الحلقة 18
في شخص يأنب فيه ضميره
هوا مش مداير غير حاجات بسيطة يعني كله بسب التفكير الي يحشوله فيه قرر وفكر وقر انه يتصل بوتين ويعتذر رغم انه عارف الاعتدار مش حيجيب نتيجة بس هو يحاول لانه نادم اشد الندم وقرر يمشي مع زياد يوم الجمعة باش تلقاها وتتساف منها
(سما)
سما نادم على كل شيء دارته امها ديما ادبرلها في راسها بس في من فيقها على عمرها زيادوهدى
________ رواية مابعد هذا الظلام؟________
عند ماتين وحاتم يدورو
حاتم: اسمع في كدا موضوع نبي نحكيه
ماتين: وين انت نجيك ولا تجيني
حاتم: اهو تو نجيك
ماتين: اني مهناش استناني لبين موصلت
حاتم: مرات نوصل بعدك هي وسكر
منير: اني ناو نتزوج اقل شيء خطبة بعدين زواج
نادر: استناني نحب بعدين نتزوجو مع بعض اني وياك ومؤيد ثلاثي المرح 😂
منير: كان بنستناك معاش بنتزوج انت ومؤيد
نادر غمز لمؤيد: لكن مؤيد الباين عليه حتى هو ناوي يتزوج
مؤيد: شن تخرفو اني منيش متزوج لين نلقى البنت الي يحبها قلبي
نادر: وقاعد ملقيتهاش
مؤيد اذكر قمر وابتسم: قولو مزال شوي
نادر &منير: اووو شفتو الابتسامات
قيس جاهم شن تدوو
منير: بنتزوج
قيس: حتندم معاش في زي الجمعات هادي شفت كرم وفراس كيف
على جيتهم
كرم& فراس : خيرنا
قيس😅: قتلهم تتزوجو معاش نقدرو نتجمعو
كرم : بالعكس احلى التجميعة وتكبر العيلة
فراس: خصوصي كان تتزوج الي تحبها
كرم: تنوض كل يوم فرحان
ندى كلمت فراس : قتله تعالى شكله فارس مريض
فراس مشي على طول ناض
قيس: وليدي تحكم فيه مراته
لولاد كملو : حتى من حوشي حرماته
حي ياحي زعما سحراته
فراس: برو وانتم هذا فاش فالحين الباين فارس مريض تمشي نشوفه ونجي
مؤيد: توا هذا منظر بوه
منير: هاته باذن الله حيتربى على ايدينا ويطلع ونعم التربية
نادر: كلهم يبدو يضربو بيه في المثل ومش حنخلوه مرخي نبوه راجل
قيس: بنعلموه السببان
فراس: مستحيل نخليه معاكم هذا مناقص يطلع لعمامه
كرم: الحمدلله بنية وربي كان هذا هبلتوها
مؤيد: كان متجيش زي فرخة جوري كله باهي
كرم تعفلق اخته في الاخير: وخيرها جوري
مؤيد حس روحه قال كلمة غلط ديما وهو يرفس: نتسهوكو ياراجل خيرك
قيس يرقع ويغير الموضوع
جي سراج طبعا الي هوا كيف مروح من عمله
وقعدو يهدرزو
عند لبنات
قمر: كساد يبنات مفيش شيء جديد اهو بنتخرج وبنديرو حفلة تخرج اني ومروة قريب نتخرجو
طبعا هما قاريين طب بشري وخلاص بيتخرجو يستنو في النتيجة بس
فادية: بالله تقول بتخدمو اهو اني داسة شهادتي في الدولاب 🙂
مروة: شوفي فرح وندى ربحوها متعبوش بكل مدامك متبيش تخدمي علاش خاش هكي شوفي فرح وندى قرو معهد حاسوب وخلاص وقفو مكملوش لا عالي لا شيء
فادية: تبوني نخدملكم معاكم المحامية فادية
فادية تلفونها شرين
فادية: ايواه ياماما
نجمية: تعالي طيبي بوك يبي قهوة ليه هو وعمامه اني بنمشي نشوف ولد خوك شكله مريض
فادية : باهي هي اني جاية وسكرت
فادية: تو وين استوعبت ان وليت خالة وعمة 🙂
قمر: واني وليت خالة
مروة: واني مش حنولي خالة بكل
وتين: وصغاري من خالتهم كان انت مش خالتهم
قمر: صغارك احني كلنا خالاته
مروة: الا اني عمته 😁
وتين : بري يحيوانة😂😂
فادية: هي خلي نمشي ندير قهوة لبوي وعمامي
وتين : اهو اني تو ندير هني
فادية: اكيد بابا معاه الصحاب خلي نمشي ونشوف كم نفر كله وندير
وطلعت
أنت تقرأ
مابعد هذا الظلام؟
General Fictionرواية: مابعد هذا الظلام ؟ بقلمي : Mone المقدمة وتين كانت تشبح ومصدومة شافت جريمة لاقرب الناس ليها ماتت قدام عيونها وهي في عمر صغير منظر شنيع شافاته موت شخص تعرفه وقريب منها هلبا مات قدامه ومات مقتول وبمنظر ميوصفش وتين : باه خلاص والله منتكلم بالل...
