين بس
ماتين: وتيني
وتين تحشمت ووجها ولا احمر
ماتين: خيرك
حليمة: لاحشم لا جعرة خاش تنادي فيها بكل قلة ادب وتيني خزيي عالترباية جيل اخر زمن
وطلعت
نفلقو ضحك
وتين: تستاهل
ماتين: الحق فيا اني هي متبي شيء
وتين : لالا صحيييت
ومشي
ماتين طلع تلفونه شرين
حاتم صاحب ماتين راس: ايوااه
ماتين: شن صار قدرت تعرف عليه معلومات
حاتم: اسمه مراد ***** مواليد70 راجل ومعروف وكويس ومعروف بالسمعة الطيبة
ماتين ضحك: صار هكي معرفو بالسمعة الطيبة
حاتم ضحك: هذا هوا شن تحساب بس
ماتين: شني
حاتم: في موضوع قاعد نتحرى عليه
ماتين: تقدر تجيني
حاتم: ربع ساعة بالكتير نكون عندك
عندهم غادي
مروة: انتم كلكم تبو وحدة زي فادية
فادية: ايواه الا حقوق المراءة
كلهم يضحكو
فادية بكل جدية: ننصحكم متستهينوش بالمراءة يويلكم تزعلوها
مؤيد : اني عمري مزعلت مراءة
قمر شبحتله : متاكد
مؤيد: قلت مراءة
قمر: اه يعني متزعلش في روحك
مؤيد 🙂: وانتي معترفة انك راجل
قمر: اني مش راجل اني ندير في روحي هاك باش يبدا حد فينا راجل
مؤيد : نعتبرها قصفة
قمر: اعتبرها كيف متبي
فادية: ها ريتن كيف تستهينو بينى هلبا
قيس: بالله عليك بري قعمزي برا واشنقي روحك في اول شجرة
فادية😒
جابو يلعبو في بلاستيشين
فادية: اني نعرف نلعب كورة
الولاد ضحكو
فادية ابتسمت على جنب : قتلكم متسهينوش بالمرءاة
قيس: باهي شن رايكم نلعبو كورة بجدياات برا
كلهم هي
وطلعو ودارو مرمات
طبعا فرح وندى جمهور ورجالتهم معاهم معندهم ميديرو خايفين عليهم
الي يلعبو الفريق الاول ماتين وقيس ومؤيد ونادر وسراج ومنير
الفريق التاني متاع البنات وتين ومروة وفادية وقمر ومنار ومودة
كرم الحكم
وقعدو يلعبو
قمر تجري بالكورة : وتييين هيا تعالي ويجي يعكفها مؤيد وهي مش اطيح بروحها تجبد مؤيد معاها ويجو طايحن فوق بعض
مؤيد للحظة حس بحاجة غريبة هكي وقعد سارح في عيونها
وقمر نفس الشيء
قيس جاهم: لوسمحت عارف قطعت الرومانسية بس حتى هي اختي تحشم وقدامنا زيادا
مؤيد 😅
قمر تحشمت وكملت تلعب
فادية وهي تجري تعثر في الرشادة تجي طايحة طيحة قعدت ساعتين فاتوها يحسابوها تدلع وهي حرجت ومشت باعدت عالجيهة الي هما فيها قعدت تبكي
وماتين كان يراجي في حاتم
أنت تقرأ
مابعد هذا الظلام؟
General Fictionرواية: مابعد هذا الظلام ؟ بقلمي : Mone المقدمة وتين كانت تشبح ومصدومة شافت جريمة لاقرب الناس ليها ماتت قدام عيونها وهي في عمر صغير منظر شنيع شافاته موت شخص تعرفه وقريب منها هلبا مات قدامه ومات مقتول وبمنظر ميوصفش وتين : باه خلاص والله منتكلم بالل...
